Xenophon, Works on Socrates, Οἰκονομικός, chapter 10 2:

καὶ ἐγὼ ἀκούσασ, ἔφη ὁ Σωκράτησ, ἀποκρίνασθαι τὴν γυναῖκα αὐτῷ ταῦτα, εἶπον· νὴ τὴν Ἥραν, ἔφην, ὦ Ἰσχόμαχε, ἀνδρικήν γε ἐπιδεικνύεισ τὴν διάνοιαν τῆσ γυναικόσ. καὶ ἄλλα τοίνυν, ἔφη ὁ Ἰσχόμαχοσ, θέλω σοι πάνυ μεγαλόφρονα αὐτῆσ διηγήσασθαι, ἅ μου ἅπαξ ἀκούσασα ταχὺ ἐπείθετο. τὰ ποῖα; ἔφην ἐγώ· λέγε· ὡσ ἐμοὶ πολὺ ἥδιον ζώσησ ἀρετὴν γυναικὸσ καταμανθάνειν ἢ εἰ Ζεῦξίσ μοι καλὴν εἰκάσασ γραφῇ γυναῖκα ἐπεδείκνυεν.