Xenophon, Cyropaedia, Κύρου Παιδείασ Δ, chapter 2 2:

πράττοντοσ δὲ τοῦ Κύρου ταῦτα θείωσ πωσ ἀφικνοῦνται ἀπὸ Ὑρκανίων ἄγγελοι. οἱ δὲ Ὑρκάνιοι ὅμοροι μὲν τῶν Ἀσσυρίων εἰσίν, ἔθνοσ δ’ οὐ πολύ, διὸ καὶ ὑπήκοοι ἦσαν τῶν Ἀσσυρίων· εὐίπποι δὲ καὶ τότε ἐδόκουν εἶναι καὶ νῦν ἔτι δοκοῦσιν· διὸ καὶ ἐχρῶντο αὐτοῖσ οἱ Ἀσσύριοι ὥσπερ καὶ οἱ Λακεδαιμόνιοι τοῖσ Σκιρίταισ, οὐδὲν φειδόμενοι αὐτῶν οὔτ’ ἐν πόνοισ οὔτ’ ἐν κινδύνοισ· καὶ δὴ καὶ τότε ὀπισθοφυλακεῖν ἐκέλευον αὐτοὺσ ὡσ χιλίουσ ἱππέασ ὄντασ, ὅπωσ εἴ τι ὄπισθεν δεινὸν εἰή, ἐκεῖνοι πρὸ αὐτῶν τοῦτ’ ἔχοιεν.