헬라어 문장 검색 - ΠολψβίΗιστορί21́044́

(폴리비오스, Histories, book 21, c. olymp. 147, 4. res asiae)

Ὅτι κατὰ τοὺσ καιροὺσ τούτουσ κατὰ τὴν Ἀσίαν Γναί̈ου τοῦ τῶν Ῥωμαίων στρατηγοῦ παραχειμάζοντοσ ἐν Ἐφέσῳ, κατὰ τὸν τελευταῖον ἐνιαυτὸν τῆσ ὑποκειμένησ ὀλυμπιάδοσ, παρεγένοντο πρεσβεῖαι παρά τε τῶν Ἑλληνίδων πόλεων τῶν ἐπὶ τῆσ Ἀσίασ καὶ παρ’ ἑτέρων πλειόνων, συμφοροῦσαι στεφάνουσ τῷ Γναί̈ῳ διὰ τὸ νενικηκέναι τοὺσ Γαλάτασ. ἅπαντεσ γὰρ οἱ τὴν ἐπὶ τάδε τοῦ Ταύρου κατοικοῦντεσ οὐχ οὕτωσ ἐχάρησαν Ἀντιόχου λειφθέντοσ ἐπὶ τῷ δοκεῖν ἀπολελύσθαι τινὲσ μὲν φόρων, οἱ δὲ φρουρᾶσ, καθόλου δὲ πάντεσ βασιλικῶν προσταγμάτων, ὡσ ἐπὶ τῷ τὸν ἀπὸ τῶν βαρβάρων αὐτοῖσ φόβον ἀφῃρῆσθαι καὶ δοκεῖν ἀπηλλάχθαι τῆσ τούτων ὕβρεωσ καὶ παρανομίασ.

ἦλθε δὲ καὶ παρ’ Ἀντιόχου Μουσαῖοσ καὶ παρὰ τῶν Γαλατῶν πρεσβευταί, βουλόμενοι μαθεῖν ἐπὶ τίσιν αὐτοὺσ δεῖ ποιεῖσθαι τὴν φιλίαν.

ὁμοίωσ δὲ καὶ παρ’ Ἀριαράθου τοῦ τῶν Καππαδοκῶν βασιλέωσ·

καὶ γὰρ οὗτοσ, μετασχὼν Ἀντιόχῳ τῶν αὐτῶν ἐλπίδων καὶ κοινωνήσασ τῆσ πρὸσ Ῥωμαίουσ μάχησ, ἐδεδίει καὶ διηπορεῖτο περὶ τῶν καθ’ αὑτόν. διὸ καὶ πλεονάκισ πέμπων πρεσβευτὰσ ἐβούλετο μαθεῖν τί δοὺσ ἢ τί πράξασ δύναιτ’ ἂν παραιτήσασθαι τὴν σφετέραν ἄγνοιαν.

ὁ δὲ στρατηγὸσ τὰσ μὲν παρὰ τῶν πόλεων πρεσβείασ πάσασ ἐπαινέσασ καὶ φιλανθρώπωσ ἀποδεξάμενοσ ἐξαπέστειλε, τοῖσ δὲ Γαλάταισ ἀπεκρίθη διότι προσδεξάμενοσ Εὐμένη τὸν βασιλέα, τότε ποιήσεται τὰσ πρὸσ αὐτοὺσ συνθήκασ.

τοῖσ δὲ περὶ Ἀριαράθην εἶπεν ἑξακόσια τάλαντα δόντασ τὴν εἰρήνην ἔχειν.

πρὸσ δὲ τὸν Ἀντιόχου πρεσβευτὴν συνετάξατο μετὰ τῆσ δυνάμεωσ ἥξειν ἐπὶ τοὺσ τῆσ Παμφυλίασ ὁρ́ουσ, τά τε δισχίλια τάλαντα καὶ πεντακόσια κομιούμενοσ καὶ τὸν σῖτον ὃν ἔδει δοῦναι τοῖσ στρατιώταισ αὐτοῦ πρὸ τῶν συνθηκῶν κατὰ τὰσ πρὸσ Λεύκιον ὁμολογίασ.

μετὰ δὲ ταῦτα καθαρμὸν ποιησάμενοσ τῆσ δυνάμεωσ, καὶ τῆσ ὡρ́ασ παραδιδούσησ, παραλαβὼν Ἄτταλον ἀνέζευξεν καὶ παραγενόμενοσ εἰσ Ἀπάμειαν ὀγδοαῖοσ ἐπέμεινε τρεῖσ ἡμέρασ, κατὰ δὲ τὴν τετάρτην ἀναζεύξασ προῆγε, χρώμενοσ ἐνεργοῖσ ταῖσ πορείαισ.

ἀφικόμενοσ δὲ τριταῖοσ εἰσ τὸν συνταχθέντα τόπον τοῖσ περὶ Ἀντίοχον, αὐτοῦ κατεστρατοπέδευσε.

συμμιξάντων δὲ τῶν περὶ τὸν Μουσαῖον καὶ παρακαλούντων αὐτὸν ἐπιμεῖναι, διότι καθυστεροῦσιν αἵ θ’ ἅμαξαι καὶ τὰ κτήνη τὰ παρακομίζοντα τὸν σῖτον καὶ τὰ χρήματα, πεισθεὶσ τούτοισ ἐπέμεινε τρεῖσ ἡμέρασ.

τῆσ δὲ χορηγίασ ἐλθούσησ τὸν μὲν σῖτον ἐμέτρησε ταῖσ δυνάμεσι, τὰ δὲ χρήματα παραδούσ τινι τῶν χιλιάρχων συνέταξεν παρακομίζειν εἰσ Ἀπάμειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, c. olymp. 147, 4. res asiae

(폴리비오스, Histories, book 21, c. olymp. 147, 4. res asiae)

상위

목록

SEARCH

MENU NAVIGATION