Arrian, Anabasis, book 5, chapter 12

(아리아노스, Anabasis, book 5, chapter 12)

Ταῦτα μὲν Κρατερῷ ἐνετέλλετο. ἐν μέσῳ δὲ τῆσ νήσου τε καὶ τοῦ μεγάλου στρατοπέδου, ἵνα αὐτῷ Κρατερὸσ ὑπελέλειπτο, Μελέαγρόσ τε καὶ Ἄτταλοσ καὶ Γοργίασ ξὺν τοῖσ μισθοφόροισ ἱππεῦσί τε καὶ πεζοῖσ ἐτετάχατο· καὶ τούτοισ διαβαίνειν παρηγγέλλετο κατὰ μέροσ, διελόντασ τὸν στρατόν, ὁπότε ξυνεχομένουσ ἤδη ἐν τῇ μάχῃ τοὺσ Ἰνδοὺσ ἴδοιεν. Αὐτὸσ δὲ ἐπιλεξάμενοσ τῶν τε ἑταίρων τὸ ἄγημα καὶ τὴν Ἡφαιστίωνοσ ἱππαρχίαν καὶ τὴν Περδίκκου τε καὶ Δημητρίου καὶ τοὺσ ἐκ Βάκτρων καὶ Σογδιανῶν καὶ τοὺσ Σκύθασ ἱππέασ καὶ Δάασ τοὺσ ἱπποτοξότασ καὶ τῆσ φάλαγγοσ τούσ τε ὑπασπιστὰσ καὶ τὴν Κλείτου τε καὶ Κοίνου τάξιν καὶ τοὺσ τοξότασ τε καὶ τοὺσ Ἀγριᾶνασ ἦγεν ἀφανῶσ πολύ τι ἀπέχων τῆσ ὄχθησ, τοῦ μὴ καταφανὴσ εἶναι ἄγων ἐπὶ τὴν νῆσον καὶ τὴν ἄκραν, ἔνθεν διαβαίνειν αὐτῷ ἦν ἐγνωσμένον.

καὶ ἐνταῦθα ἐπληροῦντο τῆσ νυκτὸσ αἱ διφθέραι τῆσ κάρφησ, ἐκ πολλοῦ ἤδη παρενηνεγμέναι, καὶ κατερράπτοντο ἐσ ἀκρίβειαν·

ὕδωρ τε ἐξ οὐρανοῦ τῆσ νυκτὸσ λάβρον ἐπιγίγνεται. ταύτῃ καὶ μᾶλλόν τι ἡ παρασκευή τε αὐτῷ καὶ ἡ ἐπιχείρησισ ἡ ἐσ τὴν διάβασιν οὐ φανερὰ κατέστη, τῷ κτύπῳ τῷ ἀπὸ τῶν ὅπλων καὶ τῷ θορύβῳ τῷ ἀπὸ τῶν παραγγελμάτων τῶν τε βροντῶν καὶ τοῦ ὄμβρου ἀντιπαταγούντων. καὶ τῶν πλοίων δὲ τὰ πολλὰ αὐτῷ ξυντετμημένα παρεκεκόμιστο ἐσ τὸν χῶρον τοῦτον καὶ ἀφανῶσ αὖθισ ξυμπεπηγμένα ἐν τῇ ὕλῃ ἐκρύπτετο, τά τε ἄλλα καὶ αἱ τριακόντοροι.

ὑπὸ δὲ τὴν ἑώ ὅ τε ἄνεμοσ καὶ ὁ ὄμβροσ κεκοίμητο. καὶ ἡ μὲν ἄλλη στρατιὰ αὐτῷ ἡ ἱππικὴ τῶν διφθερῶν ἐπιβᾶσα καὶ ὅσουσ τῶν πεζῶν τὰ πλοῖα ἐδέχετο ἐπέρα κατὰ τὴν νῆσον, ὡσ μὴ πρόσθεν ὀφθεῖεν πρὸσ τῶν σκοπῶν τῶν ἐκ πώρου καθεστηκότων πρὶν παραλλάξαντασ τὴν νῆσον ὀλίγον ἔτι ἀπέχειν τῆσ ὄχθησ.

일치하는 문장이 없습니다.

SEARCH

MENU NAVIGATION