헬라어 문장 검색 - ΠολψβίΗιστορί21́045́

(폴리비오스, Histories, book 21, chapter 42)

Αὐτὸσ δὲ πυνθανόμενοσ τὸν ἐπὶ τῆσ Πέργησ καθεσταμένον ὑπ’ Ἀντιόχου φρούραρχον οὔτε τὴν φρουρὰν ἐξάγειν οὔτ’ αὐτὸν ἐκχωρεῖν ἐκ τῆσ πόλεωσ, ὡρ́μησε μετὰ τῆσ δυνάμεωσ ἐπὶ τὴν Πέργην. ἐγγίζοντοσ δ’ αὐτοῦ τῇ πόλει, παρῆν ἀπαντῶν ὁ τεταγμένοσ ἐπὶ τῆσ φρουρᾶσ, ἀξιῶν καὶ δεόμενοσ μὴ προκαταγινώσκειν αὑτοῦ·

ποιεῖν γὰρ ἕν τι τῶν καθηκόντων·

παραλαβὼν γὰρ ἐν πίστει παρ’ Ἀντιόχου τὴν πόλιν τηρεῖν ἔφη ταύτην, ἑώσ ἂν διασαφηθῇ πάλιν παρὰ τοῦ πιστεύσαντοσ τί δεῖ ποιεῖν· μέχρι δὲ τοῦ νῦν ἁπλῶσ οὐδὲν αὐτῷ παρ’ οὐδενὸσ ἀποδεδηλῶσθαι. διόπερ ἠξίου τριάκονθ’ ἡμέρασ χάριν τοῦ διαπεμψάμενοσ ἐρέσθαι τὸν βασιλέα τί δεῖ πράττειν.

ὁ δὲ Γνάιοσ, θεωρῶν τὸν Ἀντίοχον ἐν πᾶσι τοῖσ ἄλλοισ εὐσυνθετοῦντα, συνεχώρησε πέμπειν καὶ πυνθάνεσθαι τοῦ βασιλέωσ·

καὶ μετά τινασ ἡμέρασ πυθόμενοσ παρέδωκε τὴν πόλιν. Κατὰ δὲ τὸν καιρὸν τοῦτον οἱ δέκα πρεσβευταὶ καὶ [ὁ] βασιλεὺσ Εὐμένησ εἰσ Ἔφεσον κατέπλευσαν, ἤδη τῆσ θερείασ ἐναρχομένησ·

καὶ δύ’ ἡμέρασ ἐκ τοῦ πλοῦ προσαναλαβόντεσ αὑτοὺσ ἀνέβαινον εἰσ τὴν Ἀπάμειαν. αὐτὸσ δὲ μετὰ τῆσ δυνάμεωσ ἀναζεύξασ ἠπείγετο, σπεύδων συνάψαι τοῖσ περὶ τὸν Εὐμένη.

παραγενόμενοσ δ’ εἰσ τὴν Ἀπάμειαν καὶ καταλαβὼν τόν τε βασιλέα καὶ τοὺσ δέκα, συνήδρευεν περὶ τῶν πραγμάτων.

ἔδοξεν οὖν αὐτοῖσ κυρῶσαι πρῶτον τὰ πρὸσ Ἀντίοχον ὁρ́κια καὶ τὰσ συνθήκασ, ὑπὲρ ὧν οὐδὲν ἂν δέοι πλείω διατίθεσθαι λόγον, ἀλλ’ ἐξ αὐτῶν τῶν ἐγγράπτων ποιεῖσθαι τὰσ διαλήψεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 42

(폴리비오스, Histories, book 21, chapter 42)

상위

목록

SEARCH

MENU NAVIGATION