헬라어 문장 검색 - ΠολψβίΗιστορί08́019́

(폴리비오스, Histories, book 8, chapter 16)

Παραγενόμενοσ δ’ εἰσ τὴν Ῥόδον καὶ μετὰ ταῦτα πάλιν εἰσ τὴν Ἔφεσον, καὶ κοινωσάμενοσ τοῖσ προειρημένοισ ἀνδράσι, καὶ λαβὼν αὐτοὺσ ἑτοίμουσ εἰσ τὰ παρακαλούμενα, μετὰ ταῦτ’ Ἀριανόν τινα τῶν ὑφ’ αὑτὸν ταττομένων διαπέμπεται πρὸσ τὸν Καμβύλον, φήσασ ἐξαπεστάλθαι μὲν ἐκ τῆσ Ἀλεξανδρείασ ξενολογήσων, βούλεσθαι δὲ τῷ Καμβύλῳ συμμῖξαι περί τινων ἀναγκαίων· διόπερ ᾤετο δεῖν τάξασθαι καιρὸν καὶ τόπον, ἐν ᾧ μηδενὸσ συνειδότοσ αὑτοῖσ συναντήσουσι.

ταχὺ δὲ τοῦ Ἀριανοῦ συμμίξαντοσ τῷ Καμβύλῳ καὶ δηλώσαντοσ τὰσ ἐντολάσ, ἑτοίμωσ ὁ προειρημένοσ ἀνὴρ ὑπήκουσε τοῖσ παρακαλουμένοισ, καὶ συνθέμενοσ ἡμέραν καὶ τόπον ἑκατέρῳ γνωστόν, εἰσ ὃν παρέσται νυκτόσ, ἀπέπεμψε τὸν Ἀριανόν.

ὁ δὲ Βῶλισ, ἅτε Κρὴσ ὑπάρχων καὶ φύσει ποικίλοσ, πᾶν ἐβάσταζε πρᾶγμα καὶ πᾶσαν ἐπίνοιαν ἐψηλάφα.

τέλοσ δὲ συμμίξασ τῷ Καμβύλῳ κατὰ τὴν τοῦ Ἀριανοῦ σύνταξιν ἔδωκε τὴν ἐπιστολήν.

ἧσ τεθείσησ εἰσ τὸ μέσον ἐποιοῦντο τὴν σκέψιν Κρητικήν· οὐ γὰρ ἐσκόπουν ὑπὲρ τῆσ τοῦ κινδυνεύοντοσ σωτηρίασ οὐδ’ ὑπὲρ τῆσ τῶν ἐγχειρισάντων τὴν πρᾶξιν πίστεωσ, ἀλλ’ ὑπὲρ τῆσ αὑτῶν ἀσφαλείασ καὶ τοῦ σφίσιν αὐτοῖσ συμφέροντοσ.

διόπερ ἀμφότεροι Κρῆτεσ ὄντεσ συντόμωσ κατηνέχθησαν ἐπὶ τὴν αὐτὴν γνώμην·

τὴν δὲ πρᾶξιν Ἀντιόχῳ δηλώσαντασ καὶ συνεργῷ χρησαμένουσ ἐπαγγείλασθαι τὸν Ἀχαιὸν ἐγχειριεῖν αὐτῷ, λαβόντασ χρήματα καὶ τὰσ εἰσ τὸ μέλλον ἐλπίδασ ἀξίασ τῆσ προειρημένησ ἐπιβολῆσ.

τούτων δὲ κυρωθέντων ὁ μὲν Καμβύλοσ ἀνεδέξατο χειριεῖν τὰ κατὰ τὸν Ἀντίοχον, ὁ δὲ Βῶλισ ἐτάξατο μετά τινασ ἡμέρασ πέμψειν τὸν Ἀριανὸν πρὸσ τὸν Ἀχαιόν, ἔχοντα παρά τε τοῦ Νικομάχου καὶ Μελαγκόμα συνθηματικὰ γράμματα.

περὶ δὲ τοῦ παρεισελθεῖν τὸν Ἀριανὸν εἰσ τὴν ἄκραν ἀσφαλῶσ καὶ πάλιν ἀπελθεῖν, ἐκεῖνον ἐκέλευε φροντίζειν.

ἐὰν δὲ προσδεξάμενοσ τὴν ἐπιβολὴν Ἀχαιὸσ ἀντιφωνήσῃ τοῖσ περὶ τὸν Νικόμαχον καὶ Μελαγκόμαν, οὕτωσ ἔφη δώσειν ὁ Βῶλισ αὑτὸν εἰσ τὴν χρείαν καὶ συμμίξειν τῷ Καμβύλῳ.

τῆσ δὲ διατάξεωσ γενομένησ τοιαύτησ χωρισθέντεσ ἔπραττον ἑκάτεροι τὰ συντεταγμένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 16

(폴리비오스, Histories, book 8, chapter 16)

상위

목록

SEARCH

MENU NAVIGATION