헬라어 문장 검색 - Πλυταρ́Σολον́21́

(플루타르코스, Σόλων, chapter 21)

ἐπαινεῖται δὲ τοῦ Σόλωνοσ καὶ ὁ κωλύων νόμοσ τὸν τεθνηκότα κακῶσ ἀγορεύειν. καὶ γὰρ ὅσιον τοὺσ μεθεστῶτασ ἱεροὺσ νομίζειν, καὶ δίκαιον ἀπέχεσθαι τῶν οὐχ ὑπαρχόντων, καὶ πολιτικὸν ἀφαιρεῖν τῆσ ἔχθρασ τὸ ἀί̈διον. ζῶντα δὲ κακῶσ λέγειν ἐκώλυσε πρὸσ ἱεροῖσ καὶ δικαστηρίοισ καὶ ἀρχείοισ καὶ θεωρίασ οὔσησ ἀγώνων· ἤ τρεῖσ δραχμὰσ τῷ ἰδιώτῃ, δύο δ’ ἄλλασ ἀποτίνειν εἰσ τὸ δημόσιον ἔταξε. τὸ γὰρ μηδαμοῦ κρατεῖν ὀργῆσ ἀπαίδευτον καὶ ἀκόλαστον· τὸ δὲ πανταχοῦ χαλεπόν, ἐνίοισ δὲ ἀδύνατον· δεῖ δὲ πρὸσ τὸ δυνατὸν γράφεσθαι τὸν νόμον, εἰ βούλεται χρησίμωσ ὀλίγουσ, ἀλλὰ μὴ πολλοὺσ ἀχρήστωσ κολάζειν. εὐδοκίμησε δὲ κἀν τῷ περὶ διαθηκῶν νόμῳ·

πρότερον γὰρ οὐκ ἐξῆν, ἀλλ’ ἐν τῷ γένει τοῦ τεθνηκότοσ ἔδει τὰ χρήματα καὶ τὸν οἶκον καταμένειν, ὁ δ’ ᾧ βούλεταί τισ ἐπιτρέψασ, εἰ μὴ παῖδεσ εἰε͂ν αὐτῷ, δοῦναι τὰ αὑτοῦ, φιλίαν τε συγγενείασ ἐτίμησε μᾶλλον καὶ χάριν ἀνάγκησ, καὶ τὰ χρήματα κτήματα τῶν ἐχόντων ἐποίησεν. οὐ μὴν ἀνέδην γε πάλιν οὐδ’ ἁπλῶσ τὰσ δόσεισ ἐφῆκεν, ἀλλ’ εἰ μὴ νόσων ἕνεκεν ἢ φαρμάκων ἢ δεσμῶν ἢ ἀνάγκῃ κατασχεθεὶσ ἢ γυναικὶ πιθόμενοσ, εὖ πάνυ καὶ προσηκόντωσ τὸ πεισθῆναι παρὰ τὸ βέλτιστον οὐδὲν ἡγούμενοσ τοῦ βιασθῆναι διαφέρειν, ἀλλ’ εἰσ ταὐτὸ τὴν ἀπάτην τῇ ἀνάγκῃ καὶ τῷ πόνῳ τὴν ἡδονὴν θέμενοσ, ὡσ οὐχ ἧττον ἐκστῆσαι λογισμὸν ἀνθρώπου δυναμένων.

ἐπέστησε δὲ καὶ ταῖσ ἐξόδοισ τῶν γυναικῶν καὶ τοῖσ πένθεσι καὶ ταῖσ ἑορταῖσ νόμον ἀπείργοντα τὸ ἄτακτον καὶ ἀκόλαστον·

ἐξιέναι μὲν ἱματίων τριῶν μὴ πλέον ἔχουσαν κελεύσασ, μηδὲ βρωτὸν ἢ ποτὸν πλείονοσ ἢ ὀβολοῦ φερομένην, μηδὲ κάνητα πηχυαίου μείζονα, μηδὲ νύκτωρ πορεύεσθαι πλὴν ἁμάξῃ κομιζομένην λύχνου προφαίνοντοσ. ἀμυχὰσ δὲ κοπτομένων καὶ τὸ θρηνεῖν πεποιημένα καὶ τὸ κωκύειν ἄλλον ἐν ταφαῖσ ἑτέρων ἀφεῖλεν. ἐναγίζειν δὲ βοῦν οὐκ εἰάσεν, οὐδὲ συντιθέναι πλέον ἱματίων τριῶν, οὐδ’ ἐπ’ ἀλλότρια μνήματα βαδίζειν χωρὶσ ἐκκομιδῆσ.

ὧν τὰ πλεῖστα καὶ τοῖσ ἡμετέροισ νόμοισ ἀπηγόρευται· πρόσκειται δὲ τοῖσ ἡμετέροισ ζημιοῦσθαι τοὺσ τὰ τοιαῦτα ποιοῦντασ ὑπὸ τῶν γυναικονόμων, ὡσ ἀνάνδροισ καὶ γυναικώδεσι τοῖσ περὶ τὰ πένθη πάθεσι καὶ ἁμαρτήμασιν ἐνεχομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 21

(플루타르코스, Σόλων, chapter 21)

상위

목록

SEARCH

MENU NAVIGATION