Xenophon, Hellenica, Ἑλληνικῶν Δ, chapter 8 45:

καὶ ταῦτ’ ἔλεγε καὶ παρὰ τοῦ ὑπασπιστοῦ λαβὼν τὴν ἀσπίδα ἐν χώρᾳ αὐτοῦ μαχόμενοσ ἀποθνῄσκει. καὶ τὰ παιδικὰ μέντοι αὐτῷ παρέμεινε, καὶ τῶν Λακεδαιμονίων δὲ τῶν συνεληλυθότων ἐκ τῶν πόλεων ἁρμοστήρων ὡσ δώδεκα μαχόμενοι συναπέθανον· οἱ δ’ ἄλλοι φεύγοντεσ ἔπιπτον. οἱ δ’ ἐδίωκον μέχρι τοῦ ἄστεωσ. καὶ τῶν τε ἄλλων ὡσ διακόσιοι ἀπέθανον καὶ τῶν Ἀβυδηνῶν ὁπλιτῶν περὶ πεντήκοντα. ταῦτα δὲ πράξασ ὁ Ἰφικράτησ ἀνεχώρησε πάλιν εἰσ Χερρόνησον.