Xenophon, Hellenica, Ἑλληνικῶν Δ, chapter 8 8:

καὶ τὸν μὲν χειμῶνα ἐν τοιούτοισ ὄντεσ διῆγον· ἅμα δὲ τῷ ἐάρι ναῦσ τε πολλὰσ συμπληρώσασ καὶ ξενικὸν προσμισθωσάμενοσ ἔπλευσεν ὁ Φαρνάβαζόσ τε καὶ ὁ Κόνων μετ’ αὐτοῦ διὰ νήσων εἰσ Μῆλον, ἐκεῖθεν δὲ ὁρμώμενοι εἰσ τὴν Λακεδαίμονα. καταπλεύσασ δὲ πρῶτον μὲν εἰσ Φαρὰσ ἐδῄωσε ταύτην τὴν χώραν, ἔπειτα καὶ ἄλλοσε ἀποβαίνων τῆσ παραθαλαττίασ ἐκακούργει ὅ τι ἐδύνατο. φοβούμενοσ δὲ τήν τε ἀλιμενότητα τῆσ χώρασ καὶ τὰ τῆσ βοηθείασ καὶ τὴν σπανοσιτίαν, ταχύ τε ἀνέστρεψε καὶ ἀποπλέων ὡρμίσθη τῆσ Κυθηρίασ εἰσ Φοινικοῦντα.