Xenophon, Works on Socrates, Οἰκονομικός, chapter 2 10:

καὶ ὁ Κριτόβουλοσ εἶπεν· ἐγὼ τούτοισ, ὦ Σώκρατεσ, οὐκ ἔχω ἀντιλέγειν· ἀλλ’ ὡρ́α σοι προστατεύειν ἐμοῦ, ὅπωσ μὴ τῷ ὄντι οἰκτρὸσ γένωμαι. ἀκούσασ οὖν ὁ Σωκράτησ εἶπε· καὶ οὐ θαυμαστὸν δοκεῖσ, ὦ Κριτόβουλε, τοῦτο σαυτῷ ποιεῖν, ὅτι ὀλίγῳ μὲν πρόσθεν, ὅτε ἐγὼ ἔφην πλουτεῖν, ἐγέλασασ ἐπ’ ἐμοὶ ὡσ οὐδὲ εἰδότι ὅ τι εἰή πλοῦτοσ, καὶ πρότερον οὐκ ἐπαύσω πρὶν ἐξήλεγξάσ με καὶ ὁμολογεῖν ἐποίησασ μηδὲ ἑκατοστὸν μέροσ τῶν σῶν κεκτῆσθαι, νῦν δὲ κελεύεισ προστατεύειν μέ σου καὶ ἐπιμελεῖσθαι ὅπωσ ἂν μὴ παντάπασιν ἀληθῶσ πένησ γένοιο;