헬라어 문장 검색 - ΠολψβίΗιστορί08́023́

(폴리비오스, Histories, book 8, chapter 20)

Ἐπεὶ δὲ συνέμιξαν τοῖσ περὶ τὸν Ἀριανόν, ἡγεῖτο μὲν αὐτὸσ αὐτῶν διὰ τὴν ἐμπειρίαν, ὁ δὲ Βῶλισ κατόπιν ἐπέστη κατὰ τὴν ἐξ ἀρχῆσ πρόθεσιν, ἀπορῶν καὶ δυσχρηστούμενοσ ὑπὲρ τοῦ συμβαίνοντοσ· καίπερ γὰρ ὢν Κρὴσ καὶ πᾶν ἄν τι κατὰ τοῦ πέλασ ὑποπτεύσασ, ὅμωσ οὐκ ἠδύνατο διὰ τὸ σκότοσ συννοῆσαι τὸν Ἀχαιόν, οὐχ οἱο͂ν τίσ ἐστιν, ἀλλ’ οὐδὲ καθάπαξ εἰ πάρεστι.

οὐ δυναμένων γὰρ καθόλου τὴν ἐκ τῆσ συνηθείασ καταξίωσιν στέλλεσθαι πρὸσ τὸν παρόντα καιρόν, ταχέωσ ὁ Βῶλισ συνῆκε τίσ ἐστι καὶ ποῖοσ αὐτῶν ὁ Ἀχαιόσ.

ἐπεὶ δὲ παρεγένοντο πρὸσ τὸν τῷ Καμβύλῳ διατεταγμένον τόπον, καὶ τὸ σύνθημα προσσυρίξασ ὁ Βῶλισ ἀπέδωκε, τῶν μὲν ἄλλων οἱ διαναστάντεσ ἐκ τῆσ ἐνέδρασ ἐπελάβοντο, τὸν δ’ Ἀχαιὸν αὐτὸσ ὁ Βῶλισ ὁμοῦ τοῖσ ἱματίοισ, ἔνδον τὰσ χεῖρασ ἔχοντα, συνήρπασε, φοβηθεὶσ μὴ συννοήσασ τὸ γινόμενον ἐπιβάλοιτο διαφθείρειν αὑτόν·

καὶ γὰρ εἶχε μάχαιραν ἐφ’ αὑτῷ παρεσκευασμένοσ.

ταχὺ δὲ καὶ πανταχόθεν κυκλωθεὶσ ὑποχείριοσ ἐγένετο τοῖσ ἐχθροῖσ, καὶ παραχρῆμα μετὰ τῶν φίλων ἀνήγετο πρὸσ τὸν Ἀντίοχον.

ὁ δὲ βασιλεύσ, πάλαι μετέωροσ ὢν τῇ διανοίᾳ καὶ καραδοκῶν τὸ συμβησόμενον, ἀπολύσασ τοὺσ ἐκ τῆσ συνουσίασ ἔμενε μόνοσ ἐγρηγορὼσ ἐν τῇ σκηνῇ μετὰ δυεῖν ἢ τριῶν σωματοφυλάκων.

παρεισελθόντων δὲ τῶν περὶ τὸν Καμβύλον καὶ καθισάντων τὸν Ἀχαιὸν ἐπὶ τὴν γῆν δεδεμένον, εἰσ τοιαύτην ἀφασίαν ἦλθε διὰ τὸ παράδοξον ὥστε πολὺν μὲν χρόνον ἀποσιωπῆσαι, τὸ δὲ τελευταῖον συμπαθὴσ γενέσθαι καὶ δακρῦσαι.

ὡσ ἔμοιγε δοκεῖ, τὸ δυσφύλακτον καὶ παράλογον τῶν ἐκ τῆσ τύχησ συμβαινόντων.

Ἀχαιὸσ γὰρ ἦν Ἀνδρομάχου μὲν υἱὸσ τοῦ Λαοδίκησ ἀδελφοῦ τῆσ Σελεύκου γυναικόσ, ἔγημε δὲ Λαοδίκην τὴν Μιθριδάτου τοῦ βασιλέωσ θυγατέρα, κύριοσ δ’ ἐγεγόνει τῆσ ἐπὶ τάδε τοῦ Ταύρου πάσησ.

δοκῶν δὲ τότε καὶ ταῖσ αὑτοῦ δυνάμεσι καὶ ταῖσ τῶν ὑπεναντίων ἐν ὀχυρωτάτῳ τόπῳ τῆσ οἰκουμένησ διατρίβειν, ἐκάθητο δεδεμένοσ ἐπὶ τῆσ γῆσ, ὑποχείριοσ γενόμενοσ τοῖσ ἐχθροῖσ, οὐδέπω γινώσκοντοσ οὐθενὸσ ἁπλῶσ τὸ γεγονὸσ πλὴν τῶν πραξάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 20

(폴리비오스, Histories, book 8, chapter 20)

상위

목록

SEARCH

MENU NAVIGATION