헬라어 문장 검색 - ΠολψβίΗιστορί08́018́

(폴리비오스, Histories, book 8, iv. res asiae)

Βῶλισ ἦν ἀνὴρ γένει μὲν Κρήσ, χρόνον δὲ πολὺν ἐν τῇ βασιλείᾳ διατετριφὼσ ἐν ἡγεμονικῇ προστασίᾳ, δοκῶν δὲ καὶ σύνεσιν ἔχειν καὶ τόλμαν παράβολον καὶ τριβὴν ἐν τοῖσ πολεμικοῖσ οὐδενὸσ ἐλάττω. τοῦτον ὁ Σωσίβιοσ διὰ πλειόνων λόγων πιστωσάμενοσ, καὶ παρασκευάσασ εὔνουν ἑαυτῷ καὶ πρόθυμον, ἀναδίδωσι τὴν πρᾶξιν, λέγων ὡσ οὐδὲν ἂν τῷ βασιλεῖ μεῖζον χαρίσαιτο κατὰ τοὺσ ἐνεστῶτασ καιροὺσ ἢ συνεπινοήσασ πῶσ καὶ τίνι τρόπῳ δύναται σῶσαι τὸν Ἀχαιόν.

τότε μὲν οὖν διακούσασ ὁ Βῶλισ, καὶ φήσασ ἐπισκέψασθαι περὶ τῶν εἰρημένων, ἐχωρίσθη·

δοὺσ δὲ λόγον ἑαυτῷ, καὶ μετὰ δύ’ ἢ τρεῖσ ἡμέρασ προσελθὼν πρὸσ τὸν Σωσίβιον, ἀνεδέξατο τὴν πρᾶξιν εἰσ αὑτόν, φήσασ καὶ γεγονέναι πλείω χρόνον ἐν ταῖσ Σάρδεσι καὶ τῶν τόπων ἐμπειρεῖν, καὶ τὸν Καμβύλον τὸν ἡγεμόνα τῶν παρ’ Ἀντιόχῳ στρατευομένων Κρητῶν οὐ μόνον πολίτην, ἀλλὰ καὶ συγγενῆ καὶ φίλον ὑπάρχειν αὑτῷ.

συνέβαινε δὲ καὶ τὸν Καμβύλον καὶ τοὺσ ὑπὸ τοῦτον ταττομένουσ Κρῆτασ πεπιστεῦσθαί τι τῶν φυλακτηρίων τῶν κατὰ τοὺσ ὄπισθε τόπουσ τῆσ ἄκρασ, οἵτινεσ κατασκευὴν μὲν οὐκ ἐπεδέχοντο, τῇ δὲ συνεχείᾳ τῶν ὑπὸ τὸν Καμβύλον τεταγμένων ἀνδρῶν ἐτηροῦντο.

τοῦ δὲ Σωσιβίου δεξαμένου τὴν ἐπίνοιαν, καὶ διειληφότοσ ἢ μὴ δυνατὸν εἶναι σωθῆναι τὸν Ἀχαιὸν ἐκ τῶν περιεστώτων, ἢ δυνατοῦ καθάπαξ ὑπάρχοντοσ διὰ μηδενὸσ ἂν ἑτέρου γενέσθαι τοῦτο βέλτιον ἢ διὰ Βώλιδοσ, τοιαύτησ δὲ συνδραμούσησ καὶ περὶ τὸν Βῶλιν προθυμίασ, ταχέωσ ἐλάμβανε τὸ πρᾶγμα προκοπήν.

τὰσ δὲ παρ’ αὐτοῦ τοῦ βασιλέωσ καὶ παρ’ Ἀχαιοῦ τοῦ σῳζομένου χάριτασ ἐξ ὑπερβολῆσ αὔξων εἰσ μεγάλασ ἐλπίδασ ἦγε τὸν Βῶλιν·

ὅ τε προειρημένοσ ἀνήρ, ἕτοιμοσ ὢν πρὸσ τὴν πρᾶξιν, οὐδένα χρόνον ἐπιμείνασ ἐξέπλευσε, συνθήματα λαβὼν καὶ πίστεισ πρόσ τε Νικόμαχον εἰσ Ῥόδον, ὃσ ἐδόκει πατρὸσ ἔχειν διάθεσιν κατὰ τὴν εὔνοιαν καὶ πίστιν πρὸσ τὸν Ἀχαιόν, ὁμοίωσ δὲ καὶ πρὸσ Μελαγκόμαν εἰσ Ἔφεσον.

οὗτοι γὰρ ἦσαν, δι’ ὧν καὶ τὸν πρὸ τοῦ χρόνον Ἀχαιὸσ τά τε πρὸσ τὸν Πτολεμαῖον καὶ τὰσ ἄλλασ ἁπάσασ τὰσ ἔξωθεν ἐπιβολὰσ ἐχείριζε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, iv. res asiae

(폴리비오스, Histories, book 8, iv. res asiae)

상위

목록

SEARCH

MENU NAVIGATION