Xenophon, Works on Socrates, Οἰκονομικός, chapter 5 4:

παρέχουσα δ’ ἀφθονώτατα τἀγαθὰ οὐκ ἐᾷ ταῦτα μετὰ μαλακίασ λαμβάνειν, ἀλλὰ ψύχη τε χειμῶνοσ καὶ θάλπη θέρουσ ἐθίζει καρτερεῖν. καὶ τοὺσ μὲν αὐτουργοὺσ διὰ τῶν χειρῶν γυμνάζουσα ἰσχὺν αὐτοῖσ προστίθησι, τοὺσ δὲ τῇ ἐπιμελείᾳ γεωργοῦντασ ἀνδρίζει πρῴ τε ἐγείρουσα καὶ πορεύεσθαι σφοδρῶσ ἀναγκάζουσα. καὶ γὰρ ἐν τῷ χώρῳ καὶ ἐν τῷ ἄστει ἀεὶ ἐν ὡρ́ᾳ αἱ ἐπικαιριώταται πράξεισ εἰσίν.