Xenophon, Works on Socrates, Οἰκονομικός, chapter 14

(크세노폰, Works on Socrates, Οἰκονομικός, chapter 14)

ὅταν δέ, ὦ Ἰσχόμαχε, ἔφην ἐγώ, καὶ ἄρχειν ἤδη ἱκανόσ σοι γένηται ὥστε πειθομένουσ παρέχεσθαι, ἦ ἀποτετελεσμένον τοῦτον ἡγῇ ἐπίτροπον, ἢ ἔτι τινὸσ προσδεῖται ὁ ταῦτα ἔχων ἃ σὺ εἴρηκασ; ναὶ μὰ Δί’, ἔφη ὁ Ἰσχόμαχοσ, τοῦ γε ἀπέχεσθαι τῶν δεσποσύνων καὶ μὴ κλέπτειν.

εἰ γὰρ ὁ τοὺσ καρποὺσ μεταχειριζόμενοσ τολμῴη ἀφανίζειν ὥστε μὴ λείπειν λυσιτελοῦντασ τοῖσ ἔργοισ, τί ἂν ὄφελοσ εἰή τὸ διὰ τῆσ τούτου ἐπιμελείασ γεωργεῖν; ἦ καὶ ταύτην οὖν, ἔφην ἐγώ, τὴν δικαιοσύνην σὺ ὑποδύει διδάσκειν;

καὶ πάνυ, ἔφη ὁ Ἰσχόμαχοσ· οὐ μέντοι γε πάντασ ἐξ ἑτοίμου εὑρίσκω ὑπακούοντασ τῆσ διδασκαλίασ ταύτησ. καίτοι τὰ μὲν καὶ ἐκ τῶν Δράκοντοσ νόμων, τὰ δὲ καὶ ἐκ τῶν Σόλωνοσ πειρῶμαι, ἔφη, λαμβάνων ἐμβιβάζειν εἰσ τὴν δικαιοσύνην τοὺσ οἰκέτασ.

δοκοῦσι γάρ μοι, ἔφη, καὶ οὗτοι οἱ ἄνδρεσ θεῖναι πολλοὺσ τῶν νόμων ἐπὶ δικαιοσύνησ τῆσ τοιαύτησ διδασκαλίᾳ. γέγραπται γὰρ ζημιοῦσθαι ἐπὶ τοῖσ κλέμμασι καὶ δεδέσθαι ἄν τισ ἁλῷ ποιῶν καὶ θανατοῦσθαι τοὺσ ἐγχειροῦντασ.

δῆλον οὖν, ἔφη, ὅτι ἔγραφον αὐτὰ βουλόμενοι ἀλυσιτελῆ ποιῆσαι τοῖσ ἀδίκοισ τὴν αἰσχροκέρδειαν. ἐγὼ οὖν καὶ τούτων, ἔφη, προσφέρων ἔνια καὶ ἄλλα τῶν βασιλικῶν νόμων προφερόμενοσ πειρῶμαι δικαίουσ περὶ τὰ διαχειριζόμενα ἀπεργάζεσθαι τοὺσ οἰκέτασ.

ἐκεῖνοι μὲν γὰρ οἱ νόμοι ζημίαι μόνον εἰσὶ τοῖσ ἁμαρτάνουσιν, οἱ δὲ βασιλικοὶ νόμοι οὐ μόνον ζημιοῦσι τοὺσ ἀδικοῦντασ, ἀλλὰ καὶ ὠφελοῦσι τοὺσ δικαίουσ·

ὥστε ὁρῶντεσ πλουσιωτέρουσ γιγνομένουσ τοὺσ δικαίουσ τῶν ἀδίκων πολλοὶ καὶ φιλοκερδεῖσ ὄντεσ εὖ μάλα ἐπιμένουσι τῷ μὴ ἀδικεῖν. οὓσ δ’ ἂν αἰσθάνωμαι, ἔφη, ὅμωσ καὶ εὖ πάσχοντασ ἔτι ἀδικεῖν πειρωμένουσ, τούτουσ ὡσ ἀνηκέστουσ πλεονέκτασ ὄντασ ἤδη καὶ τῆσ χρήσεωσ ἀποπαύω.

οὓσ δ’ ἂν αὖ καταμάθω μὴ τῷ πλέον ἔχειν μόνον διὰ τὴν δικαιοσύνην ἐπαιρομένουσ δικαίουσ εἶναι, ἀλλὰ καὶ τοῦ ἐπαινεῖσθαι ἐπιθυμοῦντασ ὑπ’ ἐμοῦ, τούτοισ ὥσπερ ἐλευθέροισ ἤδη χρῶμαι, οὐ μόνον πλουτίζων ἀλλὰ καὶ τιμῶν ὡσ καλούσ τε κἀγαθούσ.

τούτῳ γάρ μοι δοκεῖ, ἔφη, ὦ Σώκρατεσ, διαφέρειν ἀνὴρ φιλότιμοσ ἀνδρὸσ φιλοκερδοῦσ, τῷ ἐθέλειν ἐπαίνου καὶ τιμῆσ ἕνεκα καὶ πονεῖν ὅπου δεῖ καὶ κινδυνεύειν καὶ αἰσχρῶν κερδῶν ἀπέχεσθαι.

SEARCH

MENU NAVIGATION