호흡부호 보기
강세부호 보기
장단부호 보기
작은 Iota 보기
모든 부호 보기
πρῶτον μὲν οὖν τοὺσ Δράκοντοσ νόμουσ ἀνεῖλε πλὴν τῶν φονικῶν ἅπαντασ, διὰ τὴν χαλεπότητα καὶ τὸ μέγεθοσ τῶν ἐπιτιμίων. μία γὰρ ὀλίγου δεῖν ἅπασιν ὡρ́ιστο τοῖσ ἁμαρτάνουσι ζημία θάνατοσ, ὥστε καὶ τοὺσ ἀργίασ ἁλόντασ ἀποθνήσκειν, καὶ τοὺσ λάχανα κλέψαντασ ἢ ὀπώραν ὁμοίωσ κολάζεσθαι τοῖσ ἱεροσύλοισ καὶ ἀνδροφόνοισ. διὸ Δημάδησ ὕστερον εὐδοκίμησεν εἰπὼν ὅτι δι’ αἵματοσ, οὐ διὰ μέλανοσ, τοὺσ νόμουσ ὁ Δράκων ἔγραψεν.
αὐτὸσ δ’ ἐκεῖνοσ, ὥσ φασιν, ἐρωτώμενοσ διὰ τί τοῖσ πλείστοισ ἀδικήμασι ζημίαν ἔταξε θάνατον, ἀπεκρίνατο τὰ μὲν μικρὰ ταύτησ ἄξια νομίζειν, τοῖσ δὲ μεγάλοισ οὐκ ἔχειν μείζονα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기