헬라어 문장 검색 - Σοπηοξ́Πηιλοξτ́11́00́2́

(소포클레스, 필록테테스, episode 2:)

ὦ πῦρ σὺ καὶ πᾶν δεῖμα καὶ πανουργίασ δεινῆσ τέχνημ’ ἔχθιστον, οἱᾶ́ μ’ εἰργάσω, οἷ’ ἠπάτηκασ· οὐδ’ ἐπαισχύνει μ’ ὁρῶν τὸν προστρόπαιον, τὸν ἱκέτην, ὦ σχέτλιε; ἀπεστέρηκασ τὸν βίον τὰ τόξ’ ἑλών. ἀπόδοσ, ἱκνοῦμαί σ’, ἀπόδοσ, ἱκετεύω, τέκνον· πρὸσ θεῶν πατρῴων, τὸν βίον με μὴ ἀφέλῃ. ὤμοι τάλασ. ἀλλ’ οὐδὲ προσφωνεῖ μ’ ἔτι, ἀλλ’ ὡσ μεθήσων μήποθ’, ὧδ’ ὁρᾷ πάλιν. ὦ λιμένεσ, ὦ προβλῆτεσ, ὦ ξυνουσίαι θηρῶν ὀρείων, ὦ καταρρῶγεσ πέτραι, ὑμῖν τάδ’, οὐ γὰρ ἄλλον οἶδ’ ὅτῳ λέγω, ἀνακλαίομαι παροῦσι τοῖσ εἰωθόσιν, οἷ’ ἔργ’ ὁ παῖσ μ’ ἔδρασεν οὑξ Ἀχιλλέωσ· ὀμόσασ ἀπάξειν οἴκαδ’, ἐσ Τροίαν μ’ ἄγει· προσθείσ τε χεῖρα δεξιάν, τὰ τόξα μου ἱερὰ λαβὼν τοῦ Ζηνὸσ Ἡρακλέουσ ἔχει, καὶ τοῖσιν Ἀργείοισι φήνασθαι θέλει· ὡσ ἄνδρ’ ἑλὼν ἰσχυρόν ἐκ βίασ μ’ ἄγει, κοὐκ οἶδ’ ἐναίρων νεκρὸν ἢ καπνοῦ σκιάν, εἴδωλον ἄλλωσ· οὐ γὰρ ἂν σθένοντά γε εἷλέν μ’· ἐπεὶ οὐδ’ ἂν ὧδ’ ἔχοντ’, εἰ μὴ δόλῳ. νῦν δ’ ἠπάτημαι δύσμοροσ. τί χρή με δρᾶν; ἀλλ’ ἀπόδοσ, ἀλλὰ νῦν ἔτ’ ἐν σαυτῷ γενοῦ. τί φήσ; σιωπᾷσ; οὐδέν εἰμ’ ὁ δύσμοροσ. ὦ σχῆμα πέτρασ δίπυλον, αὖθισ αὖ πάλιν εἴσειμι πρὸσ σὲ ψιλόσ, οὐκ ἔχων τροφήν· ἀλλ’ αὐανοῦμαι τῷδ’ ἐν αὐλίῳ μόνοσ, οὐ πτηνὸν ὄρνιν οὐδὲ θῆρ’ ὀρειβάτην τόξοισ ἐναίρων τοισίδ’, ἀλλ’ αὐτὸσ τάλασ θανὼν παρέξω δαῖθ’ ὑφ’ ὧν ἐφερβόμην, καί μ’ οὓσ ἐθήρων πρόσθε θηράσουσι νῦν· φόνον φόνου δὲ ῥύσιον τίσω τάλασ πρὸσ τοῦ δοκοῦντοσ οὐδὲν εἰδέναι κακόν. ὄλοιο ‐ μή πω, πρὶν μάθοιμ’ εἰ καὶ πάλιν γνώμην μετοίσεισ· εἰ δὲ μή, θάνοισ κακῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Sophocles, Philoctetes, episode 2:

(소포클레스, 필록테테스, episode 2:)

상위

목록

SEARCH

MENU NAVIGATION