Xenophon, Works on Socrates, Οἰκονομικός, chapter 21 8:

πρὸσ ὅντινα δ’ ἂν ἄρχοντα διατεθῶσιν οὕτωσ οἱ ἑπόμενοι, οὗτοι δὴ ἐρρωμένοι γε ἄρχοντεσ γίγνονται, οὐ μὰ Δί’ οὐχ οἳ ἂν αὐτῶν ἄριστα τὸ σῶμα τῶν στρατιωτῶν ἔχωσι καὶ ἀκοντίζωσι καὶ τοξεύωσιν ἄριστα καὶ ἵππον ἄριστον ἔχοντεσ ὡσ ἱππικώτατα ἢ πελταστικώτατα προκινδυνεύωσιν, ἀλλ’ οἳ ἂν δύνωνται ἐμποιῆσαι τοῖσ στρατιώταισ ἀκολουθητέον εἶναι καὶ διὰ πυρὸσ καὶ διὰ παντὸσ κινδύνου.