헬라어 문장 검색 - Αππιαν́ΤηεΞιϝί3́14́

(아피아노스, The Civil Wars, book 3, chapter 14)

Νόμῳ δ’ ἑτέρῳ ἀπέλυε μὴ εἶναι πολέμιον Δολοβέλλαν, καὶ εἶναι φόνου δίκασ ἐπὶ Καίσαρι. καὶ εὐθὺσ ἦσαν γραφαί, τῶν φίλων τοῦ Καίσαροσ γραφομένων τοὺσ μὲν αὐτόχειρασ, τοὺσ δὲ συνεγνωκέναι μόνον. καὶ γὰρ τοῦτο ἐνίοισ ἐπεγράφη, καί τισιν οὐδ’ ἐπιδημήσασιν, ὅτε ὁ Καῖσαρ ἐκτείνετο. πᾶσι δ’ ὁρισθείσησ ὑπὸ κηρύγματι μιᾶσ ἡμέρασ ἐσ κρίσιν, ἐρήμην ἅπαντεσ ἑάλωσαν, ἐφορῶντοσ τὰ δικαστήρια τοῦ Καίσαροσ καὶ τῶν δικαστῶν οὐδενὸσ τὴν ἀπολύουσαν φέροντοσ πλὴν ἑνὸσ ἀνδρὸσ τῶν ἐπιφανῶν, ὃσ τότε μὲν οὐδ’ αὐτόσ τι ἔπαθε, μικρὸν δ’ ὕστερον ἐπὶ θανάτῳ μετὰ τῶν ἄλλων καὶ ὅδε προυγράφη. ἔδοξε δὲ ταῖσδε ταῖσ ἡμέραισ Κόιντοσ Γάλλιοσ, ἀδελφὸσ Μάρκου Γαλλίου συνόντοσ Ἀντωνίῳ, τὴν πολιτικὴν στρατηγίαν ἄρχων, αἰτῆσαι παρὰ Καίσαροσ τὴν στρατηγίαν τῆσ Λιβύησ, καὶ οὕτω τυχὼν ἐπιβουλεῦσαι τῷ Καίσαρι· καὶ αὐτοῦ τὴν μὲν στρατηγίαν περιεῖλον οἱ σύναρχοι, τὴν δ’ οἰκίαν διήρπασεν ὁ δῆμοσ, ἡ δὲ βουλὴ κατεγίνωσκε θάνατον. ὁ δὲ Καῖσαρ ἐσ τὸν ἀδελφὸν ἐκέλευσε χωρεῖν, καὶ δοκεῖ νεὼσ ἐπιβὰσ οὐδαμοῦ ἔτι φανῆναι. Τοσάδε πράξασ ὁ Καῖσαρ ἐπενόει μὲν τὰσ ἐσ τὸν Ἀντώνιον διαλύσεισ, πυνθανόμενοσ ἤδη τοῖσ ἀμφὶ τὸν Βροῦτον εἴκοσι συνῆχθαι τέλη στρατοῦ, καὶ χρῄζων ἐπ’ αὐτὰ Ἀντωνίου, ἐξῄει δὲ τῆσ πόλεωσ ἐπὶ τὸν Ιὄνιον καὶ σχολαίωσ ἀνεζεύγνυε, τὰ παρὰ τῆσ βουλῆσ ἐπιμένων·

Πέδιοσ γὰρ αὐτὴν ἀποστάντοσ τοῦ Καίσαροσ ἔπειθε τὰ ἐσ ἀλλήλουσ μὴ δυσίατα ποιουμένουσ συναλλαγῆναι Λεπίδῳ τε καὶ Ἀντωνίῳ. οἱ δὲ προεώρων μὲν ὅτι μὴ σφίσι μηδ’ ὑπὲρ τῆσ πατρίδοσ εἰσὶν αἱ διαλλαγαί, ἀλλ’ ἐσ συμμαχίαν Καίσαρι κατὰ Κασσίου τε καὶ Βρούτου, ἐπῄνουν δ’ ὅμωσ καὶ συνετίθεντο ὑπ’ ἀνάγκησ. καὶ τὰ πολέμια δόγματα Ἀντωνίου τε καὶ Λεπίδου καὶ τῶν ὑπ’ αὐτοῖσ στρατῶν κατελύετο, εἰρηναῖα δὲ ἕτερα αὐτοῖσ ἐπέμπετο. καὶ ὁ Καῖσαρ αὐτοῖσ συνήδετο γράφων, Ἀντωνίῳ δὲ καὶ βοηθὸσ ἐπὶ Δέκμου ὑπισχνεῖτο ἥξειν, εἰ δέοιτο. οἱ δὲ ἀντεφιλοφρονοῦντο μὲν αὐτὸν ἄφνω καὶ ἐπῄνουν, ὁ δ’ Ἀντώνιοσ ἔγραφεν αὐτὸσ ἀποτίσεσθαι Δέκμον τε ὑπὲρ Καίσαροσ καὶ Πλάγκον ὑπὲρ ἑαυτοῦ καὶ συμμίξειν Καίσαρι. Τοσάδε μὲν ἀλλήλοισ ἐπέστειλαν, διώκοντι δὲ τῷ Ἀντωνίῳ Δέκμον προσγίγνεται Πολλίων Ἀσίνιοσ ἄγων δύο τέλη.

ἤλλαξε δὲ τὴν ἐσθῆτα ἐσ τὸ Κελτικόν, ἐξεπιστάμενοσ ἅμα καὶ τὴν φωνήν, καὶ διεδίδρασκε σὺν ἐκείνοισ οἱᾶ́ τισ Κελτόσ, οὐ τὴν μακροτέραν ἔτι περιιών, ἀλλὰ ἐπὶ Ἀκυληίασ, λήσεσθαι νομίζων διὰ τὴν ὀλιγότητα. καὶ Πλάγκῳ μὲν Ἀσίνιοσ ἔπραξε διαλλαγάσ, καὶ ὁ Πλάγκοσ σὺν τρισὶ τέλεσι μεθίστατο ἐσ τὸν Ἀτώνιον, ὥστε ἤδη βαρυτάτησ δυνάμεωσ ἦρχεν ὁ Ἀντώνιοσ· Δέκμῳ δὲ ἦν τέλη δέκα, ὧν τέσσαρα μὲν τὰ ἐμπειροπολεμώτατα ὑπὸ λιμοῦ διέφθαρτο καὶ ἐνόσει ἔτι, τὰ νεοστράτευτα δὲ ἦν ἕξ, ἀταλαίπωρα ἔτι καὶ πόνων ἄπειρα. ἀπογνοὺσ οὖν μάχεσθαι, φεύγειν ἔκρινε πρὸσ Βροῦτον ἐσ Μακεδονίαν. ἔφευγε δ’ οὐκ ἐπὶ τάδε τῶν Ἄλπεων, ἀλλ’ ἐσ Ῥάβενναν ἢ Ἀκυληίαν. ἐπεὶ δὲ Καῖσαρ ὥδευε ταύτῃ, ἄλλην μακροτέραν ὁδὸν καὶ δύσπορον ἐπενόει, τόν τε Ῥῆνον περᾶσαι καὶ τὰ ἀγριώτερα τῶν βαρβάρων ὑπερελθεῖν· ὅθεν αὐτὸν ὑπό τε τῆσ ἀπορίασ καὶ τοῦ καμάτου πρῶτοι μὲν οἱ νεοστράτευτοι καταλιπόντεσ ἐσ Καίσαρα ἐχώρουν, ἐπὶ δὲ ἐκείνοισ καὶ τὰ ἀρχαιότερα τέσσαρα ἐσ Ἀντώνιον καὶ ὁ ἄλλοσ ὅμιλοσ ἤδη χωρὶσ τῶν σωματοφυλάκων ἱππέων Κελτῶν. ὁ δὲ καὶ τούτων τοῖσ ἐθέλουσιν ἐπιτρέψασ ἐσ τὰ οἰκεῖα σφῶν ἀφίστασθαι καὶ διαδοὺσ ἐκ τοῦ παρόντοσ ἔτι χρυσίου, μετὰ τριακοσίων τῶν παραμεινάντων μόνων ἐπὶ τὸν Ῥῆνον ἐφέρετο. δυσπόρου δ’ ὄντοσ αὐτοῦ περᾶν σὺν ὀλίγοισ, ἀπελείφθη καὶ ὑπὸ τῶνδε πλὴν δέκα μόνων. Ἁλοὺσ δὲ ὑπὸ λῃστῶν καὶ δεθείσ, ἤρετο μὲν ὅτου Κελτῶν δυνάστου τὸ ἔθνοσ εἰή, μαθὼν δ’ ὅτι Καμίλου, πολλὰ πεποιηκὼσ εὖ τὸν Κάμιλον, ἄγειν αὑτὸν αὐτοῖσ ἐσ τὸν Κάμιλον ἐκέλευεν.

ὁ δὲ ἀχθέντα ἰδὼν ἐφιλοφρονεῖτο μὲν ἐσ τὸ φανερὸν καὶ τοῖσ δήσασιν ἐπεμέμφετο ὑπ’ ἀγνοίασ ἐνυβρίσασιν ἀνδρὶ τοσῷδε, κρύφα δ’ ἐπέστελλεν Ἀντωνίῳ. καὶ ὁ Ἀντώνιόσ τι παθὼν ἐπὶ τῇ μεταβολῇ οὐχ ὑπέστη τὸν ἄνδρα ἰδεῖν, ἀλλ’ ἐκέλευσε τῷ Καμίλῳ κτείναντα τὴν κεφαλὴν ἐσ αὑτὸν ἐκπέμψαι· καὶ τὴν κεφαλὴν ἰδὼν ἐκέλευσε τοῖσ παροῦσι θάψαι. τοῦτο Δέκμῳ τέλοσ ἦν, ἱππάρχῃ τε Καίσαροσ γενομένῳ καὶ ἄρξαντι τῆσ παλαιᾶσ Κελτικῆσ ὑπ’ ἐκείνῳ καὶ ἐσ τὸ μέλλον ἔτοσ ὑπατεύειν ὑπ’ αὐτοῦ κεχειροτονημένῳ καὶ τῆσ ἑτέρασ Κελτικῆσ ἄρχειν. καὶ δεύτεροσ τῶν σφαγέων οὗτοσ ἐπὶ Τρεβωνίῳ δίκην ἐδίδου μετ’ ἐνιαυτόν που καὶ ἥμισυ τῆσ ἀναιρέσεωσ. τῷ δ’ αὐτῷ χρόνῳ καὶ Μινούκιοσ Βάσιλοσ, σφαγεὺσ καὶ ὅδε Καίσαροσ, ὑπὸ τῶν θεραπόντων ἀνῃρέθη, εὐνουχίζων τινὰσ αὐτῶν ἐπὶ τιμωρίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 14

(아피아노스, The Civil Wars, book 3, chapter 14)

상위

목록

SEARCH

MENU NAVIGATION