헬라어 문장 검색 - ΧενοπήΗελλενί4́2́

(크세노폰, Hellenica, Ἑλληνικῶν Δ, chapter 2)

Ἀγησίλαοσ μὲν δὴ ἐν τούτοισ ἦν. οἱ δὲ Λακεδαιμόνιοι ἐπεὶ σαφῶσ ᾔσθοντο τά τε χρήματα ἐληλυθότα εἰσ τὴν Ἑλλάδα καὶ τὰσ μεγίστασ πόλεισ συνεστηκυίασ ἐπὶ πολέμῳ πρὸσ ἑαυτούσ, ἐν κινδύνῳ τε τὴν πόλιν ἐνόμισαν καὶ στρατεύειν ἀναγκαῖον ἡγήσαντο εἶναι. καὶ αὐτοὶ μὲν ταῦτα παρεσκευάζοντο, εὐθὺσ δὲ καὶ ἐπὶ τὸν Ἀγησίλαον πέμπουσιν Ἐπικυδίδαν.

ὁ δ’ ἐπεὶ ἀφίκετο, τά τε ἄλλα διηγεῖτο ὡσ ἔχοι καὶ ὅτι ἡ πόλισ ἐπιστέλλοι αὐτῷ βοηθεῖν ὡσ τάχιστα τῇ πατρίδι. ὁ δὲ Ἀγησίλαοσ ἐπεὶ ἤκουσε, χαλεπῶσ μὲν ἤνεγκεν, ἐνθυμούμενοσ καὶ οἱών τιμῶν καὶ οἱών ἐλπίδων ἀπεστερεῖτο, ὅμωσ δὲ συγκαλέσασ τοὺσ συμμάχουσ ἐδήλωσε τὰ ὑπὸ τῆσ πόλεωσ παραγγελλόμενα, καὶ εἶπεν ὅτι ἀναγκαῖον εἰή βοηθεῖν τῇ πατρίδι·

ἐὰν μέντοι ἐκεῖνα καλῶσ γένηται, εὖ ἐπίστασθε, ἔφη, ὦ ἄνδρεσ σύμμαχοι, ὅτι οὐ μὴ ἐπιλάθωμαι ὑμῶν, ἀλλὰ πάλιν παρέσομαι πράξων ὧν ὑμεῖσ δεῖσθε. ἀκούσαντεσ ταῦτα πολλοὶ μὲν ἐδάκρυσαν, πάντεσ δ’ ἐψηφίσαντο βοηθεῖν μετ’ Ἀγησιλάου τῇ Λακεδαίμονι·

εἰ δὲ καλῶσ τἀκεῖ γένοιτο, λαβόντεσ αὐτὸν πάλιν ἥκειν εἰσ τὴν Ἀσίαν. καὶ οἱ μὲν δὴ συνεσκευάζοντο ὡσ ἀκολουθήσοντεσ.

ὁ δ’ Ἀγησίλαοσ ἐν μὲν τῇ Ἀσίᾳ κατέλιπεν Εὔξενον ἁρμοστὴν καὶ φρουροὺσ παρ’ αὐτῷ οὐκ ἔλαττον τετρακισχιλίων, ἵνα δύναιτο διασῴζειν τὰσ πόλεισ· αὐτὸσ δὲ ὁρῶν ὅτι οἱ πολλοὶ τῶν στρατιωτῶν μένειν ἐπεθύμουν μᾶλλον ἢ ἐφ’ Ἕλληνασ στρατεύεσθαι, βουλόμενοσ ὡσ βελτίστουσ καὶ πλείστουσ ἄγειν μεθ’ ἑαυτοῦ, ἆθλα προύθηκε ταῖσ πόλεσιν, ἥτισ ἄριστον στράτευμα πέμποι, καὶ τῶν μισθοφόρων τοῖσ λοχαγοῖσ, ὅστισ εὐοπλότατον λόχον ἔχων συστρατεύοιτο καὶ ὁπλιτῶν καὶ τοξοτῶν καὶ πελταστῶν. προεῖπε δὲ καὶ τοῖσ ἱππάρχοισ, ὅστισ εὐιπποτάτην καὶ εὐοπλοτάτην τάξιν παρέχοιτο, ὡσ καὶ τούτοισ νικητήριον δώσων. τὴν δὲ κρίσιν ἔφη ποιήσειν, ἐπεὶ διαβαίησαν ἐκ τῆσ Ἀσίασ εἰσ τὴν Εὐρώπην, ἐν Χερρονήσῳ, ὅπωσ εὖ εἰδείησαν ὅτι τοὺσ στρατευομένουσ δεῖ εὐκρινεῖν.

ἦν δὲ τὰ ἆθλα τὰ μὲν πλεῖστα ὅπλα ἐκπεπονημένα εἰσ κόσμον καὶ ὁπλιτικὰ καὶ ἱππικά·

ἦσαν δὲ καὶ στέφανοι χρυσοῖ· τὰ δὲ πάντα ἆθλα οὐκ ἔλαττον ἐγένοντο ἢ ἀπὸ τεττάρων ταλάντων. τοσούτων μέντοι ἀναλωθέντων, παμπόλλων χρημάτων ὅπλα εἰσ τὴν στρατιὰν κατεσκευάσθη. ἐπεὶ δὲ διέβη τὸν Ἑλλήσποντον, κριταὶ κατέστησαν Λακεδαιμονίων μὲν Μένασκοσ καὶ Ἡριππίδασ καὶ Ὄρσιπποσ, τῶν δὲ συμμάχων εἷσ ἀπὸ πόλεωσ.

καὶ Ἀγησίλαοσ μέν, ἐπεὶ τὴν κρίσιν ἐποίησεν, ἔχων τὸ στράτευμα ἐπορεύετο τὴν αὐτὴν ὁδὸν ἥνπερ βασιλεὺσ ὅτε ἐπὶ τὴν Ἑλλάδα ἐστράτευεν. ἐν δὲ τούτῳ οἱ μὲν ἔφοροι φρουρὰν ἔφηναν·

ἡ δὲ πόλισ, ἐπεὶ Ἀγησίπολισ παῖσ ἔτι ἦν, Ἀριστόδημον τοῦ γένουσ ὄντα καὶ πρόδικον τοῦ παιδόσ, ἡγεῖσθαι τῇ στρατιᾷ ἐκέλευον. ἐπεὶ δ’ ἐξῇσαν μὲν οἱ Λακεδαιμόνιοι, συνειλεγμένοι δ’ ἦσαν οἱ ἐναντίοι, συνελθόντεσ ἐβουλεύοντο πῶσ ἂν τὴν μάχην συμφορώτατα σφίσιν αὐτοῖσ ποιήσαιντο.

Τιμόλαοσ μὲν δὴ Κορίνθιοσ ἔλεξεν·

Ἀλλ’ ἐμοὶ δοκεῖ, ἔφη, ὦ ἄνδρεσ σύμμαχοι, ὅμοιον εἶναι τὸ τῶν Λακεδαιμονίων πρᾶγμα οἱο͂́νπερ τὸ τῶν ποταμῶν. οἵ τε γὰρ ποταμοὶ πρὸσ μὲν ταῖσ πηγαῖσ οὐ μεγάλοι εἰσὶν ἀλλ’ εὐδιάβατοι, ὅσῳ δ’ ἂν πορρωτέρω γίγνωνται, ἐπεμβάλλοντεσ ἕτεροι ποταμοὶ ἰσχυρότερον αὐτῶν τὸ ῥεῦμα ποιοῦσι, καὶ οἱ Λακεδαιμόνιοι ὡσαύτωσ, ἔνθεν μὲν ἐξέρχονται, αὐτοὶ μόνοι εἰσί, προϊόντεσ δὲ καὶ παραλαμβάνοντεσ τὰσ πόλεισ πλείουσ τε καὶ δυσμαχώτεροι γίγνονται. ὁρῶ δ’ ἔγωγε, ἔφη, καὶ ὁπόσοι σφῆκασ ἐξαιρεῖν βούλονται, ἐὰν μὲν ἐκθέοντασ τοὺσ σφῆκασ πειρῶνται θηρᾶν, ὑπὸ πολλῶν τυπτομένουσ·

ἐὰν δ’ ἔτι ἔνδον ὄντων τὸ πῦρ προσφέρωσι, πάσχοντασ μὲν οὐδέν, χειρουμένουσ δὲ τοὺσ σφῆκασ. ταῦτ’ οὖν ἐνθυμούμενοσ ἡγοῦμαι κράτιστον εἶναι μάλιστα μὲν ἐν αὐτῇ, εἰ δὲ μή, ὅτι ἐγγύτατα τῆσ Λακεδαίμονοσ τὴν μάχην ποιεῖσθαι. δόξαντοσ δ’ εὖ λέγειν αὐτοῦ ἐψηφίσαντο ταῦτα.

ἐν ᾧ δὲ περὶ ἡγεμονίασ τε διεπράττοντο καὶ διωμολογοῦντο εἰσ ὁπόσουσ δέοι τάττεσθαι πᾶν τὸ στράτευμα, ὅπωσ μὴ λίαν βαθείασ τὰσ φάλαγγασ ποιούμεναι αἱ πόλεισ κύκλωσιν τοῖσ πολεμίοισ παρέχοιεν, ἐν τούτῳ οἱ Λακεδαιμόνιοι καὶ δὴ Τεγεάτασ παρειληφότεσ καὶ Μαντινέασ ἐξῇσαν τὴν ἀμφίαλον. καὶ πορευόμενοι, σχεδόν τι ἅμα οἱ μὲν περὶ τοὺσ Κορινθίουσ ἐν τῇ Νεμέᾳ ἦσαν, οἱ δὲ Λακεδαιμόνιοι καὶ οἱ σύμμαχοι ἐν τῷ Σικυῶνι.

ἐμβαλόντων δὲ αὐτῶν κατὰ τὴν Ἐπιείκειαν, τὸ μὲν πρῶτον ἐκ τῶν ὑπερδεξίων βάλλοντεσ αὐτοὺσ καὶ τοξεύοντεσ μάλα κακῶσ ἐποίουν οἱ γυμνῆτεσ τῶν ἀντιπάλων. ὡσ δὲ κατέβησαν ἐπὶ θάλατταν, ταύτῃ προῇσαν διὰ τοῦ πεδίου, τέμνοντεσ καὶ κάοντεσ τὴν χώραν·

καὶ οἱ ἕτεροι μέντοι ἀπελθόντεσ κατεστρατοπεδεύσαντο, ἔμπροσθεν ποιησάμενοι τὴν χαράδραν· ἐπεὶ δὲ προϊόντεσ οἱ Λακεδαιμόνιοι οὐκέτι δέκα στάδια ἀπεῖχον τῶν πολεμίων, κἀκεῖνοι αὐτοῦ στρατοπεδευσάμενοι ἡσυχίαν εἶχον. φράσω δὲ καὶ τὸ πλῆθοσ ἑκατέρων.

συνελέγησαν γὰρ ὁπλῖται Λακεδαιμονίων μὲν εἰσ ἑξακισχιλίουσ, Ἠλείων δὲ καὶ Τριφυλίων καὶ Ἀκρωρείων καὶ Λασιωνίων ἐγγὺσ τρισχίλιοι καὶ Σικυωνίων πεντακόσιοι καὶ χίλιοι, Ἐπιδαυρίων δὲ καὶ Τροιζηνίων καὶ Ἑρμιονέων καὶ Ἁλιέων ἐγένοντο οὐκ ἐλάττουσ τρισχιλίων. πρὸσ δὲ τούτοισ ἱππεῖσ μὲν Λακεδαιμονίων περὶ ἑξακοσίουσ, Κρῆτεσ δὲ τοξόται ἠκολούθουν ὡσ τριακόσιοι, καὶ μὴν σφενδονῆται Μαργανέων καὶ Λετρίνων καὶ Ἀμφιδόλων οὐκ ἐλάττουσ τετρακοσίων. Φλειάσιοι μέντοι οὐκ ἠκολούθουν· ἐκεχειρίαν γὰρ ἔφασαν ἔχειν. αὕτη μὲν δὴ <ἡ> μετὰ Λακεδαιμονίων δύναμισ ἦν. ἥ γε μὴν τῶν πολεμίων ἡθροίσθη Ἀθηναίων μὲν εἰσ ἑξακισχιλίουσ ὁπλίτασ, Ἀργείων δ’ ἐλέγοντο περὶ ἑπτακισχιλίουσ, Βοιωτῶν δ’, ἐπεὶ Ὀρχομένιοι οὐ παρῆσαν, περὶ πεντακισχιλίουσ, Κορινθίων γε μὴν εἰσ τρισχιλίουσ, καὶ μὴν ἐξ Εὐβοίασ ἁπάσησ οὐκ ἐλάττουσ τρισχιλίων.

ὁπλιτικὸν μὲν δὴ τοσοῦτον· ἱππεῖσ δὲ Βοιωτῶν μὲν ἐπεὶ Ὀρχομένιοι οὐ παρῆσαν εἰσ ὀκτακοσίουσ, Ἀθηναίων δ’ εἰσ ἑξακοσίουσ, καὶ Χαλκιδέων τῶν ἐξ Εὐβοίασ εἰσ ἑκατόν, Λοκρῶν δὲ τῶν Ὀπουντίων εἰσ πεντήκοντα. καὶ ψιλῶν δὲ σὺν τοῖσ τῶν Κορινθίων πλέον ἦν· καὶ γὰρ Λοκροὶ οἱ Ὀζόλαι καὶ Μηλιεῖσ καὶ Ἀκαρνᾶνεσ παρῆσαν αὐτοῖσ. αὕτη μὲν δὴ ἑκατέρων ἡ δύναμισ ἐγένετο.

οἱ δὲ Βοιωτοὶ ἑώσ μὲν τὸ εὐώνυμον εἶχον, οὐδέν τι κατήπειγον τὴν μάχην συνάπτειν· ἐπεὶ δὲ οἱ μὲν Ἀθηναῖοι κατὰ Λακεδαιμονίουσ ἐγένοντο, αὐτοὶ δὲ τὸ δεξιὸν ἔσχον καὶ κατ’ Ἀχαιοὺσ ἀντετάχθησαν, εὐθὺσ τά τε ἱερὰ καλὰ ἔφασαν εἶναι καὶ παρήγγειλαν παρασκευάζεσθαι ὡσ μάχησ ἐσομένησ. καὶ πρῶτον μὲν ἀμελήσαντεσ τοῦ εἰσ ἑκκαίδεκα βαθεῖαν παντελῶσ ἐποιήσαντο τὴν φάλαγγα, ἔτι δὲ καὶ ἦγον ἐπὶ τὰ δεξιά, ὅπωσ ὑπερέχοιεν τῷ κέρατι τῶν πολεμίων· οἱ δ’ Ἀθηναῖοι, ἵνα μὴ διασπασθείησαν, ἐπηκολούθουν, καίπερ γιγνώσκοντεσ ὅτι κίνδυνοσ εἰή κυκλωθῆναι. τέωσ μὲν οὖν οἱ Λακεδαιμόνιοι οὐκ ᾐσθάνοντο προσιόντων τῶν πολεμίων·

καὶ γὰρ ἦν λάσιον τὸ χωρίον· ἐπεὶ δ’ ἐπαιάνισαν, τότε δὴ ἔγνωσαν, καὶ εὐθὺσ ἀντιπαρήγγειλαν ἅπαντασ διασκευάζεσθαι ὡσ εἰσ μάχην. ἐπεὶ δὲ συνετάχθησαν ὡσ ἑκάστουσ οἱ ξεναγοὶ ἔταξαν, παρηγγύησαν μὲν ἀκολουθεῖν τῷ ἡγουμένῳ, ἦγον δὲ καὶ οἱ Λακεδαιμόνιοι ἐπὶ τὰ δεξιά, καὶ οὕτω πολὺ ὑπερέτεινον τὸ κέρασ, ὥστε τῶν Ἀθηναίων αἱ μὲν ἓξ φυλαὶ κατὰ τοὺσ Λακεδαιμονίουσ ἐγένοντο, αἱ δὲ τέτταρεσ κατὰ Τεγεάτασ. οὐκέτι δὲ στάδιον ἀπεχόντων, σφαγιασάμενοι οἱ Λακεδαιμόνιοι τῇ Ἀγροτέρᾳ, ὥσπερ νομίζεται, τὴν χίμαιραν, ἡγοῦντο ἐπὶ τοὺσ ἐναντίουσ, τὸ ὑπερέχον ἐπικάμψαντεσ εἰσ κύκλωσιν.

ἐπεὶ δὲ συνέμειξαν, οἱ μὲν ἄλλοι σύμμαχοι πάντεσ οἱ τῶν Λακεδαιμονίων ἐκρατήθησαν ὑπὸ τῶν ἐναντίων, Πελληνεῖσ δὲ κατὰ Θεσπιέασ γενόμενοι ἐμάχοντό τε καὶ ἐν χώρᾳ ἔπιπτον ἑκατέρων. αὐτοὶ δὲ οἱ Λακεδαιμόνιοι ὅσον τε κατέσχον τῶν Ἀθηναίων ἐκράτησαν, καὶ κυκλωσάμενοι τῷ ὑπερέχοντι πολλοὺσ ἀπέκτειναν αὐτῶν, καὶ ἅτε δὴ ἀπαθεῖσ ὄντεσ, συντεταγμένοι ἐπορεύοντο·

καὶ τὰσ μὲν τέτταρασ φυλὰσ τῶν Ἀθηναίων πρὶν ἐκ τῆσ διώξεωσ ἐπαναχωρῆσαι παρῆλθον, ὥστε οὐκ ἀπέθανον αὐτῶν πλὴν εἴ τισ ἐν τῇ συμβολῇ ὑπὸ Τεγεατῶν· τοῖσ δ’ Ἀργείοισ ἐπιτυγχάνουσιν οἱ Λακεδαιμόνιοι ἀναχωροῦσι, καὶ μέλλοντοσ τοῦ πρώτου πολεμάρχου ἐκ τοῦ ἐναντίου συμβάλλειν αὐτοῖσ, λέγεται ἄρα τισ ἀναβοῆσαι παρεῖναι τοὺσ πρώτουσ.

ὡσ δὲ τοῦτ’ ἐγένετο, παραθέοντασ δὴ παίοντεσ εἰσ τὰ γυμνὰ πολλοὺσ ἀπέκτειναν αὐτῶν. ἐπελάβοντο δὲ καὶ Κορινθίων ἀναχωρούντων. ἔτι δ’ ἐπέτυχον οἱ Λακεδαιμόνιοι καὶ τῶν Θηβαίων τισὶν ἀναχωροῦσιν ἐκ τῆσ διώξεωσ, καὶ ἀπέκτειναν συχνοὺσ αὐτῶν. τούτων δὲ γενομένων, οἱ ἡττώμενοι τὸ μὲν πρῶτον ἔφευγον πρὸσ τὰ τείχη·

ἔπειτα δ’ εἰρξάντων Κορινθίων πάλιν κατεσκήνησαν εἰσ τὸ ἀρχαῖον στρατόπεδον. Λακεδαιμόνιοι δ’ αὖ ἐπαναχωρήσαντεσ, ἔνθα τὸ πρῶτον τοῖσ πολεμίοισ συνέμειξαν, ἐστήσαντο τροπαῖον. καὶ αὕτη μὲν δὴ ἡ μάχη οὕτωσ ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Δ, chapter 2

(크세노폰, Hellenica, Ἑλληνικῶν Δ, chapter 2)

상위

목록

SEARCH

MENU NAVIGATION