헬라어 문장 검색 - ΠολψβίΗιστορί08́035́

(폴리비오스, Histories, book 8, chapter 32)

τότε μὲν ἐπὶ τῶν ὅπλων ηὐλίσθησαν, εἰσ δὲ τὴν ἐπιοῦσαν ἡμέραν Ἀννίβασ συνεδρεύσασ μετὰ τῶν Ταραντίνων ἔκρινε διατειχίσαι τὴν πόλιν ἀπὸ τῆσ ἄκρασ, ἵνα μηδεὶσ ἔτι φόβοσ ἐπικάθηται τοῖσ Ταραντίνοισ ἀπὸ τῶν κατεχόντων τὴν ἀκρόπολιν Ῥωμαίων. πρῶτον μὲν οὖν ἐπεβάλετο προθέσθαι χάρακα παράλληλον τῷ τείχει τῆσ ἀκροπόλεωσ καὶ τῇ πρὸ τούτου τάφρῳ.

σαφῶσ δὲ γινώσκων οὐκ ἐάσοντασ τοὺσ ὑπεναντίουσ, ἀλλ’ ἐναποδειξομένουσ τῇδέ πῃ τὴν αὑτῶν δύναμιν, ἡτοίμασε χεῖρασ ἐπιτηδειοτάτασ, νομίζων πρὸσ τὸ μέλλον οὐδὲν ἀναγκαιότερον εἶναι τοῦ καταπλήξασθαι μὲν τοὺσ Ῥωμαίουσ, εὐθαρσεῖσ δὲ ποιῆσαι τοὺσ Ταραντίνουσ.

ἅμα δὲ τῷ τίθεσθαι τὸν πρῶτον χάρακα θρασέωσ τῶν Ῥωμαίων καὶ τετολμηκότωσ ἐπιχειρούντων τοῖσ ὑπεναντίοισ, βραχὺ συμμίξασ Ἀννίβασ καὶ τὰσ ὁρμὰσ τῶν προειρημένων ἐκκαλεσάμενοσ, ἐπεὶ προέπεσον οἱ πλείουσ ἐκτὸσ τῆσ τάφρου, δοὺσ παράγγελμα τοῖσ αὑτοῦ προσέβαλε τοῖσ πολεμίοισ.

γενομένησ δὲ τῆσ μάχησ ἰσχυρᾶσ, ὡσ ἂν ἐν βραχεῖ χώρῳ καὶ περιτετειχισμένῳ τῆσ συμπλοκῆσ ἐπιτελουμένησ, τὸ πέρασ ἐκβιασθέντεσ ἐτράπησαν οἱ Ῥωμαῖοι.

καὶ πολλοὶ μὲν ἔπεσον ἐν χειρῶν νόμῳ, τὸ δὲ πλεῖον αὐτῶν μέροσ ἀπωθούμενον καὶ συγκρημνιζόμενον ἐν τῇ τάφρῳ διεφθάρη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 8, chapter 32

(폴리비오스, Histories, book 8, chapter 32)

상위

목록

SEARCH

MENU NAVIGATION