헬라어 문장 검색 - Πλυταρ́Σολον́19́

(플루타르코스, Σόλων, chapter 19)

συστησάμενοσ δὲ τὴν ἐν Ἀρείῳ πάγῳ βουλὴν ἐκ τῶν κατ’ ἐνιαυτὸν ἀρχόντων, ἧσ διὰ τὸ ἄρξαι καὶ αὐτὸσ μετεῖχεν, ἔτι δ’ ὁρῶν τὸν δῆμον οἰδοῦντα καὶ θρασυνόμενον τῇ τῶν χρεῶν ἀφέσει, δευτέραν προσκατένειμε βουλήν, ἀπὸ φυλῆσ ἑκάστησ, τεττάρων οὐσῶν, ἑκατὸν ἄνδρασ ἐπιλεξάμενοσ, οὓσ προβουλεύειν ἔταξε τοῦ δήμου καὶ μηδὲν ἐᾶν ἀπροβούλευτον εἰσ ἐκκλησίαν εἰσφέρεσθαι. τὴν δ’ ἄνω βουλὴν ἐπίσκοπον πάντων καὶ φύλακα τῶν νόμων ἐκάθισεν, οἰόμενοσ ἐπὶ δυσὶ βουλαῖσ ὥσπερ ἀγκύραισ ὁρμοῦσαν ἧττον ἐν σάλῳ τὴν πόλιν ἔσεσθαι καὶ μᾶλλον ἀτρεμοῦντα τὸν δῆμον παρέξειν.

οἱ μὲν οὖν πλεῖστοι τὴν ἐξ Ἀρείου πάγου βουλήν, ὥσπερ εἴρηται, Σόλωνα συστήσασθαί φασι· καὶ μαρτυρεῖν αὐτοῖσ δοκεῖ μάλιστα τὸ μηδαμοῦ τὸν Δράκοντα λέγειν μηδ’ ὀνομάζειν Ἀρεοπαγίτασ, ἀλλὰ τοῖσ ἐφέταισ ἀεὶ διαλέγεσθαι περὶ τῶν φονικῶν. ὁ δὲ τρισκαιδέκατοσ ἄξων τοῦ Σόλωνοσ τὸν ὄγδοον ἔχει τῶν νόμων οὕτωσ αὐτοῖσ ὀνόμασι γεγραμμένον.

"ἀτίμων ὅσοι ἄτιμοι ἦσαν πρὶν ἢ Σόλωνα ἄρξαι, ἐπιτίμουσ εἶναι πλὴν ὅσοι ἐξ Ἀρείου πάγου ἢ ὅσοι ἐκ τῶν ἐφετῶν ἢ ἐκ πρυτανείου καταδικασθέντεσ ὑπὸ τῶν βασιλέων ἐπὶ φόνῳ ἢ σφαγαῖσιν ἢ ἐπὶ τυραννίδι ἔφευγον ὅτε ὁ θεσμὸσ ἐφάνη ὅδε. ταῦτα δὴ πάλιν ὡσ πρὸ τῆσ Σόλωνοσ ἀρχῆσ καὶ νομοθεσίασ τὴν ἐξ Ἀρείου πάγου βουλὴν οὖσαν ἐνδείκνυται.

τίνεσ γὰρ ἦσαν οἱ πρὸ Σόλωνοσ ἐν Ἀρείῳ πάγῳ καταδικασθέντεσ, εἰ πρῶτοσ Σόλων ἔδωκε τῇ ἐξ Ἀρείου πάγου βουλῇ τὸ κρίνειν; εἰ μὴ νὴ Δία γέγονέ τισ ἀσάφεια τοῦ γράμματοσ ἢ ἔκλειψισ, ὥστε τοὺσ ἡλωκότασ ἐπ’ αἰτίαισ αἷσ κρίνουσι νῦν οἱ Ἀρεοπαγῖται καὶ ἐφέται καὶ πρυτάνεισ, ὅτε ὁ θεσμὸσ ἐφάνη ὅδε, μένειν ἀτίμουσ, τῶν ἄλλων ἐπιτίμων γενομένων. ταῦτα μὲν οὖν καὶ αὐτὸσ ἐπισκόπει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 19

(플루타르코스, Σόλων, chapter 19)

상위

목록

SEARCH

MENU NAVIGATION