헬라어 문장 검색 - ΠολψβίΗιστορί08́037́

(폴리비오스, Histories, book 8, chapter 34)

Ἤδη δ’ ἐντελεῖσ αὐτοῦ συνεσταμένου τὰσ πρὸσ τὴν πολιορκίαν παρασκευάσ, παραπεσούσησ ἐκ Μεταποντίου βοηθείασ εἰσ τὴν ἄκραν κατὰ θάλατταν, βραχύ τι ταῖσ ψυχαῖσ ἀναθαρρήσαντεσ οἱ Ῥωμαῖοι νυκτὸσ ἐπέθεντο τοῖσ ἔργοισ, καὶ πάσασ διέφθειραν τὰσ τῶν ἔργων καὶ μηχανημάτων κατασκευάσ. οὗ γενομένου τὸ μὲν πολιορκεῖν τὴν ἄκραν Ἀννίβασ ἀπέγνω, τῆσ δὲ τοῦ τείχουσ κατασκευῆσ ἤδη τετελειωμένησ, ἁθροίσασ τοὺσ Ταραντίνουσ ἀπεδείκνυε διότι κυριώτατόν ἐστι πρὸσ τοὺσ ἐνεστῶτασ καιροὺσ τὸ τῆσ θαλάττησ ἀντιλαμβάνεσθαι.

κρατούσησ γὰρ τῆσ ἄκρασ τῶν κατὰ τὸν εἴσπλουν τόπων, ὡσ ἐπάνω προεῖπον, οἱ μὲν Ταραντῖνοι τὸ παράπαν οὐκ ἠδύναντο χρῆσθαι ταῖσ ναυσὶν οὐδ’ ἐκπλεῖν ἐκ τοῦ λιμένοσ, τοῖσ δὲ Ῥωμαίοισ κατὰ θάλατταν ἀσφαλῶσ παρεκομίζετο τὰ πρὸσ τὴν χρείαν·

οὗ συμβαίνοντοσ οὐδέποτε δυνατὸν ἦν βεβαίωσ ἐλευθερωθῆναι τὴν πόλιν.

ἃ συνορῶν ὁ Ἀννίβασ ἐδίδασκε τοὺσ Ταραντίνουσ ὡσ, ἐὰν ἀποκλεισθῶσι τῆσ κατὰ θάλατταν ἐλπίδοσ οἱ τὴν ἄκραν τηροῦντεσ, παρὰ πόδασ αὐτοὶ δι’ αὑτῶν εἴξαντεσ λείψουσι ταύτην καὶ παραδώσουσι τὸν τόπον.

ὧν ἀκούοντεσ οἱ Ταραντῖνοι τοῖσ μὲν λεγομένοισ συγκατετίθεντο·

ὅπωσ δ’ ἂν γένοιτο τοῦτο κατὰ τὸ παρόν, οὐδαμῶσ ἐδύναντο συννοῆσαι, πλὴν εἰ παρὰ Καρχηδονίων ἐπιφανείη στόλοσ· τοῦτο δ’ ἦν κατὰ τοὺσ τότε καιροὺσ ἀδύνατον. διόπερ ἠδυνάτουν συμβαλεῖν ἐπὶ τί φερόμενοσ Ἀννίβασ τοὺσ περὶ τούτων πρὸσ σφᾶσ ποιεῖται λόγουσ.

φήσαντοσ δ’ αὐτοῦ φανερὸν εἶναι χωρὶσ Καρχηδονίων αὐτοὺσ δι’ αὑτῶν ὅσον ἤδη κρατῆσαι τῆσ θαλάττησ, μᾶλλοι ἐκπλαγεῖσ ἦσαν, οὐ δυνάμενοι τὴν ἐπίνοιαν αὐτοῦ συμβαλεῖν.

ὁ δὲ συνεωρακὼσ τὴν πλατεῖαν εὐδιακόσμητον οὖσαν τὴν ὑπάρχουσαν μὲν ἐντὸσ τοῦ διατειχίσματοσ, φέρουσαν δὲ παρὰ τὸ διατείχισμ’ ἐκ τοῦ λιμένοσ εἰσ τὴν ἔξω θάλατταν, ταύτῃ διενοεῖτο τὰσ ναῦσ ἐκ τοῦ λιμένοσ εἰσ τὴν νότιον ὑπερβιβάζειν πλευράν.

διόπερ ἅμα τῷ τὴν ἐπίνοιαν ἐπιδεῖξαι τοῖσ Ταραντίνοισ οὐ μόνον συγκατέθεντο τοῖσ λεγομένοισ, ἀλλὰ καὶ διαφερόντωσ ἐθαύμασαν τὸν ἄνδρα, καὶ διέλαβον ὡσ οὐδὲν ἂν περιγένοιτο τῆσ ἀγχινοίασ τῆσ ἐκείνου καὶ τόλμησ.

ταχὺ δὲ πορείων ὑποτρόχων κατασκευασθέντων, ἅμα τῷ λόγῳ τοὔργον εἰλήφει συντέλειαν, ἅτε προθυμίασ καὶ πολυχειρίασ ὁμοῦ τῇ προθέσει συνεργούσησ.

οἱ μὲν οὖν Ταραντῖνοι τοῦτον τὸν τρόπον ὑπερνεωλκήσαντεσ τὰσ νῆασ εἰσ τὴν ἔξω θάλατταν, ἐπολιόρκουν ἀσφαλῶσ τοὺσ ἐκ τῆσ ἄκρασ, ἀφῃρημένοι τὰσ ἔξωθεν αὐτῶν ἐπικουρίασ.

Ἀννίβασ δὲ φυλακὴν ἀπολιπὼν τῆσ πόλεωσ ἀνέζευξε μετὰ τῆσ δυνάμεωσ, καὶ παρεγένετο τριταῖοσ ἐπὶ τὸν ἐξ ἀρχῆσ χάρακα, καὶ τὸ λοιπὸν τοῦ χειμῶνοσ ἐνταῦθα διατρίβων ἔμενε κατὰ χώραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 34

(폴리비오스, Histories, book 8, chapter 34)

상위

목록

SEARCH

MENU NAVIGATION