헬라어 문장 검색 - ΠολψβίΗιστορί21́026́

(폴리비오스, Histories, book 21, ii. res graeciae)

τὰ μὲν ἀπολογούμενοσ τῷ δοκεῖν δι’ Αἰτωλῶν πεποιῆσθαι τὴν κάθοδον, τὰ δὲ κατηγορῶν τοῦ Φιλίππου, τὸ δὲ πολὺ παρακαλῶν προσδέξασθαι πάλιν αὐτὸν εἰσ τὴν συμμαχίαν. οἱ δ’ Αἰτωλοὶ νομίσαντεσ ἔχειν εὐφυῆ καιρὸν πρὸσ τὸ τὴν Ἀμφιλοχίαν καὶ τὴν Ἀπεραντίαν ἀνακτήσασθαι, προέθεντο στρατεύειν εἰσ τοὺσ προειρημένουσ τόπουσ.

ἁθροίσαντοσ δὲ Νικάνδρου τοῦ στρατηγοῦ πάνδημον στρατιάν, ἐνέβαλον εἰσ τὴν Ἀμφιλοχίαν.

τῶν δὲ πλείστων αὐτοῖσ ἐθελοντὴν προσχωρησάντων μετῆλθον εἰσ τὴν Ἀπεραντίαν.

καὶ τούτων δὲ προσθεμένων ἑκουσίωσ ἐστράτευσαν εἰσ τὴν Δολοπίαν. οὗτοι δὲ βραχὺν μέν τινα χρόνον ὑπέδειξαν ὡσ ἀντιποιησόμενοι, τηρήσαντεσ τὴν πρὸσ Φίλιππον πίστιν·

λαβόντεσ δὲ πρὸ ὀφθαλμῶν τὰ περὶ τοὺσ Ἀθαμᾶνασ καὶ τὴν τοῦ Φιλίππου , ταχέωσ μετενόησαν καὶ προσέθεντο πρὸσ τοὺσ Αἰτωλούσ. γενομένησ δὲ τῆσ τῶν πραγμάτων εὐροίασ τοιαύτησ, ἀπήγαγε τὴν στρατιὰν ὁ Νίκανδροσ εἰσ τὴν οἰκείαν, δοκῶν ἠσφαλίσθαι τὰ κατὰ τὴν Αἰτωλίαν τοῖσ προειρημένοισ ἔθνεσι καὶ τόποισ τοῦ μηδένα δύνασθαι κακοποιεῖν τὴν χώραν αὐτῶν.

ἄρτι δὲ τούτων συμβεβηκότων καὶ τῶν Αἰτωλῶν ἐπὶ τοῖσ γεγονόσι φρονηματιζομένων, προσέπεσε φήμη περὶ τῆσ κατὰ τὴν Ἀσίαν μάχησ, ἐν ᾗ γνόντεσ ἡττημένον ὁλοσχερῶσ τὸν Ἀντίοχον αὖθισ ἀνετράπησαν ταῖσ ψυχαῖσ.

ὡσ δὲ παραγενηθεὶσ ἐκ τῆσ Ῥώμησ ὁ Δαμοτέλησ τόν τε πόλεμον ἀνήγγειλε διότι μένει κατάμονοσ, καὶ τὴν τοῦ Μάρκου καὶ τῶν δυνάμεων διάβασιν ἐπ’ αὐτούσ, τότε δὴ παντελῶσ εἰσ ἀμηχανίαν ἐνέπιπτον καὶ διηπόρουν πῶσ δεῖ χρήσασθαι τοῖσ ἐπιφερομένοισ πράγμασιν.

ἔδοξεν οὖν αὐτοῖσ πρόσ τε Ῥοδίουσ πέμπειν καὶ πρὸσ Ἀθηναίουσ, ἀξιοῦντασ καὶ παρακαλοῦντασ πρεσβεῦσαι περὶ αὐτῶν εἰσ τὴν Ῥώμην καὶ παραιτησαμένουσ τὴν ὀργὴν τῶν Ῥωμαίων ποιήσασθαί τινα λύσιν τῶν περιεστώτων κακῶν τὴν Αἰτωλίαν.

ὁμοίωσ δὲ καὶ παρ’ αὑτῶν ἐξέπεμψαν πάλιν πρεσβευτὰσ εἰσ τὴν Ῥώμην, Ἀλέξανδρον τὸν Ἴσιον ἐπικαλούμενον καὶ Φαινέαν, σὺν δὲ τούτοισ Χάλεπον.

ἔτι δ’ Ἄλυπον τὸν Ἀμβρακιώτην καὶ Λύκωπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, ii. res graeciae

(폴리비오스, Histories, book 21, ii. res graeciae)

상위

목록

SEARCH

MENU NAVIGATION