Xenophon, Works on Socrates, Οἰκονομικός, chapter 5 19:

ἀκούσασ δὲ ταῦτα ὁ Κριτόβουλοσ εἶπεν· ἀλλὰ ταῦτα μὲν ἔμοιγε, ὦ Σώκρατεσ, καλῶσ δοκεῖσ λέγειν· ὅτι δὲ τῆσ γεωργικῆσ τὰ πλεῖστά ἐστιν ἀνθρώπῳ ἀδύνατα προνοῆσαι, <δῆλον· > καὶ γὰρ χάλαζαι καὶ πάχναι ἐνίοτε καὶ αὐχμοὶ καὶ ὄμβροι ἐξαίσιοι καὶ ἐρυσῖβαι καὶ ἄλλα πολλάκισ τὰ καλῶσ ἐγνωσμένα καὶ πεποιημένα ἀφαιροῦνται· καὶ πρόβατα δ’ ἐνίοτε κάλλιστα τεθραμμένα νόσοσ ἐλθοῦσα κάκιστα ἀπώλεσεν.