헬라어 문장 검색 - ΠολψβίΗιστορί08́030́

(폴리비오스, Histories, book 8, chapter 27)

Τῷ δὲ Γαί̈ῳ τῷ Λιβίῳ, γενομένῳ μετὰ τῶν συνήθων ἀφ’ ἡμέρασ ἐν τῷ Μουσείῳ κατὰ τὴν τῶν νεανίσκων πρόληψιν, καὶ σχεδὸν ἤδη τοῦ πότου τὴν ἀκμαιοτάτην ἔχοντοσ διάθεσιν, προσαγγέλλεται περὶ δυσμὰσ ἡλίου τοὺσ Νομάδασ ἐπιτρέχειν τὴν χώραν. καὶ καλέσασ τινὰσ τῶν ἡγεμόνων συνέταξε τοὺσ μὲν ἡμίσεισ τῶν ἱππέων ἐξελθόντασ ὑπὸ τὴν ἑωθινὴν κωλῦσαι τοὺσ κακοποιοῦντασ τὴν χώραν τῶν πολεμίων, τῆσ γε μὴν ὅλησ πράξεωσ διὰ ταῦτα καὶ μᾶλλον ἀνύποπτοσ ἦν.

ἅμα τῷ σκότοσ γενέσθαι συναθροισθέντεσ ἐν τῇ πόλει πάντεσ, ἐτήρουν τὴν ἐπάνοδον τῶν περὶ τὸν Λίβιον.

τῶν δὲ ταχέωσ ἐξαναστάντων διὰ τὸ γεγονέναι τὸν πότον ἀφ’ ἡμέρασ, οἱ μὲν ἄλλοι πρόσ τινα τόπον ἀποστάντεσ ἔμενον, τινὲσ δὲ τῶν νεανίσκων ἀπήντων τοῖσ περὶ τὸν Γάιον, διακεχυμένοι καί τι καὶ προσπαίζοντεσ ἀλλήλοισ, ὡσ ἂν ὑποκρινόμενοι τοὺσ ἐκ συνουσίασ ἐπανάγοντασ.

ἔτι δὲ μᾶλλον ἠλλοιωμένων ὑπὸ τῆσ μέθησ τῶν περὶ τὸν Λίβιον, ἅμα τῷ συμμῖξαι γέλωσ ἐξ ἀμφοῖν ἦν καὶ παιδιὰ πρόχειροσ.

ἐπεὶ δὲ συνανακάμψαντεσ ἀποκατέστησαν αὐτὸν εἰσ οἶκον, ὁ μὲν Γάιοσ ἀνεπαύετο μεθύων, ὡσ εἰκόσ ἐστι τοὺσ ἀφ’ ἡμέρασ πίνοντασ, οὐδὲν ἄτοπον οὐδὲ δυσχερὲσ ἔχων ἐν τῇ διανοίᾳ, χαρᾶσ δὲ πλήρησ καὶ ῥᾳθυμίασ.

οἱ δὲ περὶ τὸν Νίκωνα καὶ Τραγίσκον ἐπεὶ συνέμιξαν τοῖσ ἀπολελειμμένοισ νεανίσκοισ, διελόντεσ σφᾶσ εἰσ τρία μέρη παρεφύλαττον, διαλαβόντεσ τῆσ ἀγορᾶσ τὰσ εὐκαιροτάτασ εἰσβολάσ, ἵνα μήτε τῶν ἔξωθεν προσπιπτόντων μηδὲν αὐτοὺσ λανθάνῃ μήτε τῶν ἐν αὐτῇ τῇ πόλει γινομένων.

ἐπέστησαν δὲ καὶ παρὰ τὴν οἰκίαν τοῦ Γαί̈ου, σαφῶσ εἰδότεσ ὡσ ἐὰν γίνηταί τισ ὑπόνοια τοῦ μέλλοντοσ, ἐπὶ τὸν Λίβιον ἀνοισθήσεται πρῶτον, καὶ πᾶν τὸ πραττόμενον ἀπ’ ἐκείνου λήψεται τὴν ἀρχήν.

ὡσ δ’ αἱ μὲν ἀπὸ τῶν δείπνων ἐπάνοδοι καὶ συλλήβδην ὁ τοιοῦτοσ θόρυβοσ ἤδη παρῳχήκει, τῶν δὲ δημοτῶν ἡ πληθὺσ κατακεκοίμητο, προύβαινε δὲ τὰ τῆσ νυκτὸσ καὶ τὰ τῆσ ἐλπίδοσ ἀκέραια διέμενε, τότε συναθροισθέντεσ προῆγον ἐπὶ τὴν προκειμένην χρείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 27

(폴리비오스, Histories, book 8, chapter 27)

상위

목록

SEARCH

MENU NAVIGATION