헬라어 문장 검색 - ΠολψβίΗιστορί08́040́

(폴리비오스, Histories, book 8, vi. res siciliae)

Ἐξηριθμήσατο τοὺσ δόμουσ· ἦν γὰρ < ὁ πύργοσ> ἐκ συννόμων λίθων ᾠκοδομημένοσ, ὥστε καὶ λίαν εὐσυλλόγιστον εἶναι τὴν ἀπὸ γῆσ τῶν ἐπάλξεων ἀπόστασιν. [ Συννόμων. Μετὰ δέ τινασ ἡμέρασ αὐτομόλου διασαφήσαντοσ ὅτι θυσίαν ἄγουσι πάνδημον οἱ κατὰ τὴν πόλιν ἐφ’ ἡμέρασ ἤδη τρεῖσ Ἀρτέμιδι καὶ τοῖσ μὲν σιτίοισ λιτοῖσ χρῶνται διὰ τὴν σπάνιν, τῷ δ’ οἴνῳ δαψιλεῖ, πολὺν μὲν Ἐπικύδουσ δεδωκότοσ πολὺν δὲ Συρακοσίων, τότε προσαναλαβὼν ὁ Μάρκοσ τὸ τεῖχοσ καθ’ ὃ μέροσ ἦν ταπεινότερον καὶ νομίσασ εἰκὸσ εἶναι τοὺσ ἀνθρώπουσ μεθύειν διὰ τὴν ἄνεσιν καὶ τὴν ἔνδειαν τῆσ ξηρᾶσ τροφῆσ ἐπεβάλετο καταπειράζειν τῆσ ἐλπίδοσ.

ταχὺ δὲ κλιμάκων δυεῖν συντεθεισῶν εὐαρμόστων πρὸσ τὸ τεῖχοσ, ἐγένετο περὶ τὰ συνεχῆ τῆσ πράξεωσ καὶ τοῖσ μὲν ἐπιτηδείοισ πρὸσ τὴν ἀνάβασιν καὶ τὸν ἐπιφανέστατον καὶ πρῶτον κίνδυνον ἐκοινολογεῖτο, περὶ τοῦ μέλλοντοσ μεγάλασ ἐλπίδασ αὐτοῖσ ἐνδιδούσ.

τοὺσ δὲ τούτοισ ὑπουργήσοντασ καὶ προσοίσοντασ κλίμακασ ἐξέλεξε διασαφῶν οὐδὲν πλὴν ἑτοίμουσ εἶναι πρὸσ τὸ παραγγελλόμενον.

πειθαρχησάντων δὲ κατὰ τὸ συνταχθὲν λαβὼν τὸν ἁρμόζοντα καιρὸν νυκτὸσ ἤγειρε τοὺσ πρώτουσ· προπέμψασ δὲ τοὺσ ἅμα ταῖσ κλίμαξι μετὰ σημαίασ καὶ χιλιάρχου καὶ προσαναμνήσασ τῶν ἐσομένων δωρεῶν τοῖσ ἀνδραγαθήσασι, μετὰ δὲ ταῦτα πᾶσαν τὴν δύναμιν ἐξεγείρασ τοὺσ μὲν πρώτουσ ἐν διαστήματι κατὰ σημαίαν ἐξαποστέλλει·

γενομένων δὲ τούτων εἰσ χιλίουσ βραχὺ διαλιπὼν αὐτὸσ εἵπετο μετὰ τῆσ ἄλλησ στρατιᾶσ.

ἐπεὶ δ’ οἱ φέροντεσ τὰσ κλίμακασ ἔλαθον ἀσφαλῶσ τῷ τείχει προσερείσαντεσ, ἐξ αὐτῆσ ὡρ́μησαν ἀπροφασίστωσ οἱ πρὸσ τὴν ἀνάβασιν ἀποτεταγμένοι.

λαθόντων δὲ καὶ τούτων καὶ στάντων ἐπὶ τοῦ τείχουσ βεβαίωσ, οὐκέτι κατὰ τὴν ἐξ ἀρχῆσ τάξιν, ἀλλὰ κατὰ δύναμιν ἅπαντεσ ἀνέθεον διὰ τῶν κλιμάκων.

κατὰ μὲν οὖν τὰσ ἀρχὰσ ἐπιπορευόμενοι τὴν ἐφοδείαν ἔρημον εὑρ́ισκον·

οἱ γὰρ εἰσ τοὺσ πύργουσ ἡθροισμένοι διὰ τὴν θυσίαν οἱ μὲν ἀκμὴν ἔπινον, οἱ δ’ ἐκοιμῶντο πάλαι μεθυσκόμενοι. διὸ καὶ τοῖσ μὲν πρώτοισ καὶ τοῖσ ἑξῆσ ἐπιστάντεσ ἄφνω καὶ μεθ’ ἡσυχίασ ἔλαθον τοὺσ πλείστουσ αὐτῶν ἀποκτείναντεσ.

ἐπειδὴ δὲ τοῖσ Ἑξαπύλοισ ἤγγιζον καταβαίνοντεσ, ἐνῳκοδομημένην τὴν πρώτην πυλίδα διεῖλον, δι’ ἧσ τόν τε στρατηγὸν καὶ τὸ λοιπὸν ἐδέξαντο στράτευμα.

οὕτω δὴ τὰσ Συρακούσασ εἷλον Ῥωμαῖοι. [] Οὐδενὸσ ἐπεγνωκότοσ τῶν πολιτῶν τὸ συμβαῖνον διὰ τὴν ἀπόστασιν, ἅτε μεγάλησ οὔσησ τῆσ πόλεωσ. [ Ἀπόστασισ.

] Τοὺσ δὲ Ῥωμαίουσ θαρρεῖν συνέβαινε, κρατοῦντασ τοῦ περὶ τὰσ Ἐπιπολὰσ τόπου. [ Ἐπιπολάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, vi. res siciliae

(폴리비오스, Histories, book 8, vi. res siciliae)

상위

목록

SEARCH

MENU NAVIGATION