헬라어 문장 검색 - Πλυταρ́Σολον́27́

(플루타르코스, Σόλων, chapter 27)

τὴν δὲ πρὸσ Κροῖσον ἔντευξιν αὐτοῦ δοκοῦσιν ἔνιοι τοῖσ χρόνοισ ὡσ πεπλασμένην ἐλέγχειν. ἐγὼ δὲ λόγον ἔνδοξον οὕτω καὶ τοσούτουσ μάρτυρασ ἔχοντα, καὶ, ὃ μεῖζόν ἐστι, πρέποντα τῷ Σόλωνοσ ἤθει καὶ τῆσ ἐκείνου μεγαλοφροσύνησ καὶ σοφίασ ἄξιον, οὔ μοι δοκῶ προήσεσθαι χρονικοῖσ τισι λεγομένοισ κανόσιν, οὓσ μυρίοι διορθοῦντεσ ἄχρι σήμερον εἰσ οὐδὲν αὑτοῖσ ὁμολογούμενον δύνανται καταστῆσαι τὰσ ἀντιλογίασ. τὸν δ’ οὖν Σόλωνά φασιν εἰσ Σάρδεισ δεηθέντι τῷ Κροίσῳ παραγενόμενον, παθεῖν τι παραπλήσιον ἀνδρὶ χερσαίῳ κατιόντι πρῶτον ἐπὶ θάλατταν.

ἐκεῖνόσ τε γὰρ ὁρῶν ἄλλον ἐξ ἄλλου ποταμὸν ᾤετο τὴν θάλασσαν εἶναι, καὶ τῷ Σόλωνι τὴν αὐλὴν διαπορευομένῳ καὶ πολλοὺσ ὁρῶντι τῶν βασιλικῶν κεκοσμημένουσ πολυτελῶσ, καὶ σοβοῦντασ ἐν ὄχλῳ προπομπῶν καὶ δορυφόρων, ἕκαστοσ ἐδόκει Κροῖσοσ εἶναι, μέχρι πρὸσ αὐτὸν ἤχθη, πᾶν ὅσον ἐν λίθοισ, ἐν βαφαῖσ ἐσθῆτοσ, ἐν τέχναισ χρυσοῦ περὶ κόσμον ἐκπρεπὲσ ἔχειν ἢ περιττὸν ἢ ζηλωτὸν ἐδόκει περικείμενον, ὡσ δὴ θέαμα σεμνότατον ὀφθείη καὶ ποικιλώτατον. ἐπεὶ δ’ ὁ Σόλων ἄντικρυσ καταστὰσ οὔτ’ ἔπαθεν οὐδὲν οὔτ’ εἶπε πρὸσ τὴν ὄψιν ὧν ὁ Κροῖσοσ προσεδόκησεν, ἀλλὰ καὶ δῆλοσ ἦν τοῖσ εὖ φρονοῦσι τῆσ ἀπειροκαλίασ καὶ μικροπρεπείασ καταφρονῶν, ἐκέλευσεν αὐτῷ τούσ τε θησαυροὺσ ἀνοῖξαι τῶν χρημάτων, καὶ τὴν ἄλλην ἄγοντασ ἐπιδεῖξαι μηδὲν δεομένῳ κατασκευὴν καὶ πολυτέλειαν.

ἤρκει γὰρ αὐτὸσ ἐν ἑαυτῷ τοῦ τρόπου κατανόησιν παρασχεῖν. ὡσ δ’ οὖν αὖθισ ἤχθη γεγονὼσ ἁπάντων θεατήσ, ἠρώτησεν αὐτὸν ὁ Κροῖσοσ εἴ τινα οἶδεν ἀνθρώπων αὐτοῦ μακαριώτερον. ἀποφηναμένου δὲ τοῦ Σόλωνοσ ὅτι οἶδε Τέλλον αὑτοῦ πολίτην, καὶ διεξελθόντοσ ὅτι χρηστὸσ ἀνὴρ ὁ Τέλλοσ γενόμενοσ καὶ παῖδασ εὐδοκίμουσ καταλιπὼν καὶ βίον οὐδενὸσ ἐνδεᾶ τῶν ἀναγκαίων, ἐτελεύτησεν ἐνδόξωσ ἀριστεύσασ ὑπὲρ τῆσ πατρίδοσ, ἤδη μὲν ἀλλόκοτοσ ἐδόκει εἶναι τῷ Κροίσῳ καὶ ἄγροικοσ, εἰ μὴ πρὸσ ἀργύριον πολὺ μηδὲ χρυσίον τῆσ εὐδαιμονίασ ποιεῖται τὴν ἀναμέτρησιν, ἀλλὰ δημοτικοῦ καὶ ἰδιώτου βίον καὶ θάνατον ἀνθρώπου μᾶλλον ἢ τοσαύτην ἀγαπῴη δύναμιν καὶ ἀρχήν.

οὐ μὴν ἀλλὰ πάλιν ἠρώτησεν αὐτὸν εἰ μετὰ Τέλλον ἄλλον ἔγνωκεν ἀνθρώπων εὐδαιμονέστερον.

"εἰσ οὐδένα τίθησ εὐδαιμόνων ἀριθμὸν ἀνθρώπων;

"ὦ βασιλεῦ Λυδῶν, πρόσ τε τἆλλα μετρίωσ ἔχειν ὁ θεὸσ ἔδωκε, καὶ σοφίασ τινὸσ ἀθαρσοῦσ, ὡσ ἐοίκε, καὶ δημοτικῆσ, οὐ βασιλικῆσ οὐδὲ λαμπρᾶσ, ὑπὸ μετριότητοσ ἡμῖν μέτεστιν, ἣ τύχαισ ὁρῶσα παντοδαπαῖσ χρώμενον ἀεὶ τὸν βίον, οὐκ ἐᾷ τοῖσ παροῦσιν ἀγαθοῖσ μέγα φρονεῖν, οὐδὲ θαυμάζειν ἀνδρὸσ εὐτυχίαν μεταβολῆσ χρόνον ἔχουσαν. "ἔπεισι γὰρ ἑκάστῳ ποικίλον ἐξ ἀδήλου τὸ μέλλον· "ᾧ δ’ εἰσ τέλοσ ὁ δαίμων ἔθετο τὴν εὐπραξίαν, τοῦτον εὐδαίμονα νομίζομεν. "ὁ δὲ ζῶντοσ ἔτι καὶ κινδυνεύοντοσ ἐν τῷ βίῳ μακαρισμόσ, ὥσπερ ἀγωνιζομένου κήρυγμα καὶ στέφανοσ, ἐστὶν ἀβέβαιοσ καὶ ἄκυροσ. ταῦτ’ εἰπὼν ὁ Σόλων ἀπηλλάττετο λυπήσασ μέν, οὐ νουθετήσασ δὲ τὸν Κροῖσον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Σόλων, chapter 27

(플루타르코스, Σόλων, chapter 27)

상위

목록

SEARCH

MENU NAVIGATION