헬라어 문장 검색 - Πλυταρ́Σολον́32́

(플루타르코스, Σόλων, chapter 32)

ὡσ δὲ χώρασ καλῆσ ἔδαφοσ ὁ Πλάτων ἔρημον, αὐτῷ δέ πωσ κατὰ συγγένειαν προσῆκον, ἐξεργάσασθαι καὶ διακοσμῆσαι φιλοτιμούμενοσ τὴν Ἀτλαντικὴν ὑπόθεσιν, πρόθυρα μὲν μεγάλα καὶ περιβόλουσ καὶ αὐλὰσ τῇ ἀρχῇ περιέθηκεν, οἱᾶ λόγοσ οὐδεὶσ ἄλλοσ ἔσχεν οὐδὲ μῦθοσ οὐδὲ ποίησισ, ὀψὲ δὲ ἀρξάμενοσ προκατέλυσε τοῦ ἔργου τὸν βίον, ὅσῳ μᾶλλον εὐφραίνει τὰ γεγραμμένα, τοσούτῳ μᾶλλον τοῖσ ἀπολειφθεῖσιν ἀνιάσασ. ὡσ γὰρ ἡ πόλισ τῶν Ἀθηναίων τὸ Ὀλυμπιεῖον, οὕτωσ ἡ Πλάτωνοσ σοφία τὸν Ἀτλαντικὸν ἐν πολλοῖσ καλοῖσ μόνον ἔργον ἀτελὲσ ἔσχηκεν.

ἐπεβίωσε δ’ οὖν ὁ Σόλων ἀρξαμένου τοῦ Πεισιστράτου τυραννεῖν, ὡσ μὲν Ἡρακλείδησ ὁ Ποντικὸσ ἱστορεῖ, συχνὸν χρόνον, ὡσ δὲ Φανίασ ὁ Ἐρέσιοσ, ἐλάττονα δυοῖν ἐτῶν.

ἐπὶ Κωμίου μὲν γὰρ ἤρξατο τυραννεῖν Πεισιστρατοσ, ἐφ’ Ἡγεστράτου δὲ Σόλωνά φησιν ὁ Φανίασ ἀποθανεῖν τοῦ μετὰ Κωμίαν ἄρξαντοσ. ἡ δὲ διασπορὰ κατακαυθέντοσ αὐτοῦ τῆσ τέφρασ περὶ τὴν Σαλαμινίων νῆσον ἔστι μὲν διὰ τὴν ἀτοπίαν ἀπίθανοσ παντάπασι καὶ μυθώδησ, ἀναγέγραπται δ’ ὑπό τε ἄλλων ἀνδρῶν ἀξιολόγων καὶ Ἀριστοτέλουσ τοῦ φιλοσόφου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 32

(플루타르코스, Σόλων, chapter 32)

상위

목록

SEARCH

MENU NAVIGATION