헬라어 문장 검색 - ΠολψβίΗιστορί21́049́

(폴리비오스, Histories, book 21, chapter 46)

Ὅτι κατὰ τὴν Ἀπάμειαν οἵ τε δέκα καὶ Γνάιοσ ὁ στρατηγὸσ τῶν Ῥωμαίων, διακούσαντεσ πάντων τῶν ἀπηντηκότων, τοῖσ μὲν περὶ χώρασ ἢ χρημάτων ἤ τινοσ ἑτέρου διαφερομένοισ πόλεισ ἀπέδωκαν ὁμολογουμένασ ἀμφοτέροισ, ἐν αἷσ διακριθήσονται περὶ τῶν ἀμφισβητουμένων· τὴν δὲ περὶ τῶν ὅλων ἐποιήσαντο διάληψιν τοιαύτην. ὅσαι μὲν τῶν αὐτονόμων πόλεων πρότερον ὑπετέλουν Ἀντιόχῳ φόρον, τότε δὲ διεφύλαξαν τὴν πρὸσ Ῥωμαίουσ πίστιν, ταύτασ μὲν ἀπέλυσαν τῶν φόρων·

ὅσαι δ’ Ἀττάλῳ σύνταξιν ἐτέλουν, ταύταισ ἐπέταξαν τὸν αὐτὸν Εὐμένει διδόναι φόρον. εἰ δέ τινεσ ἀποστᾶσαι τῆσ Ῥωμαίων φιλίασ Ἀντιόχῳ συνεπολέμουν, ταύτασ ἐκέλευσαν Εὐμένει διδόναι τοὺσ Ἀντιόχῳ διατεταγμένουσ φόρουσ.

Κλαζομενίοισ δὲ καὶ δωρεὰν προσέθηκαν τὴν Δρυμοῦσσαν καλουμένην νῆσον, Μιλησίοισ δὲ τὴν ἱερὰν χώραν ἀποκατέστησαν, ἧσ διὰ τοὺσ πολέμουσ πρότερον ἐξεχώρησαν.

Χίουσ δὲ καὶ Σμυρναίουσ, ἔτι δ’ Ἐρυθραίουσ, ἔν τε τοῖσ ἄλλοισ προῆγον καὶ χώραν προσένειμαν, ἧσ ἕκαστοι κατὰ τὸ παρὸν ἐπεθύμουν καὶ σφίσι καθήκειν ὑπελάμβανον, ἐντρεπόμενοι τὴν εὔνοιαν καὶ σπουδήν, ἣν παρέσχηντο κατὰ τὸν πόλεμον αὐτοῖσ.

ἀπέδωκαν δὲ καὶ Φωκαιεῦσι τὸ πάτριον πολίτευμα καὶ τὴν χώραν, ἣν καὶ πρότερον εἶχον.

μετὰ δὲ ταῦτα Ῥοδίοισ ἐχρημάτισαν, διδόντεσ Λυκίαν καὶ Καρίασ τὰ μέχρι Μαιάνδρου ποταμοῦ πλὴν Τελμεσσοῦ.

περὶ δὲ τοῦ βασιλέωσ Εὐμένουσ καὶ τῶν ἀδελφῶν ἔν τε ταῖσ πρὸσ Ἀντίοχον συνθήκαισ τὴν ἐνδεχομένην πρόνοιαν ἐποιήσαντο καὶ τότε τῆσ μὲν Εὐρώπησ αὐτῷ προσέθηκαν Χερρόνησον καὶ Λυσιμάχειαν καὶ τὰ προσοροῦντα τούτοισ ἐρύματα καὶ χώραν, ἧσ Ἀντίοχοσ ἐπῆρχεν·

τῆσ δ’ Ἀσίασ Φρυγίαν τὴν ἐφ’ Ἑλλησπόντου, Φρυγίαν τὴν μεγάλην, Μυσούσ, οὓσ Προυσίασ πρότερον αὐτοῦ παρεσπάσατο, Λυκαονίαν, Μιλυάδα, Λυδίαν, Τράλλεισ, Ἔφεσον, Τελμεσσόν.

ταύτασ μὲν οὖν ἔδωκαν Εὐμένει τὰσ δωρεάσ·

περὶ δὲ τῆσ Παμφυλίασ, Εὐμένουσ μὲν εἶναι φάσκοντοσ αὐτὴν ἐπὶ τάδε τοῦ Ταύρου, τῶν δὲ παρ’ Ἀντιόχου πρεσβευτῶν ἐπέκεινα, διαπορήσαντεσ ἀνέθεντο περὶ τούτων εἰσ τὴν σύγκλητον. σχεδὸν δὲ τῶν ἀναγκαιοτάτων καὶ πλείστων αὐτοῖσ διῳκημένων, ἀναζεύξαντεσ προῆγον ἐφ’ Ἑλλήσποντον, βουλόμενοι κατὰ τὴν πάροδον ἔτι τὰ πρὸσ τοὺσ Γαλάτασ ἀσφαλίσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 46

(폴리비오스, Histories, book 21, chapter 46)

상위

목록

SEARCH

MENU NAVIGATION