헬라어 문장 검색 - ΧενοπήΑναβασί1́7́

(크세노폰, Anabasis, Κύρου Ἀναβάσεωσ Α, chapter 7)

ἐντεῦθεν ἐξελαύνει διὰ τῆσ Βαβυλωνίασ σταθμοὺσ τρεῖσ παρασάγγασ δώδεκα. ἐν δὲ τῷ τρίτῳ σταθμῷ Κῦροσ ἐξέτασιν ποιεῖται τῶν Ἑλλήνων καὶ τῶν βαρβάρων ἐν τῷ πεδίῳ περὶ μέσασ νύκτασ· ἐδόκει γὰρ εἰσ τὴν ἐπιοῦσαν ἑώ ἥξειν βασιλέα σὺν τῷ στρατεύματι μαχούμενον· καὶ ἐκέλευε Κλέαρχον μὲν τοῦ δεξιοῦ κέρωσ ἡγεῖσθαι, Μένωνα δὲ τὸν Θετταλὸν τοῦ εὐωνύμου, αὐτὸσ δὲ τοὺσ ἑαυτοῦ διέταξε. μετὰ δὲ τὴν ἐξέτασιν ἅμα τῇ ἐπιούσῃ ἡμέρᾳ ἥκοντεσ αὐτόμολοι παρὰ μεγάλου βασιλέωσ ἀπήγγελλον Κύρῳ περὶ τῆσ βασιλέωσ στρατιᾶσ.

Κῦροσ δὲ συγκαλέσασ τοὺσ στρατηγοὺσ καὶ λοχαγοὺσ τῶν Ἑλλήνων συνεβουλεύετό τε πῶσ ἂν τὴν μάχην ποιοῖτο καὶ αὐτὸσ παρῄνει θαρρύνων τοιάδε. ὦ ἄνδρεσ Ἕλληνεσ, οὐκ ἀνθρώπων ἀπορῶν βαρβάρων συμμάχουσ ὑμᾶσ ἄγω, ἀλλὰ νομίζων ἀμείνονασ καὶ κρείττουσ πολλῶν βαρβάρων ὑμᾶσ εἶναι, διὰ τοῦτο προσέλαβον.

ὅπωσ οὖν ἔσεσθε ἄνδρεσ ἄξιοι τῆσ ἐλευθερίασ ἧσ κέκτησθε καὶ ἧσ ὑμᾶσ ἐγὼ εὐδαιμονίζω. εὖ γὰρ ἴστε ὅτι τὴν ἐλευθερίαν ἑλοίμην ἂν ἀντὶ ὧν ἔχω πάντων καὶ ἄλλων πολλαπλασίων. ὅπωσ δὲ καὶ εἰδῆτε εἰσ οἱο͂ν ἔρχεσθε ἀγῶνα, ὑμᾶσ εἰδὼσ διδάξω.

τὸ μὲν γὰρ πλῆθοσ πολὺ καὶ κραυγῇ πολλῇ ἐπίασιν· ἂν δὲ ταῦτα ἀνάσχησθε, τὰ ἄλλα καὶ αἰσχύνεσθαί μοι δοκῶ οἱούσ ἡμῖν γνώσεσθε τοὺσ ἐν τῇ χώρᾳ ὄντασ ἀνθρώπουσ. ὑμῶν δὲ ἀνδρῶν ὄντων καὶ εὖ τῶν ἐμῶν γενομένων, ἐγὼ ὑμῶν τὸν μὲν οἴκαδε βουλόμενον ἀπιέναι τοῖσ οἴκοι ζηλωτὸν ποιήσω ἀπελθεῖν, πολλοὺσ δὲ οἶμαι ποιήσειν τὰ παρ’ ἐμοὶ ἑλέσθαι ἀντὶ τῶν οἴκοι. ἐνταῦθα Γαυλίτησ παρών, φυγὰσ Σάμιοσ, πιστὸσ δὲ Κύρῳ, εἶπεν·

καὶ μήν, ὦ Κῦρε, λέγουσί τινεσ ὅτι πολλὰ ὑπισχνῇ νῦν διὰ τὸ ἐν τοιούτῳ εἶναι τοῦ κινδύνου προσιόντοσ, ἂν δὲ εὖ γένηταί τι, οὐ μεμνήσεσθαί σέ φασιν· ἔνιοι δὲ οὐδ’ εἰ μεμνῇό τε καὶ βούλοιο δύνασθαι ἂν ἀποδοῦναι ὅσα ὑπισχνῇ. ἀκούσασ ταῦτα ἔλεξεν ὁ Κῦροσ·

ἀλλ’ ἔστι μὲν ἡμῖν, ὦ ἄνδρεσ, ἀρχὴ πατρῴα πρὸσ μὲν μεσημβρίαν μέχρι οὗ διὰ καῦμα οὐ δύνανται οἰκεῖν ἄνθρωποι, πρὸσ δὲ ἄρκτον μέχρι οὗ διὰ χειμῶνα· τὰ δ’ ἐν μέσῳ τούτων πάντα σατραπεύουσιν οἱ τοῦ ἐμοῦ ἀδελφοῦ φίλοι. ἢν δ’ ἡμεῖσ νικήσωμεν, ἡμᾶσ δεῖ τοὺσ ἡμετέρουσ φίλουσ τούτων ἐγκρατεῖσ ποιῆσαι.

ὥστε οὐ τοῦτο δέδοικα, μὴ οὐκ ἔχω ὅ τι δῶ ἑκάστῳ τῶν φίλων, ἂν εὖ γένηται, ἀλλὰ μὴ οὐκ ἔχω ἱκανοὺσ οἷσ δῶ. ὑμῶν δὲ τῶν Ἑλλήνων καὶ στέφανον ἑκάστῳ χρυσοῦν δώσω. οἱ δὲ ταῦτα ἀκούσαντεσ αὐτοί τε ἦσαν πολὺ προθυμότεροι καὶ τοῖσ ἄλλοισ ἐξήγγελλον.

εἰσῇσαν δὲ παρ’ αὐτὸν οἵ τε στρατηγοὶ καὶ τῶν ἄλλων Ἑλλήνων τινὲσ ἀξιοῦντεσ εἰδέναι τί σφίσιν ἔσται, ἐὰν κρατήσωσιν. ὁ δὲ ἐμπιμπλὰσ ἁπάντων τὴν γνώμην ἀπέπεμπε. παρεκελεύοντο δὲ αὐτῷ πάντεσ ὅσοιπερ διελέγοντο μὴ μάχεσθαι, ἀλλ’ ὄπισθεν ἑαυτῶν τάττεσθαι.

ἐν δὲ τῷ καιρῷ τούτῳ Κλέαρχοσ ὧδέ πωσ ἤρετο τὸν Κῦρον· οἰεί γάρ σοι μαχεῖσθαι, ὦ Κῦρε, τὸν ἀδελφόν; νὴ Δί’, ἔφη ὁ Κῦροσ, εἴπερ γε Δαρείου καὶ Παρυσάτιδόσ ἐστι παῖσ, ἐμὸσ δὲ ἀδελφόσ, οὐκ ἀμαχεὶ ταῦτ’ ἐγὼ λήψομαι. ἐνταῦθα δὴ ἐν τῇ ἐξοπλισίᾳ ἀριθμὸσ ἐγένετο τῶν μὲν Ἑλλήνων ἀσπὶσ μυρία καὶ τετρακοσία, πελτασταὶ δὲ δισχίλιοι καὶ πεντακόσιοι, τῶν δὲ μετὰ Κύρου βαρβάρων δέκα μυριάδεσ καὶ ἁρ́ματα δρεπανηφόρα ἀμφὶ τὰ εἴκοσι.

τῶν δὲ πολεμίων ἐλέγοντο εἶναι ἑκατὸν καὶ εἴκοσι μυριάδεσ καὶ ἁρ́ματα δρεπανηφόρα διακόσια.

ἄλλοι δὲ ἦσαν ἑξακισχίλιοι ἱππεῖσ, ὧν Ἀρταγέρσησ ἦρχεν· οὗτοι δ’ αὖ πρὸ αὐτοῦ βασιλέωσ τεταγμένοι ἦσαν. τοῦ δὲ βασιλέωσ στρατεύματοσ ἦσαν ἄρχοντεσ καὶ στρατηγοὶ καὶ ἡγεμόνεσ τέτταρεσ, τριάκοντα μυριάδων ἕκαστοσ, Ἀβροκόμασ, Τισσαφέρνησ, Γωβρύασ, Ἀρβάκησ.

τούτων δὲ παρεγένοντο ἐν τῇ μάχῃ ἐνενήκοντα μυριάδεσ καὶ ἁρ́ματα δρεπανηφόρα ἑκατὸν καὶ πεντήκοντα· Ἀβροκόμασ δὲ ὑστέρησε τῆσ μάχησ ἡμέραισ πέντε, ἐκ Φοινίκησ ἐλαύνων. ταῦτα δὲ ἤγγελλον πρὸσ Κῦρον οἱ αὐτομολήσαντεσ ἐκ τῶν πολεμίων παρὰ μεγάλου βασιλέωσ πρὸ τῆσ μάχησ, καὶ μετὰ τὴν μάχην οἳ ὕστερον ἐλήφθησαν τῶν πολεμίων ταὐτὰ ἤγγελλον.

ἐντεῦθεν δὲ Κῦροσ ἐξελαύνει σταθμὸν ἕνα παρασάγγασ τρεῖσ συντεταγμένῳ τῷ στρατεύματι παντὶ καὶ τῷ Ἑλληνικῷ καὶ τῷ βαρβαρικῷ·

ᾤετο γὰρ ταύτῃ τῇ ἡμέρᾳ μαχεῖσθαι βασιλέα· κατὰ γὰρ μέσον τὸν σταθμὸν τοῦτον τάφροσ ἦν ὀρυκτὴ βαθεῖα, τὸ μὲν εὖροσ ὀργυιαὶ πέντε, τὸ δὲ βάθοσ ὀργυιαὶ τρεῖσ. παρετέτατο δὲ ἡ τάφροσ ἄνω διὰ τοῦ πεδίου ἐπὶ δώδεκα παρασάγγασ μέχρι τοῦ Μηδίασ τείχουσ.

ἔνθα αἱ διώρυχεσ, ἀπὸ τοῦ Τίγρητοσ ποταμοῦ ῥέουσαι· εἰσὶ δὲ τέτταρεσ, τὸ μὲν εὖροσ πλεθριαῖαι, βαθεῖαι δὲ ἰσχυρῶσ, καὶ πλοῖα πλεῖ ἐν αὐταῖσ σιταγωγά· εἰσβάλλουσι δὲ εἰσ τὸν Εὐφράτην, διαλείπουσι δ’ ἑκάστη παρασάγγην, γέφυραι, δ’ ἔπεισιν. ἦν δὲ παρὰ τὸν Εὐφράτην πάροδοσ στενὴ μεταξὺ τοῦ ποταμοῦ καὶ τῆσ τάφρου ὡσ εἴκοσι ποδῶν τὸ εὖροσ· ταύτην δὲ τὴν τάφρον βασιλεὺσ ποιεῖ μέγασ ἀντὶ ἐρύματοσ, ἐπειδὴ πυνθάνεται Κῦρον προσελαύνοντα.

ταύτην δὴ τὴν πάροδον Κῦρόσ τε καὶ ἡ στρατιὰ παρῆλθε καὶ ἐγένοντο εἴσω τῆσ τάφρου. ταύτῃ μὲν οὖν τῇ ἡμέρᾳ οὐκ ἐμαχέσατο βασιλεύσ, ἀλλ’ ὑποχωρούντων φανερὰ ἦσαν καὶ ἵππων καὶ ἀνθρώπων ἴχνη πολλά.

ἐνταῦθα Κῦροσ Σιλανὸν καλέσασ τὸν Ἀμπρακιώτην μάντιν ἔδωκεν αὐτῷ δαρεικοὺσ τρισχιλίουσ, ὅτι τῇ ἑνδεκάτῃ ἀπ’ ἐκείνησ ἡμέρᾳ πρότερον θυόμενοσ εἶπεν αὐτῷ ὅτι βασιλεὺσ οὐ μαχεῖται δέκα ἡμερῶν, Κῦροσ δ’ εἶπεν·

οὐκ ἄρα ἔτι μαχεῖται, εἰ ἐν ταύταισ οὐ μαχεῖται ταῖσ ἡμέραισ· ἐὰν δ’ ἀληθεύσῃσ, ὑπισχνοῦμαί σοι δέκα τάλαντα. τοῦτο τὸ χρυσίον τότε ἀπέδωκεν, ἐπεὶ παρῆλθον αἱ δέκα ἡμέραι. ἐπεὶ δ’ ἐπὶ τῇ τάφρῳ οὐκ ἐκώλυε βασιλεὺσ τὸ Κύρου στράτευμα διαβαίνειν, ἔδοξε καὶ Κύρῳ καὶ τοῖσ ἄλλοισ ἀπεγνωκέναι τοῦ μάχεσθαι·

ὥστε τῇ ὑστεραίᾳ Κῦροσ ἐπορεύετο ἠμελημένωσ μᾶλλον. τῇ δὲ τρίτῃ ἐπί τε τοῦ ἁρ́ματοσ καθήμενοσ τὴν πορείαν ἐποιεῖτο καὶ ὀλίγουσ ἐν τάξει ἔχων πρὸ αὑτοῦ, τὸ δὲ πολὺ αὐτῷ ἀνατεταραγμένον ἐπορεύετο καὶ τῶν ὅπλων τοῖσ στρατιώταισ πολλὰ ἐπὶ ἁμαξῶν ἤγοντο καὶ ὑποζυγίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 7

(크세노폰, Anabasis, Κύρου Ἀναβάσεωσ Α, chapter 7)

상위

목록

SEARCH

MENU NAVIGATION