Xenophon, Cyropaedia, Κύρου Παιδείασ Δ, chapter 2 45:

εἰ δὲ τῶν νυνὶ διωκόντων καὶ κατακαινόντων τοὺσ ἡμετέρουσ πολεμίουσ καὶ μαχομένων, εἴ τισ ἐναντιοῦται, τούτων δόξομεν οὕτωσ ἀμελεῖν ὥστε καὶ πρὶν εἰδέναι πῶσ πράττουσιν ἠριστηκότεσ φαίνεσθαι, ὅπωσ μὴ αἰσχροὶ μὲν φανούμεθα, ἀσθενεῖσ δ’ ἐσόμεθα συμμάχων ἀποροῦντεσ. τὸ δὲ τῶν κινδυνευόντων καὶ πονούντων ἐπιμεληθῆναι ὅπωσ εἰσιόντεσ τὰ ἐπιτήδεια ἕξουσιν, αὕτη ἂν ἡμᾶσ ἡ θοίνη πλείω εὐφράνειεν, ὡσ ἐγώ φημι, ἢ τὸ παραχρῆμα τῇ γαστρὶ χαρίσασθαι.