헬라어 문장 검색 - Αρριαν́Αναβασί5́13́

(아리아노스, Anabasis, book 5, chapter 13)

Αὐτὸσ δὲ ἐπιβὰσ τριακοντόρου ἐπέρα καὶ ἅμα αὐτῷ Πτολεμαῖόσ τε καὶ Περδίκκασ καὶ Λυσίμαχοσ οἱ σωματοφύλακεσ καὶ Σέλευκοσ τῶν ἑταίρων, ὁ βασιλεύσασ ὕστερον, καὶ τῶν ὑπασπιστῶν οἱ ἡμίσεεσ· τοὺσ δὲ ἄλλουσ ὑπασπιστὰσ ἄλλαι τριακόντοροι ἔφερον. ὡσ δὲ τὴν νῆσον παρήλλαξεν ἡ στρατιά, φανερῶσ ἤδη ἐπεῖχον τῇ ὄχθῃ· καὶ οἱ σκοποὶ κατιδόντεσ αὐτῶν τὴν ὁρμὴν ὡσ ἑκάστοισ τάχουσ οἱ ἵπποι εἶχον ἤλαυνον ὡσ ἐπὶ τὸν Πῶρον. ἐν τούτῳ δὲ Ἀλέξανδροσ πρῶτοσ αὐτὸσ ἐκβὰσ καὶ τοὺσ ἀπὸ τῶν ἄλλων τριακοντόρων ἀναλαβὼν ξυνέταττε τοὺσ ἀεὶ ἐκβαίνοντασ τῶν ἱππέων.

οἱ γὰρ ἱππεῖσ πρῶτοι ἐτετάχατο αὐτῷ ἐκβαίνειν· καὶ τούτουσ ἄγων προῄει ἐν τάξει. ἔλαθε δὲ οὐκ ἐσ βέβαιον χωρίον ἐκβὰσ ἀγνοίᾳ τῶν τόπων, ἀλλὰ ἐσ νῆσον γὰρ καὶ αὐτὴν μὲν μεγάλην, ᾗ δὴ καὶ μᾶλλον νῆσοσ οὖσα ἔλαθεν, οὐ πολλῷ δὲ ὕδατι πρὸσ τοῦ ποταμοῦ ἀποτεμνομένην ἀπὸ τῆσ ἄλλησ γῆσ. καὶ ἅμα ηὐξήκει τὸ ὕδωρ ὁ ὄμβροσ λάβροσ τε καὶ ἐπὶ πολὺ τῆσ νυκτὸσ κατασχών, ὥστε οὐκ ἐξεύρισκον αὐτῷ οἱ ἱππεῖσ τὸν πόρον, καὶ δέοσ ἦν αὖθισ ἄλλου δεῆσαι αὐτῷ ἐπὶ τῇ διαβάσει ἴσου τῷ πρώτῳ πόνου.

ὡσ δὲ ἐξευρέθη ποτὲ ὁ πόροσ, ἦγε κατ̓ αὐτὸν χαλεπῶσ· ἦν γὰρ τῶν μὲν πεζῶν ὑπὲρ τοὺσ μαστοὺσ τὸ ὕδωρ ἵναπερ τὸ βαθύτατον αὐτοῦ, τῶν δὲ ἵππων ὅσον τὰσ κεφαλὰσ ὑπερίσχειν τοῦ ποταμοῦ. ὡσ δὲ καὶ τοῦτο ἐπεπέρατο αὐτῷ τὸ ὕδωρ, ἐπὶ μὲν τὸ δεξιὸν κέρασ παρήγαγε τό τε ἄγημα τῶν ἱππέων καὶ τῶν ἄλλων ἱππαρχιῶν τοὺσ κρατίστουσ ἐπιλεξάμενοσ·

τοὺσ δὲ ἱπποτοξότασ τῆσ πάσησ ἵππου προέταξε· τῶν δὲ πεζῶν πρώτουσ μὲν τοὺσ ὑπασπιστὰσ τοὺσ βασιλικούσ, ὧν ἡγεῖτο Σέλευκοσ, ἐπέταξε τῇ ἵππῳ· ἐπὶ δὲ τούτοισ τὸ ἄγημα τὸ βασιλικόν· ἐχομένουσ δὲ τούτων τοὺσ ἄλλουσ ὑπασπιστάσ, ὡσ ἑκάστοισ αἱ ἡγεμονίαι ἐν τῷ τότε ξυνέβαινον· κατὰ δὲ τὰ ἄκρα τῆσ φάλαγγοσ οἱ τοξόται αὐτῷ καὶ οἱ Ἀγριᾶνεσ [καὶ] οἱ ἀκοντισταὶ ἑκατέρωθεν ἐπέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 13

(아리아노스, Anabasis, book 5, chapter 13)

상위

목록

SEARCH

MENU NAVIGATION