헬라어 문장 검색 - Πλυταρ́Σολον́18́

(플루타르코스, Σόλων, chapter 18)

δεύτερον δὲ Σόλων τὰσ μὲν ἀρχὰσ ἁπάσασ, ὥσπερ ἦσαν, τοῖσ εὐπόροισ ἀπολιπεῖν βουλόμενοσ, τὴν δ’ ἄλλην μῖξαι πολιτείαν, ἧσ ὁ δῆμοσ οὐ μετεῖχεν, ἔλαβε τὰ τιμήματα τῶν πολιτῶν, καὶ τοὺσ μὲν ἐν ξηροῖσ ὁμοῦ καὶ ὑγροῖσ μέτρα πεντακόσια ποιοῦντασ πρώτουσ ἔταξε καὶ πεντακοσιομεδίμνουσ προσηγόρευσε· δευτέρουσ δὲ τοὺσ ἵππον τρέφειν δυναμένουσ ἢ μέτρα ποιεῖν τριακόσια· καὶ τούτουσ ἱππάδα τελοῦντασ ἐκάλουν·

ζευγῖται δ’ οἱ τοῦ τρίτου τιμήματοσ ὠνομάσθησαν, οἷσ μέτρον ἦν συναμφοτέρων διακοσίων. οἱ δὲ λοιποὶ πάντεσ ἐκαλοῦντο θῆτεσ, οἷσ οὐδεμίαν ἄρχειν ἔδωκεν ἀρχήν, ἀλλὰ τῷ συνεκκλησιάζειν καὶ δικάζειν μόνον μετεῖχον τῆσ πολιτείασ. ὃ κατ’ ἀρχὰσ μὲν οὐδέν, ὕστερον δὲ παμμέγεθεσ ἐφάνη· τὰ γὰρ πλεῖστα τῶν διαφόρων ἐνέπιπτεν εἰσ τοὺσ δικαστάσ. καὶ γὰρ ὅσα ταῖσ ἀρχαῖσ ἔταξε κρίνειν, ὁμοίωσ καὶ περὶ ἐκείνων εἰσ τὸ δικαστήριον ἐφέσεισ ἔδωκε τοῖσ βουλομένοισ. λέγεται δὲ καὶ τοὺσ νόμουσ ἀσαφέστερον γράψασ καὶ πολλὰσ ἀντιλήψεισ ἔχοντασ αὐξῆσαι τὴν τῶν δικαστηρίων ἰσχύν·

μὴ δυναμένουσ γὰρ ὑπὸ τῶν νόμων διαλυθῆναι περὶ ὧν διεφέροντο, συνέβαινεν ἀεὶ δεῖσθαι δικαστῶν καὶ πᾶν ἄγειν ἀμφισβήτημα πρὸσ ἐκείνουσ, τρόπον τινὰ τῶν νόμων κυρίουσ ὄντασ. ἐπισημαίνεται δ’ αὐτὸσ αὑτῷ τὴν ἀξίωσιν οὕτωσ·

δήμῳ μὲν γὰρ ἔδωκα τόσον κράτοσ ὅσσον ἀπαρκεῖ, τιμῆσ οὔτ’ ἀφελὼν οὔτ’ ἐπορεξάμενοσ· οἳ δ’ εἶχον δύναμιν καὶ χρήμασιν ἦσαν ἀγητοί, καὶ τοῖσ ἐφρασάμην μηδὲν ἀεικὲσ ἔχειν. ἔστην δ’ ἀμφιβαλὼν κρατερὸν σάκοσ ἀμφοτέροισι· νικᾶν δ’ οὐκ εἰάσ’ οὐδετέρουσ ἀδίκωσ. ἔτι μέντοι μᾶλλον οἰόμενοσ δεῖν ἐπαρκεῖν τῇ τῶν πολλῶν ἀσθενείᾳ, παντὶ λαβεῖν δίκην ὑπὲρ τοῦ κακῶσ πεπονθότοσ ἔδωκε.

καὶ γὰρ πληγέντοσ ἑτέρου καὶ βιασθέντοσ ἢ βλαβέντοσ ἐξῆν τῷ δυναμένῳ καὶ βουλομένῳ γράφεσθαι τὸν ἀδικοῦντα καὶ διώκειν, ὀρθῶσ ἐθίζοντοσ τοῦ νομοθέτου τοὺσ πολίτασ ὥσπερ ἑνὸσ μέρη σώματοσ συναισθάνεσθαι καὶ συναλγεῖν ἀλλήλοισ. τούτῳ δὲ τῷ νόμῳ συμφωνοῦντα λόγον αὐτοῦ διαμνημονεύουσιν. "ἐν ᾗ τῶν ἀδικουμένων οὐχ ἧττον οἱ μὴ ἀδικούμενοι προβάλλονται καὶ κολάζουσι τοὺσ ἀδικοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Σόλων, chapter 18

(플루타르코스, Σόλων, chapter 18)

상위

목록

SEARCH

MENU NAVIGATION