헬라어 문장 검색 - ΠολψβίΗιστορί21́027́

(폴리비오스, Histories, book 21, chapter 26)

Ὅτι παραγενομένων πρὸσ τὸν στρατηγὸν τῶν Ῥωμαίων ἐξ Ἠπείρου πρεσβευτῶν, ἐκοινολογεῖτο τούτοισ περὶ τῆσ ἐπὶ τοὺσ Αἰτωλοὺσ στρατείασ. καὶ φερόντων ἀπολογισμοὺσ διότι καὶ πρὸσ τὸ μάχεσθαι τοῖσ στρατοπέδοισ, ἐὰν εἰσ τοῦτο βούλωνται συγκαταβαίνειν Αἰτωλοί, καλλίστουσ εἶναι τόπουσ συμβαίνει περὶ τὴν προειρημένην πόλιν, κἂν ἀποδειλιῶσιν, εὐφυῶσ αὐτὴν κεῖσθαι πρὸσ πολιορκίαν·

καὶ γὰρ ἀφθόνουσ ἔχειν τὴν χώραν τὰσ χορηγίασ πρὸσ τὰσ τῶν ἔργων παρασκευάσ, καὶ τὸν Ἄρατθον ποταμὸν ῥέοντα παρὰ τὴν πόλιν συνεργήσειν πρόσ τε τὰσ τοῦ στρατοπέδου χρείασ, ἅτε θέρουσ ὄντοσ καὶ πρὸσ τὴν τῶν ἔργων ἀσφάλειαν·

ἀναζεύξασ ὁ στρατηγὸσ ἦγε διὰ τῆσ Ἠπείρου τὸν στρατὸν ἐπὶ τὴν Ἀμβρακίαν.

ἀφικόμενοσ δέ, καὶ τῶν Αἰτωλῶν οὐ τολμώντων ἀπαντᾶν, περιῄει κατοπτεύων τὴν πόλιν καὶ ἐνήργει τὰ τῆσ πολιορκίασ φιλοτίμωσ.

καὶ οἱ μὲν ὑπὸ τῶν Αἰτωλῶν εἰσ τὴν Ῥώμην ἀποσταλέντεσ πρέσβεισ, παρατηρηθέντεσ ὑπὸ Σιβύρτου τοῦ Πετραίου περὶ τὴν Κεφαλληνίαν, κατήχθησαν εἰσ Χάραδρον.

τοῖσ δ’ Ἠπειρώταισ ἔδοξεν τὰσ μὲν ἀρχὰσ εἰσ Βούχετον ἀποθέσθαι καὶ φυλάττειν ἐπιμελῶσ τοὺσ ἄνδρασ·

μετὰ δέ τινασ ἡμέρασ ἀπῄτουν αὐτοὺσ λύτρα διὰ τὸ πόλεμον ὑπάρχειν σφίσιν πρὸσ τοὺσ Αἰτωλούσ. συνέβαινε δὲ τὸν μὲν Ἀλέξανδρον πλουσιώτατον εἶναι πάντων τῶν Ἑλλήνων, τοὺσ δὲ λοιποὺσ οὐ καθυστερεῖν τοῖσ βίοισ, πολὺ δὲ λείπεσθαι τοῦ προειρημένου ταῖσ οὐσίαισ.

καὶ τὸ μὲν πρῶτον ἐκέλευον ἕκαστον ἀποδοῦναι πέντε τάλαντα.

τοῦτο δὲ τοῖσ μὲν ἄλλοισ οὐδ’ ὅλωσ ἀπήρεσκεν, ἀλλ’ ἐβούλοντο, περὶ πλείστου ποιούμενοι τὴν σφῶν αὐτῶν σωτηρίαν· ὁ δ’ Ἀλέξανδροσ οὐκ ἂν ἔφη συγχωρῆσαι, πολὺ γὰρ εἶναι τἀργύριον [φαίνεται], καὶ τὰσ νύκτασ διαγρυπνῶν διωλοφύρετο πρὸσ αὑτόν, εἰ δεήσει πέντε τάλαντα καταβάλλειν.

οἱ δ’ Ἠπειρῶται προορώμενοι τὸ μέλλον καὶ διαγωνιῶντεσ μὴ γνόντεσ οἱ Ῥωμαῖοι διότι πρεσβεύοντασ πρὸσ αὐτοὺσ κατεσχήκασι, κἄπειτα γράψαντεσ παρακαλῶσι καὶ κελεύωσιν ἀπολύειν τοὺσ ἄνδρασ, συγκαταβάντεσ τρία τάλαντα πάλιν ἀπῄτουν ἕκαστον.

ἀσμένωσ δὲ τῶν ἄλλων προσδεξαμένων, οὗτοι μὲν διεγγυηθέντεσ ἐπανῆλθον, ὁ δ’ Ἀλέξανδροσ οὐκ ἂν ἔφη δοῦναι πλεῖον ταλάντου·

καὶ γὰρ τοῦτ’ εἶναι πολύ. καὶ τέλοσ ἀπογνοὺσ αὑτὸν ἔμεινεν ἐν τῇ φυλακῇ, πρεσβύτεροσ ἄνθρωποσ, πλειόνων ἢ διακοσίων ταλάντων ἔχων οὐσίαν·

καί μοι δοκεῖ κἂν ἐκλιπεῖν τὸν βίον ἐφ’ ᾧ μὴ δοῦναι τὰ τρία τάλαντα. τοσαύτη τισ ἐνίοισ πρὸσ τὸ πλεῖον ὁρμὴ παρίσταται καὶ προθυμία.

τότε δ’ ἐκείνῳ καὶ ταὐτόματον συνήργησεν πρὸσ τὴν φιλαργυρίαν, ὥστε παρὰ πᾶσιν ἐπαίνου καὶ συγκαταθέσεωσ τυχεῖν τὴν ἀλογιστίαν αὐτοῦ διὰ τὴν περιπέτειαν·

μετὰ γὰρ ὀλίγασ ἡμέρασ γραμμάτων παραγενηθέντων ἐκ τῆσ Ῥώμησ περὶ τῆσ ἀφέσεωσ, αὐτὸσ μόνοσ ἀπελύθη χωρὶσ λύτρων.

οἱ δ’ Αἰτωλοί, γνόντεσ τὴν αὐτοῦ περιπέτειαν, Δαμοτέλη προεχειρίσαντο πάλιν εἰσ τὴν Ῥώμην πρεσβευτήν.

ὃσ ἐκπλεύσασ μέχρι τῆσ Λευκάδοσ καὶ γνοὺσ προάγοντα διὰ τῆσ Ἠπείρου μετὰ τῶν δυνάμεων Μάρκον ἐπὶ τὴν Ἀμβρακίαν, ἀπογνοὺσ τὴν πρεσβείαν αὖθισ ἀνεχώρησεν εἰσ τὴν Αἰτωλίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 26

(폴리비오스, Histories, book 21, chapter 26)

상위

목록

SEARCH

MENU NAVIGATION