헬라어 문장 검색 - ΧενοπήΩορκσον́2́18́

(크세노폰, Works on Socrates, Οἰκονομικός, chapter 18)

ἀτὰρ οὖν, ἔφην ἐγώ, ἐκ τούτου ἄρα θερίζειν εἰκόσ. δίδασκε οὖν εἴ τι ἔχεισ με καὶ εἰσ τοῦτο. ἂν μή γε φανῇσ, ἔφη, καὶ εἰσ τοῦτο ταὐτὰ ἐμοὶ ἐπιστάμενοσ. ὅτι μὲν οὖν τέμνειν τὸν σῖτον δεῖ οἶσθα. τί δ’ οὐ μέλλω; ἔφην ἐγώ. πότερ’ <ἂν> οὖν τέμνοισ, ἔφη, στὰσ ἔνθα πνεῖ ἄνεμοσ ἢ ἀντίοσ; οὐκ ἀντίοσ, ἔφην, ἔγωγε· χαλεπὸν γὰρ οἶμαι καὶ τοῖσ ὄμμασι καὶ ταῖσ χερσὶ γίγνεται ἀντίον ἀχύρων καὶ ἀθέρων θερίζειν. καὶ ἀκροτομοίησ δ’ ἄν, ἔφη, ἢ παρὰ γῆν τέμνοισ;

ἂν μὲν βραχὺσ ᾖ ὁ κάλαμοσ τοῦ σίτου, ἔγωγ’, ἔφην, κάτωθεν ἂν τέμνοιμι, ἵνα ἱκανὰ τὰ ἄχυρα μᾶλλον γίγνηται· ἐὰν δὲ ὑψηλὸσ ᾖ, νομίζω ὀρθῶσ ἂν ποιεῖν μεσοτομῶν, ἵνα μήτε οἱ ἁλοῶντεσ μοχθῶσι περιττὸν πόνον μήτε οἱ λικμῶντεσ ὧν οὐδὲν προσδέονται. τὸ δὲ ἐν τῇ γῇ λειφθὲν ἡγοῦμαι καὶ κατακαυθὲν συνωφελεῖν ἂν τὴν γῆν καὶ εἰσ κόπρον ἐμβληθὲν τὴν κόπρον συμπληθύνειν. ὁρᾷσ, ἔφη, ὦ Σώκρατεσ, ὡσ ἁλίσκει ἐπ’ αὐτοφώρῳ καὶ περὶ θερισμοῦ εἰδὼσ ἅπερ ἐγώ;

κινδυνεύω, ἔφην ἐγώ, καὶ βούλομαί γε σκέψασθαι εἰ καὶ ἁλοᾶν ἐπίσταμαι. οὐκοῦν, ἔφη, τοῦτο μὲν οἶσθα, ὅτι ὑποζυγίῳ ἁλοῶσι τὸν σῖτον. τί δ’ οὐκ, ἔφην ἐγώ, οἶδα;

καὶ ὑποζύγιά γε καλούμενα πάντα ὁμοίωσ, βοῦσ, ἡμιόνουσ, ἵππουσ. οὐκοῦν, ἔφη, ταῦτα μὲν ἡγῇ τοσοῦτον μόνον εἰδέναι, πατεῖν τὸν σῖτον ἐλαυνόμενα; τί γὰρ ἂν ἄλλο, ἔφην ἐγώ, ὑποζύγια εἰδείη; ὅπωσ δὲ τὸ δεόμενον κόψουσι καὶ ὁμαλιεῖται ὁ ἁλοατόσ, τίνι τοῦτο .

. , ὦ Σώκρατεσ; ἔφη. Δῆλον ὅτι, ἔφην ἐγώ, τοῖσ ἐπαλωσταῖσ. στρέφοντεσ γὰρ καὶ ὑπὸ τοὺσ πόδασ ὑποβάλλοντεσ τὰ ἄτριπτα ἀεὶ δῆλον ὅτι μάλιστα ὁμαλίζοιεν ἂν τὸν δῖνον καὶ τάχιστα ἁνύτοιεν. ταῦτα μὲν τοίνυν, ἔφη, οὐδὲν ἐμοῦ λείπει γιγνώσκων. οὐκοῦν, ἔφην ἐγώ, ὦ Ἰσχόμαχε, ἐκ τούτου δὴ καθαροῦμεν τὸν σῖτον λικμῶντεσ.

καὶ λέξον γέ μοι, ὦ Σώκρατεσ, ἔφη ὁ Ἰσχόμαχοσ, ἦ οἶσθα ὅτι ἂν ἐκ τοῦ προσηνέμου μέρουσ τῆσ ἅλω ἄρχῃ, δι’ ὅλησ τῆσ ἅλω οἴσεταί σοι τὰ ἄχυρα; ἀνάγκη γάρ, ἔφην ἐγώ. οὐκοῦν εἰκὸσ καὶ ἐπιπίπτειν, ἔφη, αὐτὰ ἐπὶ τὸν σῖτον.

πολὺ γάρ ἐστιν, ἔφην ἐγώ, τὸ ὑπερενεχθῆναι τὰ ἄχυρα ὑπὲρ τὸν σῖτον εἰσ τὸ κενὸν τῆσ ἅλω. ἂν δέ τισ, ἔφη, λικμᾷ ἐκ τοῦ ὑπηνέμου ἀρχόμενοσ; Δῆλον, ἔφην ἐγώ, ὅτι εὐθὺσ ἐν τῇ ἀχυροδόκῃ ἔσται τὰ ἄχυρα. ἐπειδὰν δὲ καθάρῃσ, ἔφη, τὸν σῖτον μέχρι τοῦ ἡμίσεοσ τῆσ ἅλω, πότερον εὐθὺσ οὕτω κεχυμένου τοῦ σίτου λικμήσεισ τὰ ἄχυρα τὰ λοιπὰ ἢ συνώσασ τὸν καθαρὸν πρὸσ τὸν πόλον ὡσ εἰσ στενότατον;

συνώσασ νὴ Δί’, ἔφην ἐγώ, τὸν καθαρὸν σῖτον, ἵν’ ὑπερφέρηταί μοι τὰ ἄχυρα εἰσ τὸ κενὸν τῆσ ἅλω, καὶ μὴ δὶσ ταὐτὰ ἄχυρα δέῃ λικμᾶν. σὺ μὲν δὴ ἄρα, ἔφη, ὦ Σώκρατεσ, σῖτόν γε ὡσ ἂν τάχιστα καθαρὸσ γένοιτο κἂν ἄλλον δύναιο διδάσκειν.

ταῦτα τοίνυν, ἔφην ἐγώ, ἐλελήθη ἐμαυτὸν ἐπιστάμενοσ. καὶ πάλαι ἐννοῶ ἄρα εἰ λέληθα καὶ χρυσοχοεῖν καὶ αὐλεῖν καὶ ζωγραφεῖν ἐπιστάμενοσ. ἐδίδαξε γὰρ οὔτε ταῦτά με οὐδεὶσ οὔτε γεωργεῖν· ὁρῶ δ’ ὥσπερ γεωργοῦντασ καὶ τὰσ ἄλλασ τέχνασ ἐργαζομένουσ ἀνθρώπουσ. οὐκοῦν, ἔφη ὁ Ἰσχόμαχοσ, ἔλεγον ἐγώ σοι πάλαι ὅτι καὶ ταύτῃ εἰή γενναιοτάτη ἡ γεωργικὴ τέχνη, ὅτι καὶ ῥᾴστη ἐστὶ μαθεῖν.

ἄγε δή, ἔφην ἐγώ, οἶδα, ὦ Ἰσχόμαχε· τὰ μὲν δὴ ἀμφὶ σπόρον ἐπιστάμενοσ ἄρα ἐλελήθειν ἐμαυτὸν ἐπιστάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 18

(크세노폰, Works on Socrates, Οἰκονομικός, chapter 18)

상위

목록

SEARCH

MENU NAVIGATION