Xenophon, Hellenica, Ἑλληνικῶν Δ, chapter 8 17:

τῷ μὲν δὴ Τιριβάζῳ ἀκούοντι ἰσχυρῶσ ἤρεσκον οἱ τοῦ Ἀνταλκίδου λόγοι· τοῖσ δὲ ἐναντίοισ λόγοι ταῦτ’ ἦν. οἵ τε γὰρ Ἀθηναῖοι ἐφοβοῦντο συνθέσθαι αὐτονόμουσ εἶναι τὰσ νήσουσ, μὴ Λήμνου καὶ Ἴμβρου καὶ Σκύρου στερηθεῖεν, οἵ τε Θηβαῖοι, μὴ ἀναγκασθείησαν ἀφεῖναι τὰσ Βοιωτίασ πόλεισ αὐτονόμουσ, οἵ τ’ Ἀργεῖοι, οὗ ἐπεθύμουν, οὐκ ἐνόμιζον ἂν τὴν Κόρινθον δύνασθαι ὡσ Ἄργοσ ἔχειν τοιούτων συνθηκῶν καὶ σπονδῶν γενομένων. αὕτη μὲν ἡ εἰρήνη οὕτωσ ἐγένετο ἀτελήσ, καὶ ἀπῆλθον οἴκαδε ἕκαστοσ.