헬라어 문장 검색 - ΠολψβίΗιστορί08́021́

(폴리비오스, Histories, book 8, chapter 18)

Ὁ μὲν οὖν Ἀχαιὸσ ἐπί τινοσ τοιαύτησ προσδοκίασ καὶ διαλογισμῶν ὑπάρχων ἐκαραδόκει τὴν παρουσίαν τοῦ Βώλιδοσ· οἱ δὲ περὶ τὸν Μελαγκόμαν ἀποδεξάμενοι τὸν Ἀριανὸν καὶ τὰσ ἐπιστολὰσ ἀναγνόντεσ, ἐξέπεμπον τὸν Βῶλιν, παρακαλέσαντεσ διὰ πλειόνων καὶ μεγάλασ ἐλπίδασ ὑποδείξαντεσ, ἐὰν καθίκηται τῆσ ἐπιβολῆσ.

ὁ δὲ προδιαπεμψάμενοσ τὸν Ἀριανόν, καὶ δηλώσασ τῷ Καμβύλῳ τὴν αὑτοῦ παρουσίαν, ἧκε νυκτὸσ ἐπὶ τὸν συντεθέντα τόπον.

γενόμενοι δὲ μίαν ἡμέραν ἐπὶ ταὐτό, καὶ συνταξάμενοι περὶ τοῦ πῶσ χειρισθήσεται τὰ κατὰ μέροσ, μετὰ ταῦτα νυκτὸσ εἰσῆλθον εἰσ τὴν παρεμβολήν.

ἡ δὲ διάταξισ αὐτῶν ἐγεγόνει τοιαύτη τισ·

εἰ μὲν συμβαίη τὸν Ἀχαιὸν ἐκ τῆσ ἄκρασ ἐλθεῖν μόνον ἢ καὶ δεύτερον μετὰ τοῦ Βώλιδοσ καὶ Ἀριανοῦ, τελέωσ εὐκαταφρόνητοσ, ἔτι δ’ εὐχείρωτοσ ἔμελλε γίνεσθαι τοῖσ ἐνεδρεύουσιν· εἰ δὲ μετὰ πλειόνων, δύσχρηστοσ ἡ πρόθεσισ ἀπέβαινε τοῖσ πεπιστευμένοισ, ἄλλωσ τε καὶ ζωγρίᾳ σπεύδουσι κυριεῦσαι διὰ τὸ τῆσ πρὸσ τὸν Ἀντίοχον χάριτοσ τὸ πλεῖστον ἐν τούτῳ κεῖσθαι τῷ μέρει.

τὸν δὲ Βῶλιν ἀκολουθεῖν τῶν ἄλλων κατόπιν, ἵν’ ἐπειδὰν παραγένηται πρὸσ τὸν τόπον, ἐν ᾧ τοὺσ ἐνεδρεύοντασ ἑτοίμουσ ὑπάρχειν ἔδει διὰ τοῦ Καμβύλου, τότ’ ἐπιλαβόμενοσ κρατοίη τὸν Ἀχαιόν, καὶ μήτε διαδραίη κατὰ τὸν θόρυβον νυκτὸσ οὔσησ διὰ τόπων ὑλωδῶν, μήθ’ αὑτὸν ῥίψαι κατά τινοσ κρημνοῦ περιπαθὴσ γενόμενοσ, πέσοι δὲ κατὰ τὴν πρόθεσιν ὑπὸ τὰσ τῶν ἐχθρῶν χεῖρασ ζωγρίᾳ.

τούτων δὲ συγκειμένων, καὶ παραγενομένου τοῦ Βώλιδοσ ὡσ τὸν Καμβύλον, ᾗ μὲν ἦλθε νυκτί, ταύτῃ παράγει πρὸσ τὸν Ἀντίοχον τὸν Βῶλιν ὁ Καμβύλοσ μόνοσ πρὸσ μόνον.

ὑπὸ δὲ τὴν ἑωθινὴν Βῶλισ ἀνέβη μετὰ τοῦ Ἀριανοῦ, καὶ παρεισῆλθεν ἔτι νυκτὸσ εἰσ τὴν ἄκραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 18

(폴리비오스, Histories, book 8, chapter 18)

상위

목록

SEARCH

MENU NAVIGATION