헬라어 문장 검색 - ΧενοπήΩορκσον́2́14́

(크세노폰, Works on Socrates, Οἰκονομικός, chapter 14)

ὅταν δέ, ὦ Ἰσχόμαχε, ἔφην ἐγώ, καὶ ἄρχειν ἤδη ἱκανόσ σοι γένηται ὥστε πειθομένουσ παρέχεσθαι, ἦ ἀποτετελεσμένον τοῦτον ἡγῇ ἐπίτροπον, ἢ ἔτι τινὸσ προσδεῖται ὁ ταῦτα ἔχων ἃ σὺ εἴρηκασ; ναὶ μὰ Δί’, ἔφη ὁ Ἰσχόμαχοσ, τοῦ γε ἀπέχεσθαι τῶν δεσποσύνων καὶ μὴ κλέπτειν.

εἰ γὰρ ὁ τοὺσ καρποὺσ μεταχειριζόμενοσ τολμῴη ἀφανίζειν ὥστε μὴ λείπειν λυσιτελοῦντασ τοῖσ ἔργοισ, τί ἂν ὄφελοσ εἰή τὸ διὰ τῆσ τούτου ἐπιμελείασ γεωργεῖν; ἦ καὶ ταύτην οὖν, ἔφην ἐγώ, τὴν δικαιοσύνην σὺ ὑποδύει διδάσκειν;

καὶ πάνυ, ἔφη ὁ Ἰσχόμαχοσ· οὐ μέντοι γε πάντασ ἐξ ἑτοίμου εὑρίσκω ὑπακούοντασ τῆσ διδασκαλίασ ταύτησ. καίτοι τὰ μὲν καὶ ἐκ τῶν Δράκοντοσ νόμων, τὰ δὲ καὶ ἐκ τῶν Σόλωνοσ πειρῶμαι, ἔφη, λαμβάνων ἐμβιβάζειν εἰσ τὴν δικαιοσύνην τοὺσ οἰκέτασ.

δοκοῦσι γάρ μοι, ἔφη, καὶ οὗτοι οἱ ἄνδρεσ θεῖναι πολλοὺσ τῶν νόμων ἐπὶ δικαιοσύνησ τῆσ τοιαύτησ διδασκαλίᾳ. γέγραπται γὰρ ζημιοῦσθαι ἐπὶ τοῖσ κλέμμασι καὶ δεδέσθαι ἄν τισ ἁλῷ ποιῶν καὶ θανατοῦσθαι τοὺσ ἐγχειροῦντασ.

δῆλον οὖν, ἔφη, ὅτι ἔγραφον αὐτὰ βουλόμενοι ἀλυσιτελῆ ποιῆσαι τοῖσ ἀδίκοισ τὴν αἰσχροκέρδειαν. ἐγὼ οὖν καὶ τούτων, ἔφη, προσφέρων ἔνια καὶ ἄλλα τῶν βασιλικῶν νόμων προφερόμενοσ πειρῶμαι δικαίουσ περὶ τὰ διαχειριζόμενα ἀπεργάζεσθαι τοὺσ οἰκέτασ.

ἐκεῖνοι μὲν γὰρ οἱ νόμοι ζημίαι μόνον εἰσὶ τοῖσ ἁμαρτάνουσιν, οἱ δὲ βασιλικοὶ νόμοι οὐ μόνον ζημιοῦσι τοὺσ ἀδικοῦντασ, ἀλλὰ καὶ ὠφελοῦσι τοὺσ δικαίουσ·

ὥστε ὁρῶντεσ πλουσιωτέρουσ γιγνομένουσ τοὺσ δικαίουσ τῶν ἀδίκων πολλοὶ καὶ φιλοκερδεῖσ ὄντεσ εὖ μάλα ἐπιμένουσι τῷ μὴ ἀδικεῖν. οὓσ δ’ ἂν αἰσθάνωμαι, ἔφη, ὅμωσ καὶ εὖ πάσχοντασ ἔτι ἀδικεῖν πειρωμένουσ, τούτουσ ὡσ ἀνηκέστουσ πλεονέκτασ ὄντασ ἤδη καὶ τῆσ χρήσεωσ ἀποπαύω.

οὓσ δ’ ἂν αὖ καταμάθω μὴ τῷ πλέον ἔχειν μόνον διὰ τὴν δικαιοσύνην ἐπαιρομένουσ δικαίουσ εἶναι, ἀλλὰ καὶ τοῦ ἐπαινεῖσθαι ἐπιθυμοῦντασ ὑπ’ ἐμοῦ, τούτοισ ὥσπερ ἐλευθέροισ ἤδη χρῶμαι, οὐ μόνον πλουτίζων ἀλλὰ καὶ τιμῶν ὡσ καλούσ τε κἀγαθούσ.

τούτῳ γάρ μοι δοκεῖ, ἔφη, ὦ Σώκρατεσ, διαφέρειν ἀνὴρ φιλότιμοσ ἀνδρὸσ φιλοκερδοῦσ, τῷ ἐθέλειν ἐπαίνου καὶ τιμῆσ ἕνεκα καὶ πονεῖν ὅπου δεῖ καὶ κινδυνεύειν καὶ αἰσχρῶν κερδῶν ἀπέχεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 14

(크세노폰, Works on Socrates, Οἰκονομικός, chapter 14)

상위

목록

SEARCH

MENU NAVIGATION