호흡부호 보기
강세부호 보기
장단부호 보기
작은 Iota 보기
모든 부호 보기
ἀλγῶ πάλαι δὴ τἀπὶ σοὶ στένων κακά. ἀλλ’, ὦ τέκνον, καὶ θάρσοσ ἴσχ’· ὡσ ἥδε μοι ὀξεῖα φοιτᾷ καὶ ταχεῖ’ ἀπέρχεται. ἀλλ’ ἀντιάζω, μή με καταλίπῃσ μόνον. θάρσει, μενοῦμεν. ἦ μενεῖσ; σαφῶσ φρόνει. οὐ μήν σ’ ἔνορκόν γ’ ἀξιῶ θέσθαι, τέκνον. ὡσ οὐ θέμισ γ’ ἐμοὔστι σοῦ μολεῖν ἄτερ. ἔμβαλλε χειρὸσ πίστιν. ἐμβάλλω μενεῖν. ἐκεῖσε νῦν μ’, ἐκεῖσε ποῖ λέγεισ; ἄνω τί παραφρονεῖσ αὖ; τί τὸν ἄνω λεύσσεισ κύκλον; μέθεσ μέθεσ με. ποῖ μεθῶ; μέθεσ ποτέ. οὔ φημ’ ἐάσειν. ἀπό μ’ ὀλεῖσ, ἢν προσθίγῃσ. καὶ δὴ μεθίημ’, εἴ τι δὴ πλέον φρονεῖσ. ὦ γαῖα, δέξαι θανάσιμόν μ’ ὅπωσ ἔχω τὸ γὰρ κακὸν τόδ’ οὐκέτ’ ὀρθοῦσθαί μ’ ἐᾷ. τὸν ἄνδρ’ ἐοίκεν ὕπνοσ οὐ μακροῦ χρόνου ἕξειν· κάρα γὰρ ὑπτιάζεται τόδε· ἱδρώσ γέ τοί νιν πᾶν καταστάζει δέμασ, μέλαινά τ’ ἄκρου τισ παρέρρωγεν ποδὸσ αἱμορραγὴσ φλέψ. ἀλλ’ ἐάσωμεν, φίλοι, ἕκηλον αὐτόν, ὡσ ἂν εἰσ ὕπνον πέσῃ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기