헬라어 문장 검색 - ΠολψβίΗιστορί21́042́

(폴리비오스, Histories, book 21, chapter 39)

Ὅτι τῶν Ῥωμαίων μετὰ τὴν τῶν Γαλατῶν νίκην αὐτῶν πραχθεῖσαν στρατοπεδευόντων περὶ τὴν Ἄγκυραν πόλιν, καὶ τοῦ Γναί̈ου τοῦ στρατηγοῦ προάγειν εἰσ τοὔμπροσθεν μέλλοντοσ, παραγίνονται πρέσβεισ παρὰ τῶν Τεκτοσάγων, ἀξιοῦντεσ τὸν Γνάιον τὰσ μὲν δυνάμεισ ἐᾶσαι κατὰ χώραν, αὐτὸν δὲ κατὰ τὴν ἐπιοῦσαν ἡμέραν προελθεῖν εἰσ τὸν μεταξὺ τόπον τῶν στρατοπέδων· ἥξειν δὲ καὶ τοὺσ παρ’ αὑτῶν βασιλεῖσ κοινολογησομένουσ ὑπὲρ τῶν διαλύσεων.

τοῦ δὲ Γναί̈ου συγκαταθεμένου καὶ παραγενηθέντοσ κατὰ τὸ συνταχθὲν μετὰ πεντακοσίων ἱππέων, τότε μὲν οὐκ ἦλθον οἱ βασιλεῖσ·

ἀνακεχωρηκότοσ δ’ αὐτοῦ πρὸσ τὴν ἰδίαν παρεμβολήν, αὖθισ ἧκον οἱ πρέσβεισ ὑπὲρ μὲν τῶν βασιλέων σκήψεισ τινὰσ λέγοντεσ, ἀξιοῦντεσ δὲ πάλιν ἐλθεῖν αὐτόν, ἐπειδὴ τοὺσ πρώτουσ ἄνδρασ ἐκπέμψουσιν κοινολογησομένουσ ὑπὲρ τῶν ὅλων.

ὁ δὲ Γνάιοσ κατανεύσασ ἥξειν αὐτὸσ μὲν ἔμεινεν ἐπὶ τῆσ ἰδίασ στρατοπεδείασ, Ἄτταλον δὲ καὶ τῶν χιλιάρχων τινὰσ ἐξαπέστειλεν μετὰ τριακοσίων ἱππέων.

οἱ δὲ τῶν Γαλατῶν πρέσβεισ ἦλθον μὲν κατὰ τὸ συνταχθὲν καὶ λόγουσ ἐποιήσαντο περὶ τῶν πραγμάτων, τέλοσ δ’ ἐπιθεῖναι τοῖσ προειρημένοισ ἢ κυρῶσαί τι τῶν δοξάντων οὐκ ἔφασαν εἶναι δυνατόν·

τοὺσ δὲ βασιλεῖσ τῇ κατὰ πόδασ ἥξειν διωρίζοντο, συνθησομένουσ καὶ πέρασ ἐπιθήσοντασ, εἰ καὶ Γνάιοσ ὁ στρατηγὸσ ἔλθοι πρὸσ αὐτούσ.

τῶν δὲ περὶ τὸν Ἄτταλον ἐπαγγειλαμένων ἥξειν τὸν Γνάιον, τότε μὲν ἐπὶ τούτοισ διελύθησαν.

ἐποιοῦντο δὲ τὰσ ὑπερθέσεισ ταύτασ οἱ Γαλάται καὶ διεστρατήγουν τοὺσ Ῥωμαίουσ βουλόμενοι τῶν τε σωμάτων τινὰ τῶν ἀναγκαίων καὶ τῶν χρημάτων ὑπερθέσθαι πέραν Ἅλυοσ ποταμοῦ, μάλιστα δὲ τὸν στρατηγὸν τῶν Ῥωμαίων, εἰ δυνηθεῖεν, λαβεῖν ὑποχείριον·

εἰ δὲ μή γε, πάντωσ ἀποκτεῖναι. ταῦτα δὲ προθέμενοι κατὰ τὴν ἐπιοῦσαν ἐκαραδόκουν τὴν παρουσίαν τῶν Ῥωμαίων, ἑτοίμουσ ἔχοντεσ ἱππεῖσ εἰσ χιλίουσ.

ὁ δὲ Γνάιοσ διακούσασ τῶν περὶ τὸν Ἄτταλον καὶ πεισθεὶσ ἥξειν τοὺσ βασιλεῖσ, ἐξῆλθεν, καθάπερ εἰώθει, μετὰ πεντακοσίων ἱππέων.

συνέβη δὲ ταῖσ πρότερον ἡμέραισ τοὺσ ἐπὶ τὰσ ξυλείασ καὶ χορτολογίασ ἐκπορευομένουσ ἐκ τοῦ τῶν Ῥωμαίων χάρακοσ ἐπὶ ταῦτα τὰ μέρη πεποιῆσθαι τὴν ἔξοδον, ἐφεδρείᾳ χρωμένουσ τοῖσ ἐπὶ τὸν σύλλογον πορευομένοισ ἱππεῦσιν.

οὗ καὶ τότε γενομένου καὶ πολλῶν ἐξεληλυθότων, συνέταξαν οἱ χιλίαρχοι καὶ τοὺσ εἰθισμένουσ ἐφεδρεύειν τοῖσ προνομεύουσιν ἱππεῖσ ἐπὶ ταῦτα τὰ μέρη ποιήσασθαι τὴν ἔξοδον.

ὧν ἐκπορευθέντων, αὐτομάτωσ τὸ δέον ἐγενήθη πρὸσ τὴν ἐπιφερομένην χρείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 39

(폴리비오스, Histories, book 21, chapter 39)

상위

목록

SEARCH

MENU NAVIGATION