헬라어 텍스트

Plutarch, Σόλων, chapter 11

(플루타르코스, Σόλων, chapter 11)

ἤδη μὲν οὖν καὶ ἀπὸ τούτων ἔνδοξοσ ἦν ὁ Σόλων καὶ μέγασ. ἐθαυμάσθη δὲ καὶ διεβοήθη μᾶλλον ἐν τοῖσ Ἕλλησιν εἰπὼν ὑπὲρ τοῦ ἱεροῦ τοῦ ἐν Δελφοῖσ, ὡσ χρὴ βοηθεῖν καὶ μὴ περιορᾶν Κιρραίουσ ὑβρίζοντασ εἰσ τὸ μαντεῖον, ἀλλὰ προσαμύνειν ὑπὲρ τοῦ θεοῦ Δελφοῖσ. πεισθέντεσ γὰρ ὑπ’ ἐκείνου πρὸσ τὸν πόλεμον ὡρ́μησαν οἱ Ἀμφικτύονεσ, ὡσ ἄλλοι τε μαρτυροῦσι καὶ Ἀριστοτέλησ ἐν τῇ τῶν Πυθιονικῶν ἀναγραφῇ Σόλωνι τὴν γνώμην ἀνατιθείσ. οὐ μέντοι στρατηγὸσ ἐπὶ τοῦτον ἀπεδείχθη τὸν πόλεμον, ὡσ λέγειν φησὶν Ἕρμιπποσ Εὐάνθη τὸν Σάμιον·

οὔτε γὰρ Αἰσχίνησ ὁ ῥήτωρ τοῦτ’ εἴρηκεν, ἔν τε τοῖσ Δελφῶν ὑπομνήμασιν Ἀλκμαίων, οὐ Σόλων, Ἀθηναίων στρατηγὸσ ἀναγέγραπται.