헬라어 문장 검색 - ΠολψβίΗιστορί08́016́

(폴리비오스, Histories, book 8, chapter 14)

τινὰ τελέωσ εἰσ αὐτὸν ἀπένειμαν φυλακήν. διόπερ ἅμα τῷ συνεγγίζειν τοὺσ Μακεδόνασ εὐθέωσ ἐκ τῆσ πόλεωσ ἐξεχέοντο, θαρροῦντεσ ἐπί τε τῷ πλήθει καὶ ταῖσ τῶν τόπων ὀχυρότησι. τοὺσ μὲν οὖν πελταστὰσ ὁ βασιλεὺσ ἐν τοῖσ ἐπιπέδοισ ἐπέστησε, τοῖσ δὲ κούφοισ παρήγγειλε προβαίνειν πρὸσ τοὺσ λόφουσ καὶ συμπλέκεσθαι πρὸσ τοὺσ πολεμίουσ ἐρρωμένωσ.

ἐπὶ ποσὸν μὲν ὁ κίνδυνοσ πάρισοσ ἦν μετὰ δὲ ταῦτα καὶ ταῖσ δυσχωρίαισ εἴξαντεσ οἱ παρὰ τοῦ Φιλίππου καὶ τῷ πλήθει τῶν πολεμίων ἐτράπησαν.

καταφυγόντων δὲ τούτων εἰσ τοὺσ πελταστὰσ οἱ μὲν ἐκ τῆσ πόλεωσ καταφρονήσαντεσ προῄεσαν καὶ συγκαταβάντεσ ἐν τοῖσ ἐπιπέδοισ προσεμάχοντο τοῖσ πελτασταῖσ·

κἄπειτα κατ’ ὀλίγουσ ἐκλιπόντεσ τὸν Ἀκρόλισσον κατέρρεον ταῖσ ἀνοδίαισ εἰσ τοὺσ ὁμαλοὺσ καὶ πεδινοὺσ τόπουσ, ὡσ ἤδη τινὸσ ὠφελείασ καὶ τροπῆσ τῶν πολεμίων ἐσομένησ.

κατὰ δὲ τὸν καιρὸν τοῦτον οἱ τὰσ ἐνέδρασ ἐκ τῆσ μεσογαίασ διειληφότεσ ἀφανῶσ ἐξαναστάντεσ ἐνεργὸν ἐποιήσαντο τὴν ἔφοδον·

ἅμα δὲ τούτοισ ἐκ μεταβολῆσ οἱ πελτασταὶ συνεπέθεντο τοῖσ ὑπεναντίοισ. οὗ συμβάντοσ διαταραχθέντεσ οἱ μὲν ἐκ τοῦ Λίσσου σποράδην ποιούμενοι τὴν ἀναχώρησιν διεσῴζοντο πρὸσ τὴν πόλιν, οἱ δὲ τὸν Ἀκρόλισσον ἐκλιπόντεσ ἀπετμήθησαν ὑπὸ τῶν ἐκ τῆσ ἐνέδρασ ἐξαναστάντων.

διὸ καὶ συνέβη τὸ μὲν ἀνέλπιστον, τὸν Ἀκρόλισσον παραχρῆμα ληφθῆναι χωρὶσ κινδύνων, τὸν δὲ Λίσσον τῇ κατὰ πόδασ ἡμέρᾳ μετὰ μεγάλων ἀγώνων, ποιησαμένων τῶν Μακεδόνων ἐνεργοὺσ καὶ καταπληκτικὰσ προσβολάσ.

παραδόξωσ ἐγκρατὴσ γενόμενοσ τῶν προειρημένων τόπων, ἅπαντασ τοὺσ πέριξ ὑποχειρίουσ ἐποιήσατο διὰ ταύτησ τῆσ πράξεωσ, ὥστε τοὺσ πλείστουσ τῶν Ἰλλυριῶν ἐθελοντὴν ἐπιτρέπειν αὐτῷ τὰσ πόλεισ·

οὐδεμία γὰρ ὀχυρότησ ἔτι πρὸσ τὴν Φιλίππου βίαν οὐδ’ ἀσφάλεια τοῖσ ἀντιταττομένοισ προυφαίνετο, κεκρατημένων μετὰ βίασ τῶν προειρημένων ὀχυρωμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 14

(폴리비오스, Histories, book 8, chapter 14)

상위

목록

SEARCH

MENU NAVIGATION