헬라어 문장 검색 - Σοπηοξ́Πηιλοξτ́11́00́0́

(소포클레스, 필록테테스, episode)

σιγᾶν κελεύω μηδ’ ἀφεστάναι φρενῶν· κινεῖ γὰρ ἁνὴρ ὄμμα κἀνάγει κάρα. ὦ φέγγοσ ὕπνου διάδοχον τό τ’ ἐλπίδων ἄπιστον οἰκούρημα τῶνδε τῶν ξένων. οὐ γάρ ποτ’, ὦ παῖ, τοῦτ’ ἂν ἐξηύχησ’ ἐγώ, τλῆναί σ’ ἐλεινῶσ ὧδε τἀμὰ πήματα μεῖναι παρόντα καὶ ξυνωφελοῦντά μοι. οὔκουν Ἀτρεῖδαι τοῦτ’ ἔτλησαν εὐφόρωσ οὕτωσ ἐνεγκεῖν, ἁγαθοὶ στρατηλάται. ἀλλ’ εὐγενὴσ γὰρ ἡ φύσισ κἀξ εὐγενῶν, ὦ τέκνον, ἡ σή, πάντα ταῦτ’ ἐν εὐχερεῖ ἔθου, βοῆσ τε καὶ δυσοσμίασ γέμων. καὶ νῦν ἐπειδὴ τοῦδε τοῦ κακοῦ δοκεῖ λήθη τισ εἶναι κἀνάπαυλα δή, τέκνον, σύ μ’ αὐτὸσ ἆρον, σύ με κατάστησον, τέκνον, ἵν’, ἡνίκ’ ἂν κόποσ μ’ ἀπαλλάξῃ ποτέ, ὁρμώμεθ’ ἐσ ναῦν μηδ’ ἐπίσχωμεν τὸ πλεῖν. ἀλλ’ ἥδομαι μέν σ’ εἰσιδὼν παρ’ ἐλπίδα ἀνώδυνον βλέποντα κἀμπνέοντ’ ἔτι· ὡσ οὐκέτ’ ὄντοσ γὰρ τὰ συμβόλαιά σου πρὸσ τὰσ παρούσασ ξυμφορὰσ ἐφαίνετο. νῦν δ’ αἶρε σαυτόν· εἰ δέ σοι μᾶλλον φίλον, οἴσουσί σ’ οἵδε· τοῦ πόνου γὰρ οὐκ ὄκνοσ, ἐπείπερ οὕτω σοί τ’ ἔδοξ’ ἐμοί τε δρᾶν. αἰνῶ τάδ’, ὦ παῖ, καί μ’ ἔπαιρ’, ὥσπερ νοεῖσ· τούτουσ δ’ ἐάσον, μὴ βαρυνθῶσιν κακῇ ὀσμῇ πρὸ τοῦ δέοντοσ· οὑπὶ νηὶ γὰρ ἅλισ πόνοσ τούτοισι συνναίειν ἐμοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Philoctetes, episode

(소포클레스, 필록테테스, episode)

상위

목록

SEARCH

MENU NAVIGATION