Xenophon, Cyropaedia, Κύρου Παιδείασ Δ, chapter 1 10:

οἱ δὲ Ἀσσύριοι, ἅτε καὶ τεθνηκότοσ τοῦ ἄρχοντοσ καὶ σχεδὸν σὺν αὐτῷ τῶν βελτίστων, ἠθύμουν μὲν πάντεσ, πολλοὶ δὲ καὶ ἀπεδίδρασκον αὐτῶν τῆσ νυκτὸσ ἐκ τοῦ στρατοπέδου. ὁρῶντεσ δὲ ταῦτα ὅ τε Κροῖσοσ καὶ οἱ ἄλλοι σύμμαχοι αὐτῶν ἠθύμουν· πάντα μὲν γὰρ ἦν χαλεπά· ἀθυμίαν δὲ πλείστην παρεῖχε πᾶσιν ὅτι τὸ ἡγούμενον τῆσ στρατιᾶσ φῦλον διέφθαρτο τὰσ γνώμασ. οὕτω δὴ ἐκλείπουσι τὸ στρατόπεδον καὶ ἀπέρχονται τῆσ νυκτόσ.