호흡부호 보기
강세부호 보기
장단부호 보기
작은 Iota 보기
모든 부호 보기
καὶ οἱ μὲν δὴ συνεσκευάζοντο ὡσ ἀκολουθήσοντεσ. ὁ δ’ Ἀγησίλαοσ ἐν μὲν τῇ Ἀσίᾳ κατέλιπεν Εὔξενον ἁρμοστὴν καὶ φρουροὺσ παρ’ αὐτῷ οὐκ ἔλαττον τετρακισχιλίων, ἵνα δύναιτο διασῴζειν τὰσ πόλεισ· αὐτὸσ δὲ ὁρῶν ὅτι οἱ πολλοὶ τῶν στρατιωτῶν μένειν ἐπεθύμουν μᾶλλον ἢ ἐφ’ Ἕλληνασ στρατεύεσθαι, βουλόμενοσ ὡσ βελτίστουσ καὶ πλείστουσ ἄγειν μεθ’ ἑαυτοῦ, ἆθλα προύθηκε ταῖσ πόλεσιν, ἥτισ ἄριστον στράτευμα πέμποι, καὶ τῶν μισθοφόρων τοῖσ λοχαγοῖσ, ὅστισ εὐοπλότατον λόχον ἔχων συστρατεύοιτο καὶ ὁπλιτῶν καὶ τοξοτῶν καὶ πελταστῶν. προεῖπε δὲ καὶ τοῖσ ἱππάρχοισ, ὅστισ εὐιπποτάτην καὶ εὐοπλοτάτην τάξιν παρέχοιτο, ὡσ καὶ τούτοισ νικητήριον δώσων.
호흡부호 보기
강세부호 보기
장단부호 보기
작은 Iota 보기
모든 부호 보기