Xenophon, Cyropaedia, Κύρου Παιδείασ Δ, chapter 5 18:

καὶ οἱ μὲν ἀμφὶ ταῦτα εἶχον· ὁ δὲ συγκαλέσασ τοὺσ ὁμοτίμουσ εἶπεν· ἄνδρεσ, ὁ μὲν θεὸσ προφαίνει πολλὰ κἀγαθά· ἡμεῖσ δὲ οἱ Πέρσαι ἐν τῷ παρόντι ὀλίγοι ἐσμὲν ὡσ ἐγκρατεῖσ εἶναι αὐτῶν. εἴτε γὰρ ὁπόσα ἂν προσεργασώμεθα, μὴ φυλάξομεν, πάλιν ταῦτα ἀλλότρια ἔσται· εἴτε καταλείψομέν τινασ ἡμῶν αὐτῶν φύλακασ ἐπὶ τοῖσ ἐφ’ ἡμῖν γιγνομένοισ, αὐτίκα οὐδεμίαν ἰσχὺν ἔχοντεσ ἀναφανούμεθα.