헬라어 문장 검색 - Πλυταρ́Σολον́26́

(플루타르코스, Σόλων, chapter 26)

πρῶτον μὲν οὖν εἰσ Αἴγυπτον ἀφίκετο καὶ διέτριψεν, ὡσ αὐτόσ φησι, Νείλου ἐπὶ προχοῇσι Κανωβίδοσ ἐγγύθεν ἀκτῆσ. χρόνον δέ τινα καὶ τοῖσ περὶ Ψένωφιν τὸν Ἡλιουπολίτην καὶ Σῶγχιν τὸν Σαί̈την, λογιωτάτοισ οὖσι τῶν ἱερέων, συνεφιλοσόφησε· παρ’ ὧν καὶ τὸν Ἀτλαντικὸν ἀκούσασ λόγον, ὡσ Πλάτων φησίν, ἐπεχείρησε διὰ ποιήματοσ ἐξενεγκεῖν εἰσ τοὺσ Ἕλληνασ. ἔπειτα πλεύσασ εἰσ Κύπρον ἠγαπήθη διαφερόντωσ ὑπὸ Φιλοκύπρου τινὸσ τῶν ἐκεῖ βασιλέων, ὃσ εἶχεν οὐ μεγάλην πόλιν, ᾠκισμένην ὑπὸ Δημοφῶντοσ τοῦ Θησέωσ, περὶ τὸν Κλάριον ποταμὸν ἐν χωρίοισ ὀχυροῖσ μέν, ἄλλωσ δὲ δυσχερέσι καὶ φαύλοισ κειμένην.

ἔπεισεν οὖν αὐτὸν ὁ Σόλων ὑποκειμένου καλοῦ πεδίου μεταθέντα τὴν πόλιν ἡδίονα καὶ μείζονα κατασκευάσαι. καὶ παρὼν ἐπεμελήθη τοῦ συνοικισμοῦ, καὶ συνδιεκόσμησε πρόσ τε διαγωγὴν ἄριστα καὶ πρὸσ ἀσφάλειαν, ὥστε πολλοὺσ μὲν οἰκήτορασ τῷ Φιλοκύπρῳ συνελθεῖν, ζηλῶσαι δὲ τοὺσ ἄλλουσ βασιλέασ·

διὸ καὶ τῷ Σόλωνι τιμὴν ἀποδιδοὺσ Αἰπεῖαν τὴν πόλιν καλουμένην πρότερον ἀπ’ ἐκείνου Σόλουσ προσηγόρευσε. καὶ αὐτὸσ δὲ μέμνηται τοῦ συνοικισμοῦ·

προσαγορεύσασ γὰρ ἐν ταῖσ ἐλεγείαισ τὸν Φιλόκυπρον, νῦν δὲ φησί σὺ μὲν Σολίοισι πολὺν χρόνον ἐνθάδ’ ἀνάσσων τήνδε πόλιν ναίοισ καὶ γένοσ ὑμέτερον· αὐτὰρ ἐμὲ ξὺν νηὶ̈ θοῇ κλεινῆσ ἀπὸ νήσου ἀσκηθῆ πέμποι Κύπρισ ἰοστέφανοσ· οἰκισμῷ δ’ ἐπὶ τῷδε χάριν καὶ κῦδοσ ὀπάζοι ἐσθλὸν καὶ νόστον πατρίδ’ ἐσ ἡμετέρην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 26

(플루타르코스, Σόλων, chapter 26)

상위

목록

SEARCH

MENU NAVIGATION