Xenophon, Anabasis, Κύρου Ἀναβάσεωσ Α, chapter 7 16:

παρετέτατο δὲ ἡ τάφροσ ἄνω διὰ τοῦ πεδίου ἐπὶ δώδεκα παρασάγγασ μέχρι τοῦ Μηδίασ τείχουσ. ἔνθα αἱ διώρυχεσ, ἀπὸ τοῦ Τίγρητοσ ποταμοῦ ῥέουσαι· εἰσὶ δὲ τέτταρεσ, τὸ μὲν εὖροσ πλεθριαῖαι, βαθεῖαι δὲ ἰσχυρῶσ, καὶ πλοῖα πλεῖ ἐν αὐταῖσ σιταγωγά· εἰσβάλλουσι δὲ εἰσ τὸν Εὐφράτην, διαλείπουσι δ’ ἑκάστη παρασάγγην, γέφυραι, δ’ ἔπεισιν. ἦν δὲ παρὰ τὸν Εὐφράτην πάροδοσ στενὴ μεταξὺ τοῦ ποταμοῦ καὶ τῆσ τάφρου ὡσ εἴκοσι ποδῶν τὸ εὖροσ·