헬라어 문장 검색 - ΠολψβίΗιστορί08́008́

(폴리비오스, Histories, book 8, chapter 7)

Οἱ δὲ περὶ τὸν Ἄππιον εἰσ παραπλησίουσ ἐμπεσόντεσ δυσχερείασ ἀπέστησαν τῆσ ἐπιβολῆσ. ἔτι μὲν γὰρ ὄντεσ ἐν ἀποστήματι τοῖσ τε πετροβόλοισ καὶ καταπέλταισ τυπτόμενοι διεφθείροντο, διὰ τὸ θαυμάσιον εἶναι τὴν τῶν βελῶν κατασκευὴν καὶ κατὰ τὸ πλῆθοσ καὶ κατὰ τὴν ἐνέργειαν, ὡσ ἂν Ιἕρωνοσ μὲν χορηγοῦ γεγονότοσ, ἀρχιτέκτονοσ δὲ καὶ δημιουργοῦ τῶν ἐπινοημάτων Ἀρχιμήδουσ.

συνεγγίζοντέσ γε μὴν πρὸσ τὴν πόλιν οἱ μὲν ταῖσ διὰ τοῦ τείχουσ τοξότισιν, ὡσ ἐπάνω προεῖπον, κακούμενοι συνεχῶσ εἴργοντο τῆσ προσόδου·

οἱ δὲ μετὰ τῶν γέρρων βιαζόμενοι ταῖσ τῶν κατὰ κορυφὴν λίθων καὶ δοκῶν ἐμβολαῖσ διεφθείροντο. οὐκ ὀλίγα δὲ καὶ ταῖσ χερσὶ ταῖσ ἐκ τῶν μηχανῶν ἐκακοποίουν, ὡσ καὶ πρότερον εἶπα·

σὺν αὐτοῖσ γὰρ τοῖσ ὅπλοισ τοὺσ ἄνδρασ ἐξαιροῦντεσ ἐρρίπτουν. τὸ δὲ πέρασ, ἀναχωρήσαντεσ εἰσ τὴν παρεμβολὴν καὶ συνεδρεύσαντεσ μετὰ τῶν χιλιάρχων οἱ περὶ τὸν Ἄππιον, ὁμοθυμαδὸν ἐβουλεύσαντο πάσησ ἐλπίδοσ πεῖραν λαμβάνειν πλὴν τοῦ διὰ πολιορκίασ ἑλεῖν τὰσ Συρακούσασ, ὡσ καὶ τέλοσ ἐποίησαν·

ὀκτὼ γὰρ μῆνασ τῇ πόλει προσκαθεζόμενοι τῶν μὲν ἄλλων στρατηγημάτων ἢ τολμημάτων οὐδενὸσ ἀπέστησαν, τοῦ δὲ πολιορκεῖν οὐδέποτε πεῖραν ἔτι λαβεῖν ἐθάρρησαν.

οὕτωσ εἷσ ἀνὴρ καὶ μία ψυχὴ δεόντωσ ἡρμοσμένη πρὸσ ἔνια τῶν πραγμάτων μέγα τι χρῆμα φαίνεται γίνεσθαι καὶ θαυμάσιον.

τούτου δὲ συμπαρόντοσ οὐκ ἐθάρρουν οὐδ’ ἐπιβαλέσθαι κατά γε τοῦτον τὸν τρόπον, καθ’ ὃν ἀμύνασθαι δυνατὸσ ἦν Ἀρχιμήδησ.

οὐ μὴν ἀλλὰ νομίσαντεσ μάλιστ’ ἂν ὑπὸ τῆσ τῶν ἀναγκαίων ἐνδείασ διὰ τὸ πλῆθοσ τοὺσ ἔνδον ὑποχειρίουσ σφίσι γενέσθαι, ταύτησ ἀντείχοντο τῆσ ἐλπίδοσ·

καὶ ταῖσ μὲν ναυσὶ τὰσ κατὰ θάλατταν ἐπικουρίασ αὐτῶν ἐκώλυον, τῷ δὲ πεζῷ στρατεύματι τὰσ κατὰ γῆν. ἐν ᾧ προσεδρεύουσι ταῖσ Συρακούσαισ, ἀλλ’ ἅμα τι καὶ τῶν ἐκτὸσ χρησίμων κατασκευάζεσθαι, διεῖλον οἱ στρατηγοὶ σφᾶσ αὐτοὺσ καὶ τὴν δύναμιν, ὥστε τὸν μὲν Ἄππιον ἔχοντα δύο μέρη προσκαθῆσθαι τοῖσ ἐν τῇ πόλει, τὸ δὲ τρίτον ἀναλαβόντα Μάρκον ἐπιπορεύεσθαι τοὺσ τὰ Καρχηδονίων αἱρουμένουσ κατὰ τὴν Σικελίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 7

(폴리비오스, Histories, book 8, chapter 7)

상위

목록

SEARCH

MENU NAVIGATION