헬라어 문장 검색 - ΧενοπήΑναβασί4́2́

(크세노폰, Anabasis, Κύρου Ἀναβάσεωσ Δ, chapter 2)

καὶ ἦν μὲν δείλη, οἱ δ’ ἐκέλευον αὐτοὺσ ἐμφαγόντασ πορεύεσθαι. καὶ τὸν ἡγεμόνα δήσαντεσ παραδιδόασιν αὐτοῖσ, καὶ συντίθενται τὴν μὲν νύκτα, ἢν λάβωσι τὸ ἄκρον, τὸ χωρίον φυλάττειν, ἅμα δὲ τῇ ἡμέρᾳ τῇ σάλπιγγι σημαίνειν· καὶ τοὺσ μὲν ἄνω ὄντασ ἰέναι ἐπὶ τοὺσ κατέχοντασ τὴν φανερὰν ἔκβασιν, αὐτοὶ δὲ συμβοηθήσειν ἐκβαίνοντεσ ὡσ ἂν δύνωνται τάχιστα. ταῦτα συνθέμενοι οἱ μὲν ἐπορεύοντο πλῆθοσ ὡσ δισχίλιοι·

καὶ ὕδωρ πολὺ ἦν ἐξ οὐρανοῦ· Ξενοφῶν δὲ ἔχων τοὺσ ὀπισθοφύλακασ ἡγεῖτο πρὸσ τὴν φανερὰν ἔκβασιν, ὅπωσ ταύτῃ τῇ ὁδῷ οἱ πολέμιοι προσέχοιεν τὸν νοῦν καὶ ὡσ μάλιστα λάθοιεν οἱ περιιόντεσ. ἐπεὶ δὲ ἦσαν ἐπὶ χαράδρᾳ οἱ ὀπισθοφύλακεσ ἣν ἔδει διαβάντασ πρὸσ τὸ ὄρθιον ἐκβαίνειν, τηνικαῦτα ἐκύλινδον οἱ βάρβαροι ὁλοιτρόχουσ ἁμαξιαίουσ καὶ μείζουσ καὶ ἐλάττουσ, οἳ φερόμενοι πρὸσ τὰσ πέτρασ παίοντεσ διεσφενδονῶντο·

καὶ παντάπασιν οὐδὲ πελάσαι οἱο͂́ν τ’ ἦν τῇ εἰσόδῳ. ἔνιοι δὲ τῶν λοχαγῶν, εἰ μὴ ταύτῃ δύναιντο, ἄλλῃ ἐπειρῶντο·

καὶ ταῦτα ἐποίουν μέχρι σκότοσ ἐγένετο· ἐπεὶ δὲ ᾤοντο ἀφανεῖσ εἶναι ἀπιόντεσ, τότε ἀπῆλθον ἐπὶ τὸ δεῖπνον· ἐτύγχανον δὲ καὶ ἀνάριστοι ὄντεσ αὐτῶν οἱ ὀπισθοφυλακήσαντεσ. οἱ μέντοι πολέμιοι οὐδὲν ἐπαύσαντο δι’ ὅλησ τῆσ νυκτὸσ κυλίνδοντεσ τοὺσ λίθουσ· τεκμαίρεσθαι δ’ ἦν τῷ ψόφῳ. οἱ δ’ ἔχοντεσ τὸν ἡγεμόνα κύκλῳ περιιόντεσ καταλαμβάνουσι τοὺσ φύλακασ ἀμφὶ πῦρ καθημένουσ·

καὶ τοὺσ μὲν κατακαίνοντεσ τοὺσ δὲ καταδιώξαντεσ αὐτοὶ ἐνταῦθ’ ἔμενον ὡσ τὸ ἄκρον κατέχοντεσ. οἱ δ’ οὐ κατεῖχον, ἀλλὰ μαστὸσ ἦν ὑπὲρ αὐτῶν παρ’ ὃν ἦν ἡ στενὴ αὕτη ὁδὸσ ἐφ’ ᾗ ἐκάθηντο οἱ φύλακεσ.

ἔφοδοσ μέντοι αὐτόθεν ἐπὶ τοὺσ πολεμίουσ ἦν οἳ ἐπὶ τῇ φανερᾷ ὁδῷ ἐκάθηντο. καὶ τὴν μὲν νύκτα ἐνταῦθα διήγαγον·

ἐπεὶ δ’ ἡμέρα ὑπέφαινεν, ἐπορεύοντο σιγῇ συντεταγμένοι ἐπὶ τοὺσ πολεμίουσ· καὶ γὰρ ὁμίχλη ἐγένετο, ὥστ’ ἔλαθον ἐγγὺσ προσελθόντεσ. ἐπεὶ δὲ εἶδον ἀλλήλουσ, ἥ τε σάλπιγξ ἐφθέγξατο καὶ ἀλαλάξαντεσ ἱέντο ἐπὶ τοὺσ ἀνθρώπουσ· οἱ δὲ οὐκ ἐδέξαντο, ἀλλὰ λιπόντεσ τὴν ὁδὸν φεύγοντεσ ὀλίγοι ἀπέθνῃσκον· εὔζωνοι γὰρ ἦσαν. οἱ δὲ ἀμφὶ Χειρίσοφον ἀκούσαντεσ τῆσ σάλπιγγοσ εὐθὺσ ἱέντο ἄνω κατὰ τὴν φανερὰν ὁδόν·

ἄλλοι δὲ τῶν στρατηγῶν κατὰ ἀτριβεῖσ ὁδοὺσ ἐπορεύοντο ᾗ ἔτυχον ἕκαστοι ὄντεσ, καὶ ἀναβάντεσ ὡσ ἐδύναντο ἀνίμων ἀλλήλουσ τοῖσ δόρασι. καὶ οὗτοι πρῶτοι συνέμειξαν τοῖσ προκαταλαβοῦσι τὸ χωρίον.

Ξενοφῶν δὲ ἔχων τῶν ὀπισθοφυλάκων τοὺσ ἡμίσεισ ἐπορεύετο ᾗπερ οἱ τὸν ἡγεμόνα ἔχοντεσ· εὐοδωτάτη γὰρ ἦν τοῖσ ὑποζυγίοισ· τοὺσ δὲ ἡμίσεισ ὄπισθεν τῶν ὑποζυγίων ἔταξε. πορευόμενοι δ’ ἐντυγχάνουσι λόφῳ ὑπὲρ τῆσ ὁδοῦ κατειλημμένῳ ὑπὸ τῶν πολεμίων, οὓσ ἢ ἀποκόψαι ἦν ἀνάγκη ἢ διεζεῦχθαι ἀπὸ τῶν ἄλλων Ἑλλήνων.

καὶ αὐτοὶ μὲν ἂν ἐπορεύθησαν ᾗπερ οἱ ἄλλοι, τὰ δὲ ὑποζύγια οὐκ ἦν ἄλλῃ ἢ ταύτῃ ἐκβῆναι. ἔνθα δὴ παρακελευσάμενοι ἀλλήλοισ προσβάλλουσι πρὸσ τὸν λόφον ὀρθίοισ τοῖσ λόχοισ, οὐ κύκλῳ ἀλλὰ καταλιπόντεσ ἄφοδον τοῖσ πολεμίοισ, εἰ βούλοιντο φεύγειν.

καὶ τέωσ μὲν αὐτοὺσ ἀναβαίνοντασ ὅπῃ ἐδύναντο ἕκαστοσ οἱ βάρβαροι ἐτόξευον καὶ ἔβαλλον, ἐγγὺσ δ’ οὐ προσίεντο, ἀλλὰ φυγῇ λείπουσι τὸ χωρίον.

καὶ τοῦτόν τε παρεληλύθεσαν οἱ Ἕλληνεσ καὶ ἕτερον ὁρῶσιν ἔμπροσθεν λόφον κατεχόμενον ἐπὶ τοῦτον αὖθισ ἐδόκει πορεύεσθαι. ἐννοήσασ δ’ ὁ Ξενοφῶν μή, εἰ ἔρημον καταλίποι τὸν ἡλωκότα λόφον, καὶ πάλιν λαβόντεσ οἱ πολέμιοι ἐπιθοῖντο τοῖσ ὑποζυγίοισ παριοῦσιν ἐπὶ πολὺ δ’ ἦν τὰ ὑποζύγια ἅτε διὰ στενῆσ τῆσ ὁδοῦ πορευόμενα, καταλείπει ἐπὶ τοῦ λόφου λοχαγοὺσ Κηφισόδωρον Κηφισοφῶντοσ Ἀθηναῖον καὶ Ἀμφικράτην Ἀμφιδήμου Ἀθηναῖον καὶ Ἀρχαγόραν Ἀργεῖον φυγάδα, αὐτὸσ δὲ σὺν τοῖσ λοιποῖσ ἐπορεύετο ἐπὶ τὸν δεύτερον λόφον, καὶ τῷ αὐτῷ τρόπῳ καὶ τοῦτον αἱροῦσιν.

ἔτι δ’ αὐτοῖσ τρίτοσ μαστὸσ λοιπὸσ ἦν πολὺ ὀρθιώτατοσ ὁ ὑπὲρ τῆσ ἐπὶ τῷ πυρὶ καταληφθείσησ φυλακῆσ τῆσ νυκτὸσ ὑπὸ τῶν ἐθελοντῶν.

ἐπεὶ δ’ ἐγγὺσ ἐγένοντο οἱ Ἕλληνεσ, λείπουσιν οἱ βάρβαροι ἀμαχητὶ τὸν μαστόν, ὥστε θαυμαστὸν πᾶσι γενέσθαι καὶ ὑπώπτευον δείσαντασ αὐτοὺσ μὴ κυκλωθέντεσ πολιορκοῖντο ἀπολιπεῖν.

οἱ δ’ ἄρα ἀπὸ τοῦ ἄκρου καθορῶντεσ τὰ ὄπισθεν γιγνόμενα πάντεσ ἐπὶ τοὺσ ὀπισθοφύλακασ ἐχώρουν. καὶ Ξενοφῶν μὲν σὺν τοῖσ νεωτάτοισ ἀνέβαινεν ἐπὶ τὸ ἄκρον, τοὺσ δὲ ἄλλουσ ἐκέλευσεν ὑπάγειν, ὅπωσ οἱ τελευταῖοι λόχοι προσμείξειαν, καὶ προελθόντασ κατὰ τὴν ὁδὸν ἐν τῷ ὁμαλῷ θέσθαι τὰ ὅπλα εἶπε.

καὶ ἐν τούτῳ τῷ χρόνῳ ἦλθεν Ἀρχαγόρασ ὁ Ἀργεῖοσ πεφευγὼσ καὶ λέγει ὡσ ἀπεκόπησαν ἀπὸ τοῦ λόφου καὶ ὅτι τεθνᾶσι Κηφισόδωροσ καὶ Ἀμφικράτησ καὶ ἄλλοι ὅσοι μὴ ἁλόμενοι κατὰ τῆσ πέτρασ πρὸσ τοὺσ ὀπισθοφύλακασ ἀφίκοντο.

ταῦτα δὲ διαπραξάμενοι οἱ βάρβαροι ἧκον ἐπ’ ἀντίπορον λόφον τῷ μαστῷ·

καὶ ὁ Ξενοφῶν διελέγετο αὐτοῖσ δι’ ἑρμηνέωσ περὶ σπονδῶν καὶ τοὺσ νεκροὺσ ἀπῄτει. οἱ δὲ ἔφασαν ἀποδώσειν ἐφ’ ᾧ μὴ καίειν τὰσ οἰκίασ.

συνωμολόγει ταῦτα ὁ Ξενοφῶν. ἐν ᾧ δὲ τὸ μὲν ἄλλο στράτευμα παρῄει, οἱ δὲ ταῦτα διελέγοντο, πάντεσ οἱ ἐκ τούτου τοῦ τόπου συνερρύησαν· ἐνταῦθα ἵσταντο οἱ πολέμιοι. καὶ ἐπεὶ ἤρξαντο καταβαίνειν ἀπὸ τοῦ μαστοῦ πρὸσ τοὺσ ἄλλουσ ἔνθα τὰ ὅπλα ἔκειντο, ἱέντο δὴ οἱ πολέμιοι πολλῷ πλήθει καὶ θορύβῳ·

καὶ ἐπεὶ ἐγένοντο ἐπὶ τῆσ κορυφῆσ τοῦ μαστοῦ ἀφ’ οὗ Ξενοφῶν κατέβαινεν, ἐκυλίνδουν πέτρουσ· καὶ ἑνὸσ μὲν κατέαξαν τὸ σκέλοσ, Ξενοφῶντα δὲ ὁ ὑπασπιστὴσ ἔχων τὴν ἀσπίδα ἀπέλιπεν· Εὐρύλοχοσ δὲ Λουσιεὺσ Ἀρκὰσ προσέδραμεν αὐτῷ ὁπλίτησ, καὶ πρὸ ἀμφοῖν προβεβλημένοσ ἀπεχώρει, καὶ οἱ ἄλλοι πρὸσ τοὺσ συντεταγμένουσ ἀπῆλθον.

ἐκ δὲ τούτου πᾶν ὁμοῦ ἐγένετο τὸ Ἑλληνικόν, καὶ ἐσκήνησαν αὐτοῦ ἐν πολλαῖσ καὶ καλαῖσ οἰκίαισ καὶ ἐπιτηδείοισ δαψιλέσι·

καὶ γὰρ οἶνοσ πολὺσ ἦν, ὥστε ἐν λάκκοισ κονιατοῖσ εἶχον. Ξενοφῶν δὲ καὶ Χειρίσοφοσ διεπράξαντο ὥστε λαβόντεσ τοὺσ νεκροὺσ ἀπέδοσαν τὸν ἡγεμόνα·

καὶ πάντα ἐποίησαν τοῖσ ἀποθανοῦσιν ἐκ τῶν δυνατῶν ὥσπερ νομίζεται ἀνδράσιν ἀγαθοῖσ. τῇ δὲ ὑστεραίᾳ ἄνευ ἡγεμόνοσ ἐπορεύοντο·

μαχόμενοι δ’ οἱ πολέμιοι καὶ ὅπῃ εἰή στενὸν χωρίον προκαταλαμβάνοντεσ ἐκώλυον τὰσ παρόδουσ. ὁπότε μὲν οὖν τοὺσ πρώτουσ κωλύοιεν, Ξενοφῶν ὄπισθεν ἐκβαίνων πρὸσ τὰ ὄρη ἔλυε τὴν ἀπόφραξιν τῆσ ὁδοῦ τοῖσ πρώτοισ ἀνωτέρω πειρώμενοσ γίγνεσθαι τῶν κωλυόντων, ὁπότε δὲ τοῖσ ὄπισθεν ἐπιθοῖντο, Χειρίσοφοσ ἐκβαίνων καὶ πειρώμενοσ ἀνωτέρω γίγνεσθαι τῶν κωλυόντων ἔλυε τὴν ἀπόφραξιν τῆσ παρόδου τοῖσ ὄπισθεν·

καὶ ἀεὶ οὕτωσ ἐβοήθουν ἀλλήλοισ καὶ ἰσχυρῶσ ἀλλήλων ἐπεμέλοντο.

ἦν δὲ καὶ ὁπότε αὐτοῖσ τοῖσ ἀναβᾶσι πολλὰ πράγματα παρεῖχον οἱ βάρβαροι πάλιν καταβαίνουσιν·

ἐλαφροὶ γὰρ ἦσαν ὥστε καὶ ἐγγύθεν φεύγοντεσ ἀποφεύγειν· οὐδὲν γὰρ εἶχον ἄλλο ἢ τόξα καὶ σφενδόνασ. ἄριστοι δὲ καὶ τοξόται ἦσαν·

εἶχον δὲ τόξα ἐγγὺσ τριπήχη, τὰ δὲ τοξεύματα πλέον ἢ διπήχη· εἷλκον δὲ τὰσ νευρὰσ ὁπότε τοξεύοιεν πρὸσ τὸ κάτω τοῦ τόξου τῷ ἀριστερῷ ποδὶ προσβαίνοντεσ. τὰ δὲ τοξεύματα ἐχώρει διὰ τῶν ἀσπίδων καὶ διὰ τῶν θωράκων. ἐχρῶντο δὲ αὐτοῖσ οἱ Ἕλληνεσ, ἐπεὶ λάβοιεν, ἀκοντίοισ ἐναγκυλῶντεσ. ἐν τούτοισ τοῖσ χωρίοισ οἱ Κρῆτεσ χρησιμώτατοι ἐγένοντο. ἦρχε δὲ αὐτῶν Στρατοκλῆσ Κρήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Δ, chapter 2

(크세노폰, Anabasis, Κύρου Ἀναβάσεωσ Δ, chapter 2)

상위

목록

SEARCH

MENU NAVIGATION